حادث مروري في مدخل السيح بالمنعطف الذي قضى على شباب المحافظة - الأخــبـــــــار - صحيفة الخرج اليوم الألكترونية

الأخــبـــــــار

وقائع أمنية

حادث مروري في مدخل السيح بالمنعطف الذي قضى على شباب المحافظة

حادث مروري في مدخل السيح بالمنعطف الذي قضى على شباب المحافظة

فهاد القحطاني :

وقع قبل نصف ساعة من الآن حادث مروري اصطدم صاحب سيارة "جمس - يوكون" بعد أن انحرفت به السيارة ليصطدم بنخلة بين الطريقين ، في مدخل مدينة السيح ، وفي المنعطف الأخطر ، والذي وقع فيه الكثير من الحوادث وبدون أي جديد لتقليل نسبة الحوادث ، وطبعا لا يتحمل المسئولون لوحدهم خطورة المنعطف ، فتهور بعض قائدوا المركبات وسرعتهم تؤدي لذلك .

يذكر أن قائد السيارة نقل للمستشفى متأثرا بجراحة بعد حضور سيارة الاسعاف والمرور والدفاع المدني ، كما أغلق الشارع ، وتحولت السيارات لطريق الخدمة .

kharjhome

تم إضافته يوم الخميس 12/08/2010 م - الموافق 2-9-1431 هـ الساعة 2:29 صباحاً

شوهد 5134 مرة - تم إرسالة 3 مرة

التقييم 8.85/10
1
2
3
4
5
6
7
8
9
10

اضف تقييمك

التقييم: 8.85/10 (204 صوت)

[هاوى] [ 12/08/2010 الساعة 2:55 صباحاً] اضف ردك على هذا التعليق

الله يشفية إن شاء الله

والله يجازي الي كان السبب
الله لا يوفقهم

[الطفيل] [ 12/08/2010 الساعة 3:21 صباحاً] اضف ردك على هذا التعليق

اللة يشفية انشاللة
والطريق هذا من زمان وهو مسسب مشاكل ووصلو لي حل لم ينفذون حت الان والحل هو دوار ماذ يريدون بعد كفاية لي صار

[ابوناصر] [ 12/08/2010 الساعة 3:24 صباحاً] اضف ردك على هذا التعليق

لا إله ألا الله السؤول لازم يحاااسب من قبل المحافظ الأمير/عبدالرحمن بن ناصر.حفظة الله. وأمر من هو مسؤل عن تقليل نسبة الحوادث فيه وضع مطبات اشارات تعديل الطريق اي شي بس يقلل من الحوادث هناك وإذا ما تبي يخسر يحط مطبات تذكر يامن انت مسؤل عن هذا ستحاسب ان شاء الله عند ربك .
ونرجع للمهم الله يعافي الشاب ويخليه لأهله ويرحم اللي مت ويصبر أهله

سبحان الله * الحمد لله * لاإله ألا الله

[بلاك بيري] [ 12/08/2010 الساعة 3:24 صباحاً] اضف ردك على هذا التعليق

السرعه انتبهوا ياناس

[بلاك بيري] [ 12/08/2010 الساعة 9:08 مساءً]

انا شفت الحوادث جمس وداتسن شرطه مقفل طريق سيارات الدفع المدني سياراه كبير

[خرجاوي] [ 12/08/2010 الساعة 3:35 صباحاً] اضف ردك على هذا التعليق

كل الشكر والتقدير لمحافظة الخرج على جهودهم

[محب للخير ] [ 12/08/2010 الساعة 3:36 صباحاً] اضف ردك على هذا التعليق

متى توضع صبات مثل الدائري في الرياض ؟؟؟؟

أو يوضع دوار في هذا الموقع ؟؟

[ابو نافع] [ 12/08/2010 الساعة 3:53 صباحاً] اضف ردك على هذا التعليق

الله يشافيه ويعافيه يارب يا كريم

انا كنت موجود وقت الحادث وكنت قادم من الرياض والله تاخرت كثير ما هو بسبب

الحادث والله بسبب التجمهر واللقافة من بعض البشر

يا جماعة قليلا من الذوووووووووووووووووووووووق واحترام حقوق الغير

[ابوسامي] [ 12/08/2010 الساعة 3:56 صباحاً] اضف ردك على هذا التعليق

الله يشافيه ويعافيه000

ياخواني هذي صدمه قويه والدليل السرعه الزايده والله00

صحيح المنعطف خطر جدا" ولكن نحن نخطي بالسرعه الزايده00

[ التميمي] [ 12/08/2010 الساعة 4:03 صباحاً] اضف ردك على هذا التعليق

انا كنت عند الحادث صاحب اليوكن صدمه واحد من وراء صدمه خفيفه وزحف فيه الجمس

وضرب النخله وسحبها للشارع الثاني والرجال الحمدلله سليم ما فيه شي ونقلوه

للمستشفى

وفي نفس الحادث صار حادث ثاني مع زحمه السيارات ددسن مع دينا لكن الحمدلله مافي اصابات

هذا ملخص الحادث

تقبلووو مرووووري

[عاقل ومعارض] [ 12/08/2010 الساعة 4:20 صباحاً] اضف ردك على هذا التعليق

السبب بعد الله في كثيرة الحوادث في ذاك المنعطف هو السائق نفسه ..

سؤال صريح وابي اجابه معقولة ؟؟

هل السير على المنعطف بسرعة تصرف صحيح أم خطأ ؟؟

في كل دول العالم ومن المتعارف عليه بين سائيقي المركبات أن كل منعطف يعتبر خطر على المركبة .. لأن النتبجة المنطقية هي أنزلاق .. فلم السرعه !!!

الغير طبيعي في ذاك المنعطف هو ( عيون القطط)) ليه ؟؟

أقولكم ليه .. لأن الصناعية بعد الإشاره يسار .. يعني هلا بك في منطقة السيح وترى الصناعية يسار ... رح ربط موترك مره ثانيه .

ما ننسى ندعو لسائق اليوكن بالشفاء .

[.....................] [ 12/08/2010 الساعة 4:58 صباحاً] اضف ردك على هذا التعليق

الله يشفيه
تتوقعون كم كان يمشي
ودك يحطون نظام ساهر في الخرج

[عامر الصويغ] [ 12/08/2010 الساعة 5:08 صباحاً] اضف ردك على هذا التعليق

لاحول ولاقوة الا بالله

حمد لله ع سلامة وان شاء الله يقوم بالسلامه

اتمنى تكون فيه اشاره ضوئيه توضح للقادم بوجود انعطاف

خطر

والشي الثاني

بخصوص الطريق

الله يهدي العالم تجي تمشي 140 ---170

وتقول في سباق

انا اشوف السرعه الزائده دائم ماتكون سبب مثل هالحوادث

الله يقومه بالسلامه مره ثانيه

[My age is 18 yrs] [ 12/08/2010 الساعة 5:12 صباحاً] اضف ردك على هذا التعليق

لا حول ولا قوة إلا بالله , ليش التهور ؟ ليش السرعة الجنونية ؟ انا لا احدد في كلامي ولكن مانراه من سرعة جنونية و تلاعب في القيادة بشكل واضح ومخيف ليش هالناس طايرة ؟؟ يا أخوان الواحد لازم يفكر لما يسوق السيارة أن له أهل ينتظرونه و له أم تنتطر رجوعه...أو أن له أب يأمل فيه ويحتاج مساعدتة....ما أدري ليس هالجنون و حوادث القيادة عندنا مريعة و مخيفة ...كما إطلعت على تقرير من ارامكو السعودية في 2009 على إحصائيات حوادث المملكة و عدد المتوفين و حالات الاصابات الخطرة....شىء محزن و اعداد لا أحد يتخيلها....أمور يتقطع لها القلب...و ثاني شىء بالنسبة للمنعطف اعتقد اذا كنا ما نلتزم بالقانون فهذه العاقبه ....اذا السرعة المحدده تقريبا 70 ليش الواحد يمشي 120 او اكثر ؟؟؟ولأنه بالتأكيد ومن غير المقبول ان يتم وضع سرعة محددة من غير سبب ...فلازم ننظر لانفسنا أولا , وكذلك ان ينظر من قبل الجهات المعنية لهذا المنعطف ...وخاصه اذا كان سبب لوقوع كثير من الحوادث.

اسأل الله ان يشفيه و ان يحميه .

[اعصارجو] [ 12/08/2010 الساعة 5:25 صباحاً] اضف ردك على هذا التعليق

لا اله الا الله
الله يشفيه صراحه شكل الحادث قوي قوي
والسبب ليس من المنعطف بدرجه كبيره
السبب الاول هو من السائق نفسه بدليل اني اعرف واحدعمل حادث في نفس المكان ونجا بقدرت قادر ولما سألته عن سبب الحادث قال وهو يحلف بانه كان يمشي وقت الحادث160

ولا اعلم هل هوصادق ام لا لان هذه السرعه في منعطف خطره جداً

[al-gareh Al-Harbi] [ 12/08/2010 الساعة 5:30 صباحاً] اضف ردك على هذا التعليق

يالله تشفيه وتعافيه يارب

[.........] [ 12/08/2010 الساعة 5:48 صباحاً] اضف ردك على هذا التعليق

انت يالتميمي انك تقول شفت الحادث هل تعرف مواصفات السياره او رقم اللوحه للضروره????

[المحترم ] [ 12/08/2010 الساعة 7:05 صباحاً] اضف ردك على هذا التعليق

اقول وش صار على راعي السياره صارله شي ولالا؟؟

[2010] [ 12/08/2010 الساعة 7:10 صباحاً] اضف ردك على هذا التعليق

السلام عليكم يأخواني لو سمحتو كم لوحة السياره عشان اعرف هو يقربلي ولا لى

[2010] [ 12/08/2010 الساعة 7:12 صباحاً] اضف ردك على هذا التعليق

شباب مرور الخرج فاشل في وقت الحادث عند محطة ملف عواد شفة المرور عند الكفي يشرب موكا

[معشي البسه] [ 12/08/2010 الساعة 8:10 صباحاً] اضف ردك على هذا التعليق

اعوذ بالله شكله ماشي طبلونه

[ولـــد النـــــــــــاصفة ] [ 12/08/2010 الساعة 8:55 صباحاً] اضف ردك على هذا التعليق

الله يهــدي اللي يسرعون
ع الحراام لو انه مو مسرع كان ماصار اللي صار .....
بس عاد وش يسسسوي قضاء الله وقدرهـ......

اللي يقووول انه الحــاادث من المنعطف ترااهـ غــلطان ....
أأآصلا رح شووف مكان الحــاادث بعــيد عــن المنعــطف ..,’.
ترااهـ وااحد حــااادهـ .... شكله كان عندهـ جرية ....
الله يهديه ويهديــكمـ...
وهالله هالله بالسسرعة ياعيال الخــرج ....
والله انكم ذـــيبان ........

[المحروم] [ 12/08/2010 الساعة 9:25 صباحاً] اضف ردك على هذا التعليق

الله يشفيهم والسرعه مافيها خير

[كنق الخرج] [ 12/08/2010 الساعة 11:04 صباحاً] اضف ردك على هذا التعليق

سلام عليكم
يامحب الخير
انت تقول دوار
دوارا مدخل الخرج ماينفع عندك ناااس همج
يمشي وبس
الفضل ان يكون كبري
احسن وافضل
.
.
.

نمشي ع كف القدر ولا ندري وشهو المكتوب..............!
الله يشفيك ويعافيك وتقوم بسلامه

[ابوسلطان] [ 12/08/2010 الساعة 11:13 صباحاً] اضف ردك على هذا التعليق

في البداية شهر مبارك على الجميع ..
والرجال اللي صار عليه الحادث ان شاء الله يكون بخير ويكمل صيام الشهر الكريم مع المسلمين ..
ويصبر اهله وربعه ويكون بعونهم ..
يا أخوان وضع الطرق وتنظيمها في الخرج صعب جداً يعني نشوف منعطفات خطيييرة ودوارات ما تدري الافضليه لمن فيها !!! يعني الطاسه ضايعه في الدوارات ونشوف حفر كبيييره .... المهم اننا نساعد انفسنا قبل كل شي ونبدأ بأنفسنا قبل اي شي
وبالمختصر المفيد نبعد عن السرعه المتهوره والسباقات ونتناصح فيما بيننا وفي مجالسنا وكل احوالنا ..
واتمنى من اللي حط الدوارات ان يحط لوحات ارشاديه للافضليه او مطبات تهدئه للداخلين للدوار الين تتعلم الناس لمن افضلية الدوار ... اللي نعرفه ان افضليه السير لمن بداخل الدوار لكن هنا اشوف العكس .

دمتم بصحة وعافيه ..

[صعب المنال] [ 12/08/2010 الساعة 11:31 صباحاً] اضف ردك على هذا التعليق

سؤال نود ان نحصل على اجابه شافيه له الا وهو:

هل انحرف هذا الطريق عن مقبره او املاك خاصه يابلديه وياطرق ؟

الدوله رعاها الله اقوى من ان تفقد ابنائها بسبب هذا المنعطف الخطر كلي امل بالله ثم

بولاه الامر انها هذا البلاء رعاهم الله وسدد خظاهم

اخوكم/محب الوطن واهله

[مغترب في عذابي] [ 12/08/2010 الساعة 1:20 مساءً] اضف ردك على هذا التعليق

الله يشفي المصاب ويرده لاهله سالم غانم وبتم صحه والمفروض شوراع الخرج مايمشي فيها الوحد إلا

[يارب سترك ] [ 12/08/2010 الساعة 1:36 مساءً] اضف ردك على هذا التعليق

الله يشفي المصابين

نقول السرعة والسرعة والسرعة
طيب الحادث مثل ما قال أحد الحضور
لم يكن بسبب سرعة الجمس اليكون
لأنه أنصطدم من الخلف
وهذا ممكن يصير لأي واحد منا
حتى ولو كان يمشي بسرعة عشرة

لكن نرجع للمنعطف نفسه
بصراحه هذا المنعطف مصيدة
يعني تصور أنك ما تعرف الخرج ولا مريت يوم من هذا الطريق

رايح تتفاجئ بهذا المنعطف
وإذا سلمت منه
ما سلمت من النخل المسوسه إلى في جزيرة الطريق

ودي أعرف وش فائدة النخل الموجود في المنعطف

كم نفس ونفس راحت ضحية لهالنخلة المسوسة

والله لو أنها تطرح ألماس مهو رطب

ليه ما يكون على جانب رصيف المنعطف
صبات خرسانية مدعومة بربلات ممتصة للصدمات وملصق بها أنوار عاكسة كذابة

على الأقل تمنع السيارات من الوصول للنخل وأعمدة الإنارة

حل بسيط وغير مكلف

إلى أن ينتهي حل الشيوخ
إلى صار له عشر سنوات

أنا عن نفسي أتحاشى الطريق كله من البداية
وأدخل الخدمة من عند بوابة شركة الكهرباء إلى قرب إشارة بنك الراجحي
ويالله السلامة

[حــي الـمــنــتــــزه] [ 12/08/2010 الساعة 4:03 مساءً] اضف ردك على هذا التعليق

الحادث وقع على طريق الملك عبدالعزيز بالقرب من برج الخرج

[برنس الخرج] [ 12/08/2010 الساعة 4:40 مساءً] اضف ردك على هذا التعليق

باناس فكونا والله لاينفع لادوار ولا كبري وحتى لو تحط البلدية مطبات كبر جبال احد او السروات من ملف عواد وحتى الحديثي ما ينفع باهل الخرج السرعة فيهم فيهم الله يهديهم بس اجل طريق مثل هذا الحد الا على فيه 60 كلم وهم يمشون 200 كلم هباااااال وتهووور 0

[فاقد رفيقي لي مده] [ 12/08/2010 الساعة 4:49 مساءً] اضف ردك على هذا التعليق

انت يابوراس يامدير البلديه من يوم جيت وانت في الخرج اتمنى ان تغيروو مسار هالملف ولا حصل ليههههههههههه كم حادث اتقو الله فيناااااااااااااااااااااااااااااااااااااااااااااااااااااااااااااااااااااااااااا انتم ولا الامر ورئيس بلديه اتق الله فينااا صلح الطريق كلها من حلال الدوله مانت بخاسلر من جيبك شي كم حادث في ه1المنعطف

[عبدالله ] [ 12/08/2010 الساعة 5:55 مساءً] اضف ردك على هذا التعليق

بسم الله والشهر عليكم مبارك
انا احد افراد المرور واحد المباشرين للحادث انا معاكم ان المنعطف خطير لاكن بامانه وش فاده من السرعه وخاصه بالخرج انا ما اقول الا الله يجيب ساهر يارب عشان نفتك منكم ويطبق النظام صح عشان هذا الحل الوحيد لاكن اتمنى منكم يا اهل الخرج في الحوادث الي كذا بانكم تقدرون عملنا والتعاون معنا ابي اعرف الفايده من التجمع الرهي الي امس والله جننتونا يا جاهلين
واما بالنسبه للاخ الي يقول ان المرور متكي عند كوفي شوب ملف عواد انا اقوله حاول تحري الدقه واذا كان هو وش المشكله هو اله ولا وش مو انسان
الله يعطيه الف عافيه على وقفته وتنظيم السير وراح اختصر لك المسافه ترى جايب لشباب الي في الموقع ماء ترى احنى اوادم يا اهل الخرج واتمنى منكم الوعي الوعي واتمنى منكم التعاون معنا

[ابو راكان] [ 12/08/2010 الساعة 7:38 مساءً] اضف ردك على هذا التعليق

[بلاك بيري] [ 13/08/2010 الساعة 3:21 صباحاً] اضف ردك على هذا التعليق

رجا ل الي مستشفئ جت الاسعاف متاخر ارجو ان الناس مجتمع علي رجال

[محمد] [ 13/08/2010 الساعة 4:12 صباحاً] اضف ردك على هذا التعليق

أول شئ ان شاءالله ان راعي السياره يقوم بالسلامه ..

والشئ الثاني للي يقولون الحادث بسبب المنعطف والسياره مسرعه ..

يمكن صح السياره مسرعه لكن الحادث بعد المنعطف .. والرواية اللي سمعناها انه محدود ..فـ لو اي احد مكانه ويمشي 70 ويحده احد والا يضربه من ورآ بيكون له نفس الموقف ..

فـ ليه ماتنحط صبات مثل ماقالوا الأخوان ..!! وش المانع ..؟

على الأقل لو صدم بالصبات بيكون الضرر اقل من انه يصدم بنخله والا عمود اناره ..

الشئ الثاني لو انه ماصدم بالنخله وطب ع الشارع الثاني وجت سياره وصدمته وهي مسرعه ..

فـ ليه هالرصيف اصلن على طريق مثل هذآ المفروض صبآت ويآلله ..

المشكلة مهب اول ولا اخر حادث على هالطريق ..

على قولة واحد من اخوياي المفروض الواحد مايقول الحمدلله على السلامه اذا كان مسافر ورجع للخرج الا بعد مايتعدا الحديثي ..

[عائلة الفريح] [ 13/08/2010 الساعة 9:37 مساءً] اضف ردك على هذا التعليق

الحمد لله على السلامة يأبن الخال

[ون عزوز بيس] [ 14/08/2010 الساعة 12:38 صباحاً] اضف ردك على هذا التعليق

والله نحتاج لتعاون بين المرور والبلديه لأنشاء طرق ووضع لوحاة تحذيريه
وماقول إلا الله يستر من الجاي
ياحكومه أستيقضو وشوفو الي يصير

[غليفص ] [ 14/08/2010 الساعة 4:10 صباحاً] اضف ردك على هذا التعليق

يشرب موكا حار ولا بارد

بسكر ولا بدون

ههههههههههههههههههههههههههههههههههه

وش دراك انه موكا

[ابوشيبه+الوحش] [ 14/08/2010 الساعة 5:52 صباحاً] اضف ردك على هذا التعليق

السرعه الندامة والتاني السلامة

[الامبراطور] [ 14/08/2010 الساعة 1:52 مساءً] اضف ردك على هذا التعليق

الله يكوون بعونهكم

[SNTOB] [ 14/08/2010 الساعة 2:37 مساءً] اضف ردك على هذا التعليق

الحمدله على السلامة يا ولد عمي

وما تشووف شر ان شاء الله وكل طقة بتعليمة

[الخرجويه] [ 14/08/2010 الساعة 3:37 مساءً] اضف ردك على هذا التعليق

الله يشفيه ويقوم بسلامه دعواتكم يا اخواني لا للسرعه رجااء احناااااا في شهر الخير

[متابع] [ 14/08/2010 الساعة 5:15 مساءً] اضف ردك على هذا التعليق

الله يشفيه!! انا شفت الحادث الصراحه الملف خطير جداََ

[ التميمي] [ 14/08/2010 الساعة 7:05 مساءً] اضف ردك على هذا التعليق

رقم اللوحه ياطالبها
ا م ا 1417

[لاعب حواري ملعلب النقره] [ 15/08/2010 الساعة 12:13 صباحاً] اضف ردك على هذا التعليق

الحمد الله على السلامه والله يشفيه
اناشد كل مسؤل واخص بالذكر مدير الدوريات الامنيه بالخرج المقدم سلطان السهلي الله يحفظه بالمطالبه بتطبيق نظام ساهر في محافضتنا ارواح تزهق بسب مراهق وحوداث جما في كل يوم

[علم بلادي علم اخضر] [ 15/08/2010 الساعة 12:18 صباحاً] اضف ردك على هذا التعليق

السلام عليكم معاكم السعودي الخرجاوي المروري
السرعة (لا)
الملف (لا)
الاشارة (لا)
الزحمة (لا)
المطبة (لا)
الخرابيط (لا)
الـــــــــــلــــــــقـــــــــافــــــــة ( نــــــعــــــــــم )
يااخي الحادث صار وراح
وش رايك اروح انا وياك
ونعيد الحادث عشان
نجمع الناس كلهم
ونقول شفوا الحادث
كان سمسم هذا هو حادث قبل شوي معلوم الحين
الخرجاويين : ايي معلوم يالله كل واحد بيته
النـــــــــــصــــــــــــــــــــيـــــــــحــــــة:::::::::::::::::::
خلكم زي المصري (تخرص) امحق مثل ههههههههههههههههههههههههههههههههههه

[حمد] [ 15/08/2010 الساعة 2:16 مساءً] اضف ردك على هذا التعليق

انا يومياً اداوم من الهياثم إلى الخرج واجي من نفس الشارع ولله الحمد ماقد صارلي اي شي في ذا المنعطف اللي تقولون
في لوحت إرشادية على الطريق
وفي لوحة السرعة القانونية
واللي يبي ينتحر
لاينتبه لشي
ويقول السبب الجهات المختصة
السواقة ذوق مش هبال وخلاص
سرعة جنونية والدليل شكل السيارة

(كل عام وانتم بخير )

[نايف الرويلي ] [ 17/08/2010 الساعة 4:22 مساءً] اضف ردك على هذا التعليق

لا حول ولا قوة الا بالله

[علي عبدالله العبلان] [ 24/08/2010 الساعة 10:11 مساءً] اضف ردك على هذا التعليق

الله يشفيه انشاالله
ويكون بعون اهله

[سعـد القح ـطـآإني] [ 27/02/2011 الساعة 4:36 صباحاً] اضف ردك على هذا التعليق

يـإآ شبـآإب . انـآإ ح ـآضـر الح ـآإدث , من أؤل .. شيء وشفته يـؤم صدم , وانـآإ الي مسـآعدهـ .. وانـآإ مادرري انـه قح ـطـآإني , بسس اظـن ان وـآح ـد حـآإدهـ رـآإعي اف جي , على ماظن لن الجمس اؤل ماصدم انحـآش رـآعي الاف جي ,, وجيت لقيت الرجـآإل طـآإيـح عند مؤترهـ .. وأبعته عن المؤتـر , وحطيت تحت رأآسـه مخدهـ .. وظبت امؤرهـ ..

[kaka] [ 01/04/2011 الساعة 9:01 مساءً] اضف ردك على هذا التعليق

الله يصلح شبابنا المتهوررررررررررررررررررين

قولوا معي امييييييييييييييييييييين

امييييييييييييين

[kaka] [ 01/04/2011 الساعة 9:04 مساءً] اضف ردك على هذا التعليق

صحيح والله ابوي
كان موجوووووووووود لما صار الحادث
الله يصلحم ان شاء الله