والله كثرة السرقات بالخرج
ومافيه أي رادع يردع اللصوص

رح وانا اخوك بتحصلها على طريق حرض او عند الاستراحات اللي بالراشديه


هذي المواقع اكثر شي تحصل السيارات المصروقه فيه ؟؟

وانشالله انك تحصلها ماهي مشلحه بعد

الله يكون بعومك اميييييين

ماكسيما عز الطلب



الله يعينك

احتمال يفحطون عليها ويتركونها

إن شاء الله تلقاها سليمة

والله مشكلة ! إذا يكون أحد المتعاقدين في جامعة جديدة بالخرج وتنسرق سيارته ! مو المفروض الجامعة تجهز لهم مكان يجمعون فيه سياراتهم عند السفر! على الأقل كتقدير للدكاترة اللي عندهم بالجامعة .. وكنوع بسيط من الحصانة التي لا تكلف الجامعة شيء !

بس اسمع وأنا أخوك إذا بتعتمد على الشرطة في الحصول على سيارتك فأتوقع ماراح تلقى شي .. الله يعينك تقوم وتدور عليها وتسأل من هنا وإلا هنا .. وشوف أماكن التشليح أو بعض الطرقات البعيدة عن الأنظار والمزارع ..

وإن شاء الله ترجع لك السيارة كما كانت .. وحسبي الله على من سرقها .. نسأل الله أن يشل أيديهم وأن يكفي المسلمين شرهم ..

السرقات في الفترة الأخيرة انتشرت بشكل كبير.. بل وعيني عينك يعني يسرقونك وأنت بسيارتك..

وأنتم تعرفون السبب!! المرور في الخرج والشرطة تحتاج إلى إعادة هيكلة من جديد .. من أول موظف إلى آخر موظف .. وياليت يجيبون ناس من برى المنطقة علشان نرتاح من الواسطات وحب الخشوم .. وهذا ابن عمي .. وهذا مدري وشو !

الشرطة والمرور في الخرج إذا لك معرفة فيهم بتمشي أمورك .. وإذا ماتعرف أحد .. فالله يخلف عليك وتتحمل مايجيك .. وترى عاااادي جدًا جدًا يقولون لك أنت المفرط في سرقة السيارة وأنك ماحفظتها بالمكان المناسب ! ترى كل شي جااايز يعني لا تستغرب..

إذا أحيانًا لما يكون فيه حادث والخطأ على الشخص الثاني 100% كأن يكون قاطع إشارة .. وتتفاجأ أن العسكري اللي جاي يعرف الشخص الثاني وتلقاهم يحبون خشوم بعض .. وبقدرة قااادر تصير النسبة عليك 100% وتصلح سيارة الرجال بعد ..

أو يكون سارق في وضح النهار.. وماسكينه متلبس بالجريمة .. وعليه سوابق .. كلها ساعتين ويطلع بكفالة ويرجع على اللي سرق منه ويبهذله لأنه بلغ عنه .. ويسرق زيادة .. لأنه يعرف أن مافيه أي رادع يردعه ..

بالله عليكم هذا مو قهر !!!

قطع إشارات .. سرقة سيارات .. تهور في القيادة .. تجاوزات السيارات لبعضها بشكل خاطئ ومخيف.. وقوف السيارات في نصف الطريق ..

كل هذي وأكثر تلقاها عندنا بالخرج .. ولما نرجع للسبب!! أكيد أنتم عارفين..

وحسبي الله ونعم الوكيل ..

وأرجع لأخونا أحمد وأقوله الله يعوضك خير .. وإن شاء الله ترجع سيارتك .. وأنا واثق لو الأمر وصل لمدير الجامعة إن شاء الله إنه ينصفك بالشيء اللي تستاهله وزيادة ..

وأملنا في أميرنا المحبوب أن يعيد النظر في مسألة الأمن العام لدينا في الخرج .. فهو بحااااااجة ملحة إلى تغيييير جذري .. وليس عاجزًا عن ذلك بعد توفيق الله ..

تعرف الدوريات الامنيه اكييييييييييييييد
بلغتهم اولا اتحداك اذا لوقوهااا لو يمر من قدامهم ماعرفوهههااا
تدري ويتهم فيه ورى مبنى الماليه او في امسجد اللي عند الحرشان او عند ابل اللي عند شركه الكهرباء

تبي نصيحتي رح لمعااارض السياارات وشتر سياااره غيرهاااااا

الان الدوريااات ماهم فااضين

رجعوا سيارة القنصل السعودي في مصر اللي انسرقت وبعدين ترجع لك سيارتك المكسيما !!

أجهزة الأمن بالجيزة تلقت بلاغًا من القنصل السعودى محمد أمين عثمان المقيم بشارع النبوى إسماعيل بالمهندسين باكتشافه سرقة سيارة من نوع تويوتا من أمام الفيلا التي يقيم بها، مؤكداً في حيثيات بلاغه أن السيارة مملوكة للسفارة السعودية.


http://www.alweeam.com/news/news.php?action=show&id=18380

أن شاء الله تجد الماكسيما بأقرب فرصة

لابد أن تبحث بنفسك عليها في اطراف المدينة

وتساعد الدوريات في عملية البحث