مأذون الأنكحة ... بعد التحية و التقدير

ماقام بهذا العمل لسواد عيون الناس (ولا اعم) ولكن نسبه كبيرة همه الخمس مائة لو تتطلق بعد العقد ماهمة ؟
بصراحة اتمنى من وزارة العدل إعادة النظر في مأذوني الأنكحه تصرف لهم مكافئة مثل أئمة المساجد وكل واحد يعطى منطقة و يقاله هذي منطقتك وإذا اشتكى احد حطينا بدالك أما يقال لهم لا تطلبون فلوس ؟ من عاطاكم من نفسهه خذوا منه ؟ كلام فاضي !!!!

اقول بصراحه : عطوهم خمس ميئة علشان اذا دعيتوهم مرة ثانية يجونكم هههههه
ولا بتبلش من يزوجك خخخخخ 

على كذا ماراح تلقى أحد يملك لك
يعني المأذون يترك أشغاله وعياله ومشاوير وأخرتها بلوشي

بهذا القرار الغريب والمجحف من وجهة نظري
وش مصلحة الماْذون يلحق ورا العالم من غير فايدة
يعني خسايرعلى الفاضي

يعني لازم نعطيه بدل مشوار ...........يحتسب الاجر ترى الاخرة تبي

ويابخت منجمع رأسين بالحلال


وراح فيها المأذون اللي بحي بن تركي هههههههههههههههه

حاجة غريبة والله ...


بالله عليكم من هو الشخص الذي سيحضر المأذون إلى بيته لعقد قران أحد أقاربه ,

ثم يقول له : جزاك الله خير ... توكل على الله ؟!!

المأذون لا يطلب المال , لكن أهل العريس أو العروس لا يرضون بأن يخرج من عندهم خالي الوفاض .


ثم إنه إذا كان المأذون يتقاضى راتباً شهرياً من الوزارة , فأنا أول الأشخاص الذين يمتنعون عن إعطائه ( بخشيش ) نظير عمله .

المشكلة عدم تحديد مرتب لهم وتاركينها سبهلالا و الحقيقة المرة التي تعرفها الوزارة أن بعض من يعقد النكاح تجر بسبب هذه الشغلة وصار من اهل الملايين لا يغركم حالهم تراهم يملكون نص اراضي الخرج

مكسب مهب سهل

إذا المأذون يتاقضى ريال واحد من الدولة فلا يستحق أن يأخذ ريال واحد من أهل العروس أو أهل العريس

يكفي أن المعريس بيتكلف المفروض أن المأذون يتساعد معهم



وتبعاً لهذا القرار فالمفترض أن وزارة العدل تمنع المواطنين من إعطائهم مبالغ مالية

بس باقي يشوفون للخطابات حل !!!

تطلب أحيانا 5000 ريال بعد الملكة وأحيانا تهدد لو ما أعطيت تخرب عليهم

ماوقفت الى على المؤذون وينكم عن اسعار المواد الغذائيه وينكم عن تحكم التجار

باسعار السلع من اراضي وغيرها يعني الارض وسط الخرج 300000 وفي حي

الورود مضاعف لماذا فقط باجابتهم الحي راقي ويسكنه اناس متحضرين ومناصب الان

الاراضي غليت حتي الحلاقه وغيرها رفعو سعرها بلامبرر

لبه قلبك ياصاحب المقال ((الله معاكم )) صدقت المأذون ياخي يكفي انه يجي بعض الأحيان عند ناس يمكن يستهزؤون فيه مو محترمين او حتى الماء ما يعطوونه شوفو الرز شوفو النواشف شوفو الأرااضي شوفو الشقق اللي مابه ألا 3غرف ودوورتين مياه اكرمكم الله ب18 ألف بالسنه وين ياخي خل المأذون يلقى اجر ويكسب شي على روحته وردته ولا اصرفوو لهم روااتب وابشرو والله ما يشد ريال ألا اكرااميه ولا اللي ربي مقدر عليه بكيفه و.برنس الخرج. حي بن تركي فيه واحد ومعرووف وعيب عليك الرجال محترم صح انه درااهم ماشاء الله عليه بس محترم وامام مسجد وياليت انك تروح تعتذر منه ترى يوم القيامة بيقتص منك وهذه نصييحه مني لك .
أهم شي المواد الغذااائية شووفو لنا حل الله يجزاكم بالخير راتب 8446 ماعاد يسقم شي طفرنا اجل المقاااضي مابه ألا كييستين ب300 أن خلو المأذون وروحو للأغذية جزاكم الله ألف خير

جزاك الله خير يابو ناصر وارجو اني ما اخطأت لاني ما اقصد الاساءة اليه

يا ويلك يا برنس الخرج اذا رحت تعتذر من الرجال بيمعط شعرك (بس احسن من عذاب الاخره)

ملاحظات و تصحيح
مـأذون الأنكحة يمنعة النظام من إشتراط مبلغ محدد لكتابة العقد و لكنه لا يمنعه من قبول ما يدفع له قل أو كثر

في الأصل يحضر جميع الأطراف (الزوج - الوجه - الولي - الشهود) الى مأذون الأنكحة إما في المحكمة أو في المقر المخصص له إن كان موجود ، و لكن تسهيلا على الناس يقوم المأذون بالحضور للمنزل و يكتب في السجل ثم في اليوم التالي يذهب المأذون للمحكمة و ينهي إجراءات إستخراج عقد النكاح دون أن يكون على الزوج سوى الحضور لاستلامه

بالله عليكم .. إن دفع الزوج أو ولي الزوجة مبلغ 500 ريال أو حتى 1000 ريال فكم تمثل نسبتها من ما يدفع لحفل الزواج ؟

و فقني الله و إياكم