سكان حي النهضة يعانون من المفحطين ؟..ومرور الخرج في سباتٍ عميق! - الأخــبـــــــار - صحيفة الخرج اليوم الألكترونية

الأخــبـــــــار

خبر ومسئول

سكان حي النهضة يعانون من المفحطين ؟..ومرور الخرج في سباتٍ عميق!

سكان حي النهضة يعانون من المفحطين ؟..ومرور الخرج في سباتٍ عميق!

خالد الفرج :

ما زال مسلسل التسويف والتاجيل من قبل " قسم الصيانة والتشغيل " ببلدية الخرج مستمراً منذ أشهر, فالبرغم من تقديم أهالي الحي لشكوى على الشارع الواقع جنوب ثانوية الشيخ/ محمد بن عثيمين بحي النهضة بمعاملة رقم (938) منذ اكثر من 4 أشهر لكثرة المفحطين في هذا الشارع وعدم وضع ارصفة او مطبات منذ اكثر من 7 سنوات .فلا يزال الشارع على حاله دون وضع مطبات أو أرصفه تحد من تفشي هذه الظاهرة المستمره بشكل شبه يومي.

فبالرغم من اهمية الشارع وإتساعه وخدمته لأهالي الحي إلا انه أصبح مصدر إزعاج بسبب المفحطين وخطر كبير على حياة سكان الحي وطلاب الثانوية وابتدائية فرسان الجزيرة الاهلية .

ويطالب أهالي الحي من المسؤولين مراجعة مطالبهم بإيجاد حل عاجل لهذه المشكلة والتي لن يرضى بها المسؤول لو كانت تقع في نطاق حيه .

يذكر أن مرور الخرج بحسب ما يشاهده أهالي الحي ,غير متواجد وغائب عن الأحداث تماماً ,رغم إتصالات الأهالي المتكررة ,وهو مايطرح علامات الإستفهام حول تجاهل المرور لردع المخالفين وتطبيق النظام بحقهم ,خصوصاً أنه الجهة المخولة بظبط النظام المروري وظبط تجاوزات مثل هاؤلاء الشباب المستهترين براحة الأهالي والتسبب في إزعاجهم بشكل شبه يومي!

كما يشار إلى أن الخرج اليوم قد عرضت سابقاً - قبل تسعة أشهر تقريباً - شكوى الأهالي ومعاناتهم مع التفحيط في هذا الحي على الرابط التالي :
http://www.kharjhome.com/news-action-show-id-5304.htm

kharjhome

تم إضافته يوم الجمعة 02/07/2010 م - الموافق 20-7-1431 هـ الساعة 2:56 مساءً

شوهد 2112 مرة - تم إرسالة 0 مرة

التقييم 4.96/10
1
2
3
4
5
6
7
8
9
10

اضف تقييمك

التقييم: 4.96/10 (221 صوت)

[وائل العنزي] [ 02/07/2010 الساعة 3:15 مساءً] اضف ردك على هذا التعليق

السلام عليكم ورحمه الله وبركاته ...

انا عندي تعليق ان الخبر هذا ليس صحيح مع احترامي لكم ..

المرور متواجد ودائمـآ وخاصه وقت الاختبارات ..

وهاذا شي انا اشوفه بعيني كل يوم من الاختبارات وقبلها والا الحيـن ..

====================================================
وثاني شي من طوله هذاك الشارع عشان الواحد يفحط ..

اتحدآك ان مشيت 60 يا شيــخ ..

اخوووكم وائل العنــزي

[صـريـح] [ 02/07/2010 الساعة 3:19 مساءً] اضف ردك على هذا التعليق

وانتم ماتفرحون لين تشوفون الخرج كلها مطاب .... !!!

[مهاجر] [ 02/07/2010 الساعة 4:31 مساءً] اضف ردك على هذا التعليق

ياخي هالخرج أقسم بالله أغرب مدينه سكنت فيها
تفحيط بكل الشوارع قطع اشارة سعوديين بالجمله
والأجانب ماعليهم زوووود
والمرور

غير متواجد
أبد

أقول كل نفسي تهفني ببرقيه فوق
من بعد طريق الأمير سلمان ونحن في رعب

[شوارع كلها مطبات ] [ 02/07/2010 الساعة 6:15 مساءً] اضف ردك على هذا التعليق

والله الشارع الي عند ثانويه الملك عبدالله كلها مطبات والي يروح فيها سيارات المواطنين

طيب ياخي اذا انت ماتقدر تحطون دوريه واقفه بشارع اثنى الاختبارات الى تسوي

مطبه والمشكله الشارع بعد الي عند اومرك كلها مطبات مدري وش يحسون فيها

وعسى بس مايطوحن مطبات بعد في النهضه ويالله الي يروح فيها سيارات تتكسر وسبه هم

وشارع الفين مطبات وشوارع مكسرره سياره جديده وكاله تكسرت من سبت مطبات

بس مااعتقد حل هو مطبات لنك تضر ناس ماتضر المفحط المفحط لو بغى

يفحط ماتاب من مطبه او مطبتين بيتوب من سجن وجلد خله عضه وعبره لي غيره

مطبات مطبات مطبات طيب ياخي الشوارع كلها مطبات وتبون تزود الطين بلاه

عاد من زيون شوارع االخرج مكسره سياره جديده وكاله 2010 راحت بسبت مطبات

وصلو مطبات ودعاوي الناس عليكم

[فيصل النادر] [ 02/07/2010 الساعة 8:16 مساءً] اضف ردك على هذا التعليق

مرور الخرج في نوم عميق...امس في الاختبارات يقول شكل الجنه متبابعة المدراس ولم نجد اي سيارة مرور والتفحيط موجود وقطع الاشاره موجود ولاتتعبون انفسكم لي بشرط تغير مدير المرور والافراد الانهم من اهل الخرج وكلهم وساصطات ================================================

[باحث اجتماعي ] [ 02/07/2010 الساعة 10:19 مساءً] اضف ردك على هذا التعليق

انا بحكم سكن خوالي قريب من المنطقة الشارع لا يوجد به تفحيط

[بشكاش] [ 02/07/2010 الساعة 11:25 مساءً] اضف ردك على هذا التعليق

كل اللي ردوا وقالوا ان الشارع مافيه تفحيط >>>> تراهم من من المفحطين في ذا الشارع بس ما يبيون يخلون الشارع تحت المراقبه

[..مواقف..] [ 02/07/2010 الساعة 11:48 مساءً] اضف ردك على هذا التعليق

أيضاً شارع المثلثاث \"الأمير سلمان\"

وشارع القوية

تفحيــــــــــــــــــــــــط من شهور

أين مرور الخرج !

[ara] [ 03/07/2010 الساعة 1:40 صباحاً] اضف ردك على هذا التعليق

يا مروووووووووووووووووووووور في الشارع الشرقي لمدرسة الشيخ ابن عثيمين سيارات امريكية واقفة بشكل عرضي ولها اكثر من سنتين ولا تتحرك موقف غلط وين البلدية او المرور وكل يوم المرور يمر بجنبها وعند الدوام ما تقدر تمر مع الشارع وغير كذا شركة الاتصالات لها نصيب من الشارع نصف الشارع صبات واسلاك شائكة وبجانبها وسط الشارع يوقفون سياراتهم ومراقب البلدية ما يشوف اللي يعمرون ويسدون الشوارع بمواد البناء والنظافة تسبحون على خير يا مروووووووووووووووووووووور هل لك طلة على الشارع .

[ابوفهد] [ 03/07/2010 الساعة 5:17 صباحاً] اضف ردك على هذا التعليق

تري المطبات ليست الحل الوحيد حنا اللي مانفحط كسرتنا المطاب

[بنت الخرج] [ 03/07/2010 الساعة 7:06 صباحاً] اضف ردك على هذا التعليق

والله يااهل الخرررج يبيلكم سااااااارق

[مخلص] [ 03/07/2010 الساعة 9:03 صباحاً] اضف ردك على هذا التعليق

الله يعين بس

كيف تبووون مايكون فيه تفحيط وقلة حياااا

والناس تقطع الإشاراات وسيارة المرور واقفه تتفرج وماتحرك ساكن

[sss] [ 03/07/2010 الساعة 9:06 صباحاً] اضف ردك على هذا التعليق

سؤال : هل في الخرج مرور ؟

أرجو الإجابة

[القباني ] [ 03/07/2010 الساعة 12:27 مساءً] اضف ردك على هذا التعليق

هااااااذا والمرور جنب الشاااارع بالظبط

[خخخخخخخخ] [ 03/07/2010 الساعة 2:22 مساءً] اضف ردك على هذا التعليق

يآزين هالشششآرع مع اللفه تحسس آنك في ميدنآيت كلوووب ... بعدين والله هالششآرع معتبر زي اللي مل من الدورآن يجي وجلنط مع اللفـــه .. يعني وسع صدركـ ... من كبر هالشارع يرحون عند طريق الدلم ولا عند العزيزية اللي على طريق الحوطه و القوية والمثلثات وشارع أومرك مهب ذا الششآرع اللي مآيجي طوله ولا 100 متر ... هههههههههه خرجآويه غريبين

[ابو سعود] [ 03/07/2010 الساعة 2:37 مساءً] اضف ردك على هذا التعليق

كذالك نعاني من تجمعات الأطفال التي تسبب إزعاجاً للسكان تحديداً في شارع 10 امام بوابة الهاتف

اتمنى من دوريات الأمن التواجد اليومي ولو مرة واحدة في اليوم لتفريق تجمعاتهم والتي تسبب إرباكاً وإزعاجاً للسكان .

[عبدالله ] [ 03/07/2010 الساعة 4:57 مساءً] اضف ردك على هذا التعليق

مع أحترامي لمرور الخرج فاشل

مع أحترامي لمرور الخرج فاشل

مع أحترامي لمرور الخرج فاشل

مع أحترامي لمرور الخرج فاشل

مع أحترامي لمرور الخرج فاشل

تبي تصدقون كلامي شارع الاستراحات الساعه الخامسه مساء او الخامسة والنصف

مساء كل يوم ما أقول كل ثلاثة ايام او اربعه كل يوم ؟؟؟؟؟؟؟؟؟؟؟؟؟؟

وآخر شي تجيك سيارة المرور الكامري ولايعتبرونها اي شي

والله ماشفنا من المرور اي شي يردع المفحطين

والله مايعرفلكم الا الرائد / بدر معيض المطيري الذي حط الشبكه على شارع المعروف

بـــــ الفين ولا ابن امه انحاش قفل المنافذ وبعدها معاد شفت احد يدخل الفين وبدر

معيض موجود حتى يدور على سيارته الخاصه

نناشد محافظ محافظة الخرج صاحب السمو الملكي الامير عبدالحمن آل سعود

بأرجاع الرائد / بدر معيض وبتشوف شباب الخرج تلقاهم يتلفتون يمين وشمال عشان

بدر مايشوفهم

[فيصل العسيري] [ 04/07/2010 الساعة 2:17 صباحاً] اضف ردك على هذا التعليق

رددو معي

يـــــــا لــــــيل مــــــطـــــــــول

لا دورياااات ولا مفحطين كلهم في الهوااااء سواااااااا

[عزووووووز] [ 04/07/2010 الساعة 5:29 صباحاً] اضف ردك على هذا التعليق

انا ساكن في الخرج ولا اعرف حي النهضة
علموني اعطيكم نطلتين

[مبارك عمر بن نهيد النهدي] [ 04/07/2010 الساعة 8:23 صباحاً] اضف ردك على هذا التعليق

نعم وانا من سكان هذا الحي الازعاج لايقتصر في فتره النهار فقط حتى في ساعات متاخره من اليل

[ابوحمد] [ 05/07/2010 الساعة 12:09 صباحاً] اضف ردك على هذا التعليق

يا خوان على رسلكم ياقوم المرور الموجود
في الخرج لتخليص الاستمارات وارخص
بس اما غيره فلا يوجد شي اسمه مرور او دوريه

تحياتي لكم

[ابو قاسم] [ 05/07/2010 الساعة 1:26 صباحاً] اضف ردك على هذا التعليق

والله المشكله ان فيه .....وهذا الشخص ماهو فاضي للشوارع ولا للمفحطين ،

الرجال عنده محل تأجير سيارات ....

لكن الله يعين اهل الخرج على الأزعاج والتفحيط

نأمل بتغيير مدراء الأقسام ....

[مطحس] [ 09/07/2010 الساعة 7:25 مساءً] اضف ردك على هذا التعليق

والله ما حولكم مروور بالخرج

اقسم بالله اني قاطع اشارة قدام المرور
لا بعد ثنتين واحد واقف عند الاشارة يناظرني ولا سوى شي
والثاني يكلم بجواله >> يعني ما شافني

[مهجووووول الشعبه] [ 07/10/2010 الساعة 3:35 صباحاً] اضف ردك على هذا التعليق

نبي الخررررررررررج كلهاااا هجوله وتفحيط

[zyzo] [ 31/08/2011 الساعة 7:50 مساءً] اضف ردك على هذا التعليق

يا رجال حطيت مطباتاو ارصفه راح يفحطون عندن الشباب مهجول