عاجل : إغلاق مطعم بأحد المنتزهات المشهورة بالخرج - الأخــبـــــــار - صحيفة الخرج اليوم الألكترونية

الأخــبـــــــار

خبر ومسئول

عاجل : إغلاق مطعم بأحد المنتزهات المشهورة بالخرج

عاجل : إغلاق مطعم بأحد المنتزهات المشهورة بالخرج

خاص :

تلقت إدارة الطوارئ المسائية ببلدية الخرج عند الساعه 12,30 ص بلاغاً من أحد المواطنين يشكوى مطعماً بأحد المنتزهات المشهوره بمحافظة الخرج يقدم وجبة أرز متعفنه, وتم الخروج مباشره والتوجه للمطعم وتم أخذ عينه من الوجبة , وبعد التاكد من الشكوى تم اغلاق المطعم ووضع ( ملصق إغلاق ) ,وستقوم ادارة الطوارئ بتطبيق النظام بحقه لمخالفة الاشتراطات الصحيه وعدم وجود ترخيص للمطعم .

ومما يشار إليه أن المطعم أفتتح في نفس اليوم الذي قدمت فيه الشكوى .

الجدير بالذكر أن الفتره الأخيره تشهد جهود كبيرة من إدارة الطوارئ المسائيه من خلال مطاردة المخالفين والعابثين بصحة المواطن في الخرج .

kharjhome

تم إضافته يوم الجمعة 02/07/2010 م - الموافق 20-7-1431 هـ الساعة 1:59 صباحاً

شوهد 2856 مرة - تم إرسالة 0 مرة

التقييم 7.60/10
1
2
3
4
5
6
7
8
9
10

اضف تقييمك

التقييم: 7.60/10 (174 صوت)

[شموووخ ] [ 02/07/2010 الساعة 3:56 صباحاً] اضف ردك على هذا التعليق

ياالهي وجبه متعفنه

حراااااااااام عليهم ليش كيذا
صراااحه انا احس جميع المطاعم الي هوون
مش ولابد ياليت تشدد عليهم الرقابه وتكووون يوميه يكوون افضل

[المقهور 7776] [ 02/07/2010 الساعة 4:13 صباحاً] اضف ردك على هذا التعليق

مع احترامي الشديد هالمرة ماعندكم سالفة ياصحيفة الخرج
يعني السالفة تعليق ولا كيف ..؟
اظن من ابسط حقوقنا اننا نعرف اسم المطعم او المنتزة اللي تقولون انه مشهور
يعني من كثر هالمنتزهات اللي عندنا عشان يصير فيها مشهو ومهمش
والحيطة والحذر لابد منها سواءا قلتو اسم المطعم او لا بس المخالف لابد يتشهر فية لان المتعارف علية ان الغير مخالف واللي ماشي صح محد يكتب عنة اي شي الا كانكم منزلين خبر عن افضل 10 مطاعم بالخرج وانا مدري فهذا شي ثاني ...!!!

ههههههه رقيت ادور اسم اللي منزل الخبر وقزيت خاص الحمد لله والشكر بس

[سعيد الدوسري] [ 02/07/2010 الساعة 4:52 صباحاً] اضف ردك على هذا التعليق

موفقين ياصحيفه الخرج على مجهوداتكم الطيبه

لكن البلديه الخرج ( عليك السلام يالخرج مدام رائسها ماهو من اهل الديره )

شوفوا بلديه الحوطه شوفوا بلديه الأفلاج وش سووا

عليك السلام ياالخرج ويأاهل الخرج

[شــلاخ بـن كـذيـبـــان] [ 02/07/2010 الساعة 5:20 صباحاً] اضف ردك على هذا التعليق

وش لـه الخــبــر ؟؟

لا المـنـتـزة عـرفـنـــاه

و لا المـطعــم عـرفـنــاه

زيــادة أخـبار على الفـاضي

يا عـطونا بالأسـامي عـشـان نقـاطهـم و إلا لا تتعبـون نفـسـكم

و السـلام عليكم

أبنكم البار : شلوخي

[سعوديه ادق التنحيه] [ 02/07/2010 الساعة 5:21 صباحاً] اضف ردك على هذا التعليق

السلام عليكم ارجو منكم كتابة أسم المطعم وشكرا

[ابوسامي] [ 02/07/2010 الساعة 5:33 صباحاً] اضف ردك على هذا التعليق

ياخواني ليش مانبلغ بأسم المطعم علشان نتجنبه ويكون معروف انه غير صحي الاكل فيه0

هذا مجرد راي وانتم ابخص في اموركم00

والمفروض انه يتم تغريمه للمتضرر بمبلغ لايقل عن 10000ريال 00

وللحكومه مثلها لكي يعتبر ويهتم في صحة الناس اللذي يخدمهم00

يازين اكل البيت وبس00

[عزووووز] [ 02/07/2010 الساعة 5:41 صباحاً] اضف ردك على هذا التعليق

ممكن نعرف ذا المطعم

[لقيت روحي ] [ 02/07/2010 الساعة 6:12 صباحاً] اضف ردك على هذا التعليق

ماهو اسم المطعم حتى ناخذ احتياطاتنا

[ ابو محمد] [ 02/07/2010 الساعة 8:34 صباحاً] اضف ردك على هذا التعليق

يا سلام يا إدارة الطوارئ
يعطيكم الف عااافية
وإن شاء الله نسمع اخبااارك حلوه كثيرة منكم
_________________________________
بس وش صااار اهم شي على الحلاقين
تعرفون ان رمضان والعيد قريب
لا تخلونهم يلعبون بالأسعار مثل العاام
لانهم رفعو الأسعار اخر يوم من رمضان
ياليت تشددون عليهم ووضع لائحة بالأسعار
_________________________________
وياليت تشوفون بعض مصانع المخابز من الداخل مثل الخرج الحديث !!
-----------------------------------------------------------------

[رفيق سعد] [ 02/07/2010 الساعة 10:15 صباحاً] اضف ردك على هذا التعليق

وااااااااااااااااااااو

اول يوم يفتح

وتعفن

اسمه

الله يعافيك

[hanukka] [ 02/07/2010 الساعة 11:13 صباحاً] اضف ردك على هذا التعليق

هههههههههههه

ماشاء الله ماقصرتو ابداااا

عين الله تحرسكم قلتو اسم المطعم واسم المنتزة

اشكركم ع الاخلاص في نقل الخبر

ياشيخ انقلعو

في بطن امكم منتزهات معروفه

يلآ شلآو

[اتعب انا لآ شفت زولها ] [ 02/07/2010 الساعة 1:10 مساءً] اضف ردك على هذا التعليق

السلام عليكم يا اهل الخرج

تصدقون اول مره ادري ان فيه متنزه مشهور بالخرج

وبعدين كان علمتونابالمنتزه نشوف هل يستحق انه يكون مشهور ولا لا

وهذاي مطاعمنا بالخرج تم الافتتاح خصم 100%

وفي الاخير معفن ؟

[الداعس ] [ 02/07/2010 الساعة 1:12 مساءً] اضف ردك على هذا التعليق

أتوقع أنه منتزه البعيجان

[أبو راشد] [ 02/07/2010 الساعة 3:17 مساءً] اضف ردك على هذا التعليق

السلام عليكم صحيفة الخرج أرجو عدم مدح بلدية الخرج لي أنه نايمه ومطاعم ومطاعم وناس وناس وبلدية الخرج فالحه على الضعوف بس

[حبيبت ماما ] [ 02/07/2010 الساعة 3:59 مساءً] اضف ردك على هذا التعليق

المنتزه هو حديقة الحيوان انا مره اكلت من بوفية تسممت منها وبعدها حرمت اروح له اكيد هو او البعيجان بس او حديقة الملك عبد العزيز ماعندنا غيرها اقوووووول يااااااليت تروحون تشوفون حديقة الحيوان وتشوفون البوفيات الي هناك كلها قذاره من الذره والهمبرجر والبطاطس حدث ولا خبر ابي رقم الطوارئ ذولا كم بليز والله بشتغل معهم بلاش اذا يبون اي مساعده ايميلي عندكم عطوهم

[والله صدق] [ 02/07/2010 الساعة 4:42 مساءً] اضف ردك على هذا التعليق

انا شفتهم يسكرونه وشوي وحطوا الاستكر ع الباب
ماتوقعنى فيه بلديه باليل
الله يعطيهم العافيه بس يعجبك مديرهم ما عطى المصريين وجه ابد
سلالالالالالالالالالالالالام

[هيووله] [ 02/07/2010 الساعة 4:53 مساءً] اضف ردك على هذا التعليق

الحمد لله اول مره اسمع بالخرج مطعم مشهور استغفر الله
اسم المطعم لو سمحتوا

[هيووله] [ 02/07/2010 الساعة 4:58 مساءً] اضف ردك على هذا التعليق

اول مره اسمع بالخرج مطعم مشهور
استغفر الله يارب

[عاااااااااااشقة الخرج] [ 02/07/2010 الساعة 5:42 مساءً] اضف ردك على هذا التعليق

المفروض تشهرون باسم المطعم

الله يحفظنا بحفظه

[الرفيق المخاوي] [ 02/07/2010 الساعة 6:29 مساءً] اضف ردك على هذا التعليق

الله يعطيك العافيه ياابوفهد (تركي الرتيق)
والله يكفيك شر الي بالي بالك
محبك ابوزيد
ترا المنتزه مهوب الحناكيه يا ابوفهد؟؟؟؟؟؟؟؟

[مثقف] [ 02/07/2010 الساعة 7:31 مساءً] اضف ردك على هذا التعليق

اتمنى من اداره الطوارئ بان تضاعف جهدها

وان لاتكتفي بوجبه مجانيه من المطاعم مقابل السكوت عن التقصير

لعن الله الراشي والمرتشي

[المالك الحزين] [ 02/07/2010 الساعة 7:39 مساءً] اضف ردك على هذا التعليق

كم رقم بلدية الطوارئ المسائــــــــــــــــــــــــيه

لأني والله كم من وجبه شريتها وهي معفنه

أما آكلها من الجوع

ولا أقطها وأعض لي شحمـــــــــــــــه

أبي رقمهم ويبشوووووورن كل شوي متصل عليهم

[jjjjkkkkk] [ 02/07/2010 الساعة 8:30 مساءً] اضف ردك على هذا التعليق

يالمالك الحزين
940
940
940

[ليالي الخرج] [ 02/07/2010 الساعة 8:38 مساءً] اضف ردك على هذا التعليق

الشكر لجميع طاقم البلديه
وخاصه افراد الطوارئ على الجهود المتواصله الله يعطيهم العافيه
والشكر كل الشكر لرئيس البلديه
لدعمه المتواصل لادارة الطوارئ المسائيه
والشكر لمدير ادارة الطوارئ ----الزميل تركي الرتيق ---والطاقم الذهبي الذي معه
ولكم تحياااااتي

[الرد الحقيقى] [ 02/07/2010 الساعة 8:55 مساءً] اضف ردك على هذا التعليق

يالله العجب قبل فتره نزلتو اسم مصنع الشلال وشهرتو فيه لان المياه فيها بكتيريا ولان عاجزين لاتقولون اسم المطعم هل هذا هو العدل بين المحلات المخالفه لماذا لم تذكرو اسمه حتى تحطات الناس من هذا المطعم او ان صاحبه بيده مفتاح اغلاق صحيفتكم والخوف مليح يلكاتب الخبر وياصحيفه الخرج الموقره

[عاشق الخرج ] [ 02/07/2010 الساعة 9:50 مساءً] اضف ردك على هذا التعليق

الله يعطيكم العافية يا بلدية الخرج عامة وادارة الطوارئ خاصة على تجاوبكم والاهتمام بمحافظتنا الغالية ...

[الله علييييك] [ 02/07/2010 الساعة 10:29 مساءً] اضف ردك على هذا التعليق

ياااااااامثف
ياويلك من مالك الملك في اتهامكم بالرشوووووووووه
والله ان تحاسب وبتتحاسب

استغفر ربك ياشيخ

[خرجاي] [ 02/07/2010 الساعة 10:31 مساءً] اضف ردك على هذا التعليق

المنتزة هو الحناكية

[محمد عبدالله السهلي] [ 02/07/2010 الساعة 10:47 مساءً] اضف ردك على هذا التعليق

التشهير بالمطعم يكون أحسن لأن هذا فرع ومن حق الناس أن يعرفون المطعم الأصلي .ولاوش الفايده من الخبر .

[كلمه مرور] [ 02/07/2010 الساعة 11:58 مساءً] اضف ردك على هذا التعليق

اكيد ××××××××××× عندهم مطعم توهم فاتحينه وسلطته قويه حتى علي الهيئه

الله يخلف

[sasas] [ 03/07/2010 الساعة 12:35 صباحاً] اضف ردك على هذا التعليق

عادي ياناس اصلن مدخله واحد ومخرجه واحد خخخخخخخخخخخخخخخخخخخخخخخ لاتقولون اسم المطعم ماله داعي التشهير مو حلو اللي بيخاف على صحته ماياكل من المطاعم كلهن بلا استثناء هذا وصلى الله وسلم على نبينا محمد وعلى آله وصحبه وسلم اقم الصلاة

[صمــ الليالي ــت] [ 03/07/2010 الساعة 3:18 مساءً] اضف ردك على هذا التعليق

منتزهـ الحناكيهـ

والمطعم مفتوح من اول يوم سكروهـ