في ظل تدني مستوى النظافة في كثير من المطاعم ..أحمد يتفأجاء بحشرة داخل فطيرة سبانخ - الأخــبـــــــار - صحيفة الخرج اليوم الألكترونية

الأخــبـــــــار

خبر ومسئول

في ظل تدني مستوى النظافة في كثير من المطاعم ..أحمد يتفأجاء بحشرة داخل فطيرة سبانخ

في ظل تدني مستوى النظافة في كثير من المطاعم ..أحمد يتفأجاء بحشرة داخل فطيرة سبانخ

في ظل تجاهل الكثير من المطاعم والبوفيهات والوجبات السريعة لتطبيق النظافة الصحية داخل مواقعها وهو ما يؤدي لكثير من حالات التسمم وإنتشار الأمراض ,كان لـ (أحمد .م) تجربه مقززة يوم أمس الأول مع أحد المطاعم المعروفة على طريق الملك فهد - تحتفظ الخرج اليوم بإسمه - وذلك بعد أن إشترى فطيرة سبانخ ليتفأجاء بوجود حشرة داخلها .

وتسأل (أحمد.م) أين دور البلدية في مراقبة المطاعم والتشديد عليها بتطبيق الشروط الصحية ؟

kharjhome

تم إضافته يوم الثلاثاء 09/03/2010 م - الموافق 24-3-1431 هـ الساعة 9:12 صباحاً

شوهد 2223 مرة - تم إرسالة 0 مرة

التقييم 7.53/10
1
2
3
4
5
6
7
8
9
10

اضف تقييمك

التقييم: 7.53/10 (123 صوت)

[شــلاخ بن كـذيبـان] [ 09/03/2010 الساعة 9:32 صباحاً] اضف ردك على هذا التعليق

هذي مشكلة الخـرج

إذا ما لقيت عشاء في البيت و تطلع تدور لك مطعم نظيف ما تلقى

أول كنت أروح لـ TAHI لكن من تالي صار فاشل و طعمه يجيب المغص

و المطعم المقصود اللي في الصور يكون قدام محل دبي بكل تأكيد لإني أعرف قراطيسهم مضبوط

أرجوكم يا بلدية الخرج

دبروا لنا مطاعم زي الناس أو إمنعوها نهائيا ً و كل واحد يأكل في بيته

[خرجاوي وبس] [ 09/03/2010 الساعة 10:26 صباحاً] اضف ردك على هذا التعليق

ياااخي الله يهديكم يا صحيفة الخرج مسوين خاافين اسم المطعم وهو واااااااضح من الكيس هههههههههه

[عبدالمجيد] [ 09/03/2010 الساعة 11:22 صباحاً] اضف ردك على هذا التعليق

تدرون وش المفروض لازم نرضا بالواقع وعند ما نطلب الطلب نختار نوع الحشره اللي يبيها الشخص ويحطها اللي يشتغل بالمطعم لان كل هاالمطاعم اما حشرة او زيت يقعد اسبووووووووع

[دلوعة الشرق الاوسط] [ 09/03/2010 الساعة 11:27 صباحاً] اضف ردك على هذا التعليق

ههههههههههههههههههههههههههههههههههههههههههههههههههههههههه

شلاخ اكل في بيتك ماراح ينفتح مطعم ابدا ابدا ابدا

من طلع من بيتة حصل ما لا يسره اجلس في بيتك وانت الا افتح مطعم نظيف اشك انة احد

في الخرج

ن ظ ي ف

مع تحيات __________دلوعة الشرق الاوسط_____________

[شـلاخ بن كـذيبـان] [ 09/03/2010 الساعة 12:13 مساءً]

الله يعين رجلس عليس

الخرج كل أبوها نظافة و الدليل مطعم على الماشي

يمش خشمة و يكح و بآخذ الدراهم و يصلح لك الصبة سريع سريع

عاشت الخرج و فديت مطاعمها

يقولون مطعم ماما نورة بيفتح قريب

[كيف انحااش .؟] [ 09/03/2010 الساعة 11:44 صباحاً] اضف ردك على هذا التعليق

سباانخ باالحشرات ممكن اكله جديدهـ ..
وين المراقبين الصحيين باالبلديه
ولاا جيدين ع منح رخص وعدم منح رخص لمصاالح شخصيه فقط ..
من الاارصفه الى المطااعم
مااذا بقي ..!!؟
انت المسؤول الااول والااخير عن بلدية محافظة الخرج
المطعم يجب اغلااااااااقه .. وعدم فتحه بالوااسطه كماا توعدناا دايماا ..
المطعم المذكور معروف مثل مااقول اخوي شلاااخ بن كذيباان ..
ارحمو حالناا يابلدية الخرج من الاارصفه الى المطااعم ..

[الرد الحقيقى] [ 09/03/2010 الساعة 11:56 صباحاً] اضف ردك على هذا التعليق

للاسف هذا المطعم معروف با تدنى مستوى النظافه فيه وتواجده بين تقاطعين مهمين وكثره تواجد ابخره العوادم لسيارات الواقفه عن الاشاره لذل لابد من متابعته واتمنى من البلديه تطبيق اقسى العقوبه بحقه حسب النظام واتمنى انه لا يكتفى لفت نظر مثل ماحدث للمطعم المشهور الى على نفس الطريق الذى لم يستمر اغلاقه اقل من 24 ساعه يا رئيس البلديه صحه الناس مهمه وترك مثل هذى المطاعم الفاسده فى نظافتها وعمالها بدون رقيب وحسيب سوف تؤدى الى اضرار فى صحه الناس اتمنى انه نسمع منك مهو الاجراء المتخذ بحق هذا المطعم وامثاله ويكون ردك رد ايجابى وليكن قدوتك با الرد الايجابى مدير مستشفى الملك خالد عندما نزل خبر القطرات المنتهيه الصلاحيه وصرح هنا با كل ملابسات الموضوع با كل اريحيه واقتدار وفق الله الجميع

[خالد] [ 09/03/2010 الساعة 12:37 مساءً] اضف ردك على هذا التعليق

المطعم واضح من الصورة القرطاسه

وبجنبه مغسلة ومقابل محل دبي الف..........................ة

عرفتوه اكيد

[ahskooork>>قادح ستي] [ 09/03/2010 الساعة 1:22 مساءً] اضف ردك على هذا التعليق

الفـ ستي

وبعدين وين وين قسم بالله ما اكل الا شي مقرطس اما ملعوب باليد تلقاه هندي يشتغل مصنع الملابس بالنهار وبالليل يصلح لك اكل يا بزرررر

ثانيا اي بلدية =يكفيك حاطين شركة متعاقده ولا سوو شي ولا كل واحد معه سيزو وددسن >>هذا والله الهستره بس لا تجي كارث جده عندنا من السيول >>والخافي اعظم

[الفطيرة] [ 09/03/2010 الساعة 1:30 مساءً] اضف ردك على هذا التعليق

والله من زماااااااااااااااااان عنك

لكن صدق اللي قال أن مكانك مدري وش يبي يعني بين تقاطعين يعني عند إشارة وسيارات وزحمة وأنواع الكربونات

[المجروح] [ 09/03/2010 الساعة 1:33 مساءً] اضف ردك على هذا التعليق

عرفتوه ياشباب او لا تراه مطعم
عند اشاره شارع 17 بعد الاشاره
تاخذ فوق تحت تلقاه على اليمين
واضح من الكيس

[الدوســـري] [ 09/03/2010 الساعة 1:52 مساءً] اضف ردك على هذا التعليق

مشتهي فطيرة لوزين

[خرجاوي] [ 09/03/2010 الساعة 2:20 مساءً] اضف ردك على هذا التعليق

المطعم هل هو الفط.................................

[المطنوخ] [ 09/03/2010 الساعة 2:53 مساءً] اضف ردك على هذا التعليق

والله والله اني قد لقيت في ورق العنب رجل صااااااااااااااااارور بس عفت المطعم نهائي مطاعم الخرج اكلهم يقطع الوجه لا وبالحشرات مره جايني واحد من الرياض ويموت بشي اسمه صبه اقسم بالله طاحت حشوه سنه وهو ياكل يقول ياخي ذي عصبه وش هالمطاعم مايشرفك انك تعزم وتعشي من مطعم الخايس دايم خايس

كبه بالنمل فطيره بالنحل هههههههههههههههههههههههههه

[هذا هو اللي تبيه إني أرحل من حياتك] [ 09/03/2010 الساعة 3:27 مساءً] اضف ردك على هذا التعليق

ياناس حرام عليكم ضلمتوا المطعم

هذي أكله يابانيه

ما فيه أحد قد سافر لليابان

مشهورين ب هالأكلات

ما ناقصنا إلا أكل أسلاب و وميو ميو

الكلمة / أسلاب
معناها / كلاب

الكلمة / ميو ميو , المعنى في بطن الشاعر كرم الله الملائكة والقراء الكرام

[عبدالرحمن ] [ 09/03/2010 الساعة 5:21 مساءً] اضف ردك على هذا التعليق

الله من زين المطاعم الثانية الحين كل مطعم اوسخ من الثاني الحمد لله
وبعدين المطعم معروووف من الكيسة بشارع القاعدة
ياعمي لو اكل اندومي انا الي طابخة ولى اكل من برا
اعوذ بالله
هههههههههه

[ينه ينه اقول اسمي] [ 09/03/2010 الساعة 5:32 مساءً] اضف ردك على هذا التعليق

هههههههههههههههههههههههههههههههههههههههههههه

قسم بالله لو انه انا كان زحلطن الحشره وانا مادريت في البطن ياولد ذا يدقق في كل شي مدري وش خلاه يشووف الحشره في وسط السباانخ اقول مشاء الله عليه يدقق واجد ومن ناحية ذا وشسمه المطعم معرووف هع هيع هووع

يالبى اكل حصيصه بس والله يخليها لي قسم بالله طبخها يسوا الدنيا ومافيهااا

سي يوو

[شخص غيور ] [ 09/03/2010 الساعة 5:39 مساءً] اضف ردك على هذا التعليق

كل المطاعم العمال اللي فيه يشتغلون الصباح في اعمالهم وفي الليل يكون داخل المطعم
وانا اعرف عامل يشتغل في مطعم على طريق القاعدة بدون شهادة صحية
لانه أساس يشتغل في الصباح نجــار
وأنا أشهد على ذالكـ
أرجو من البلدية تكثيف الحملات على المطاعم والبوفيهات

[ابو ريماس الشهري] [ 09/03/2010 الساعة 6:31 مساءً] اضف ردك على هذا التعليق

يجب التشهير بهذا المطعم واغلاقه وين البلدية

[نــورة آلمغـرورهـ] [ 09/03/2010 الساعة 7:31 مساءً] اضف ردك على هذا التعليق

وٍعوٍهَ ششلوٍنَ ششـآلهـآ بيدهَ
ششيَ يقرٍفَ

ـآلآ صدقَ سسؤٍـآلَ يطرٍحَ نفسسهَ ششلوٍنَ ـآوٍ وٍششَ ـآلسسببَ ـآلليَ خلآهَ يفتحَ ـآلفطيرٍه َ؟

بصرٍـآحهَ ـآششكَ بآلوٍضعَ ـآنـآ

يعنيَ لوٍ ـآكلَ ششوٍيَ منَ ـآلحششرٍهَ وٍقرٍمششَ يمَ يميَ هعَ بنقوٍلَ ـآوٍكيَ ـآكتششفَ وٍجوٍدَ ـآلحششرٍهَ

ـآمـآ ـآنهـآ كذـآ مآ حصلَ لهـآ ـآيَ تغييرٍ لآ وٍفـآتحَ ـآلفطيرٍهَ مآدرٍيَ صرٍـآحهَ ـآششكَ

وٍلآ بآحسسنَ ـآلظنَ وٍبقوٍلَ وٍدهَ يآكلَ سسبـآنخَ بآلششطهَ

[دبدوبه وحبووبه ] [ 09/03/2010 الساعة 8:16 مساءً] اضف ردك على هذا التعليق

السلااااااام عليكم

ههههههههههههههههههههههههههههههههههههههه

المطعم واضح من الكيس ياجريده الخرج

صراحه ماتوقعت من المطعم هذا

(( اكل البيت احسن من اكل المطاعم )) لاسباب :1 اكل نظيف 2 مطبوووخ زين 3 ثقه

باللي تطبخه

مو اكل المطاعم :: يمش خشمه وعرقه يسكب وادوات غير نظيف

المشكله صاحب المطعم معروووووووووووف

[دكتور سبانخ] [ 09/03/2010 الساعة 8:41 مساءً] اضف ردك على هذا التعليق

المفروووض من الجريده الموووقره

اعلان اسم المطعم

لاخذ الحيطه والحذر منه

وانا انصح قراء جريدتنا الموووووقره بالذهاب الى .....

لشراء فطائر السبانخ

اووو ما اطيب سبانخ .....

مع تحيات دكتور سبانخ

[صريح للغايه] [ 09/03/2010 الساعة 10:27 مساءً] اضف ردك على هذا التعليق

المطعم هو مطعم .... طريق القاعده .... قاطعوهم هالوصخين كل واحد منهم يصب عرق في هالمطعم وهم يشتغلووون وووووووووع

[شكمين بن كنداسه ] [ 09/03/2010 الساعة 10:49 مساءً] اضف ردك على هذا التعليق

لو البلدية تكثف مداهماتها على المطاعم ومخابز وجميع المحلات كان شفنا بلاوي ولكن لا حياة لمن تنادي,,,

[الشاطري] [ 09/03/2010 الساعة 11:17 مساءً] اضف ردك على هذا التعليق

قريبا سوف يتم افتتاح مطعم الفخار عوايل وافراد فيه مسطحات خضراء والعاب اطفال المطعم جميع العماله اتراك

[Ryan] [ 09/03/2010 الساعة 11:29 مساءً] اضف ردك على هذا التعليق

يا اخوان هذا مطعم ال...

قاطعوهم

[soso] [ 10/03/2010 الساعة 2:04 صباحاً] اضف ردك على هذا التعليق

يمدحون لوزين جبن محشيه بطاطس ليز بالجبنه الفرنسيه

اهب على هالعيون وشلون شاف الحشره اللي كنها حشوه
لوالفطيره جبن او لبنه

اووما سبانخ

[الوافي] [ 10/03/2010 الساعة 7:25 صباحاً] اضف ردك على هذا التعليق

الله ابوك مطعم
المطعم معروووووف امام غرفة الخرج التجاريه من الشرق
المطعم المقصود اللي في الصور يكون قدام محل دبي
ووللاسف هذا المطعم معروف
والبلديه ماعندك احد يعني البلديه اسم مبني على النووووووووم

[الصريح] [ 10/03/2010 الساعة 7:38 صباحاً] اضف ردك على هذا التعليق

خلاص مراقبين البلديه بنحطهم حراس امن عند كل مطعم

اهم شيء رضاكم يالمواطنين

وكل ما طاحت حشره يجي مراقب البلديه ويشيلها مو هذا عمله

صدق انكم فاضين

تبون نصدق انه هذي حشره طالعه من فرن حرارته الداخليه تفوق 200 درجه

وما صار لها شيء ابد حتى الجناح الرقيق ما تأثر

اهل العقول براحه واصبح كل من له مشكله مع مطعم او البلديه يسوي كذا

بعدين افهموا انه مراقب البلديه مو حارس امن في مطعم شوف كم مطعم في الخرج وكم عدد المراقبين

ولو جات حشره من برا المطعم وطاحت في الاكل وقتها صار مراقب البلديه مهمل

الحمدلله والشكر بس

[شـلاخ ] [ 10/03/2010 الساعة 11:40 صباحاً]

لو الحشـرة جـت في عـشـاك كان ما شفنـا هالرد منك يا آخ

[نسمة ] [ 10/03/2010 الساعة 1:00 مساءً] اضف ردك على هذا التعليق

يا رجال كل بس كل

ترى يام اكلنا اشياء واجد من هالمطاعم ,,,تكفى لا عاد تدقق خربت اهلنا علينا

لا سبانخ شفت الصرصور فيها اجل لو جبنه كيف تشوفها

[نسمة ] [ 10/03/2010 الساعة 4:42 مساءً] اضف ردك على هذا التعليق

افاااااااااااااااااا اكيد انك مرقب بلدية وخايف انك يزيد شغلك

والله الحشرة انا شايفتها

وتبغى تجي تشوف النظافة 100% عندنا

وانا مع شلاخ والله لو الحشرة في عشاءك كاد شفنا منك الويل

[مواطن مقهور] [ 10/03/2010 الساعة 6:01 مساءً] اضف ردك على هذا التعليق

مراققبين ياخذون فطورهم مجانا واذ اصر صاحب البوفيه على الحساب ارسلو زميلهم يعطيه مخالفه 600 ثمن ينظبط ويعطيهم بلاش وكلامي موجه الى ناس مايخافون الله وليس عام ولا فيها موضفين ممتازين يليت يتناصحون

[صريح] [ 10/03/2010 الساعة 10:36 مساءً] اضف ردك على هذا التعليق

ياشباب ويابنات

أصلاً إذا دقق كل واحد صار الشغل بالمطاعم مضبوط

كل واحد يصير مراقب بلدية

ويشتكي عند المخالفة

إلا متى الخرج يلعب فيه من العماله

[عنيزاوي] [ 11/03/2010 الساعة 3:42 صباحاً] اضف ردك على هذا التعليق

أولاً أسلم عليكم بالغاليييين
والله ياأنا ودي أمطخكم!!!!!
بعدين لاتطيرون بالعجه؟؟
والا كيف عرف ان في وسط السبانخ حشرة وفكها ولقاها!؟
الا بسأل سؤال؟؟ هو بوه مطعم فاتح جديد جنبه؟؟
أو هل صاحب المطعم اللي تقولون معروف مسوي شي لشخص وحاب ينتقم؟؟
كل شي جايز في زمن العجايز

[him] [ 11/03/2010 الساعة 4:13 صباحاً] اضف ردك على هذا التعليق

والله في بلدية الخرج لا اهتمام بالاشياء الصحية ولا حتى بالشواع اللي كسرة السيارات

صدق بلدية عبث.
بس ساكن فيها غصب .

ارجوا مقاطعة هذا المطعم .

[فاااضي] [ 11/03/2010 الساعة 8:07 مساءً] اضف ردك على هذا التعليق

آحس ذا عسسه يحب يفتح كل شى شلون عرف ان في الفطيرره حشرره

[كرهت الفطيرة] [ 12/03/2010 الساعة 6:21 صباحاً] اضف ردك على هذا التعليق

الي يقولون بيفتح مطعم والعمال اتراك يعني نظيفين؟
طيب المطعم سابق الذكر اتراك

وهذا شي موجديد

بعدين الي يشككون انها حادثه مفتعله
يمكن من النوع الي يناظر الأكل ويتفحصه قبل ياكله
وطبعا انا من هذا النوع لازم افحص الأكل

الله يستر على الدمشقيه أخاف يلحقهم بس هذولاء دايم البلديه عندهم ويتابعونهم
يمكن موصيهم صاحب المطعم

[وع وع يع يع] [ 12/03/2010 الساعة 3:37 مساءً] اضف ردك على هذا التعليق

وع وع وع وع يع يع يع يع

والله سديتو نفسي وع وع يع يع

[الدوسري فاضل سعد] [ 13/03/2010 الساعة 2:00 صباحاً] اضف ردك على هذا التعليق

لو السياره جت من اقص الشمال ما صدم بالمطعم
انا شف الحادث بعيني راعي الددسن غلطان
قاطع الاشاره الله يهديه
لاكن اللله يعوضهم بخير,,,,,,,,,,,,,,,

[نصيييييحة] [ 13/03/2010 الساعة 10:17 مساءً] اضف ردك على هذا التعليق

نرجوا مقاااااطعة هذا المطعم وهو مطعم ال....

ولا بد التشهييييييييييير بهذا المطعم لتدني مستوى النظافة

داخل المطعم وانا رئييييييييت بعييييييييييني عدم النظافة

[محمد] [ 16/03/2010 الساعة 11:18 مساءً] اضف ردك على هذا التعليق

مافية مراقبة من البلدية علي المطاعم مراقبة شديدة بس جيدين على المقاولين زفلت ودك ولاغرامة

[خرجاوي] [ 23/03/2010 الساعة 7:15 صباحاً] اضف ردك على هذا التعليق

المطعم قديم بالخرج .. موقعه عند اشاره 13 بالتحديد ..على زاويه ::

::: جريدة الخرج ارجووكم ::: اما ان تنزلو الخبر بأسم المطعم لأخذ الحيطه والحذر ولا خلونا نتسمم ونروح المستشفى والحمدلله ....::::

[الهاوي] [ 03/04/2010 الساعة 2:00 صباحاً] اضف ردك على هذا التعليق

المطعم اسمة ال.... ومعروف

بس ليش نغطي اسم المطعم

ليش ليش ليش ليش

بالعكس افضحة

[دلوعة حبيبها] [ 12/04/2010 الساعة 9:45 صباحاً] اضف ردك على هذا التعليق

وعععععععععععععععععععععععععععععععععع قرف

[صاحب العلاقه] [ 26/05/2010 الساعة 11:26 مساءً] اضف ردك على هذا التعليق

لا ابشركم ياهل الخرج سمعت انه فيه مطعم راقي سوف يقدم لاوال مرة بالسعوديه شاورما وبرجر وكباب حاشي طازج يومي هذا ما حلف عليه صاحب المطعم واكده لي لا والطباخ اللي عندهم جنرال شيف وخريج فنادق خمس نجوم وعندهم الشاورما العربي والمكسيكي وقابلت صاحب المطعم وحلف بالله لن يقدم اكل بايت ما يبقي للجمعيات الخيريه وهناك مفاجاءه للعرسان خصم لاول 10 خصم 50% عند الافتتاح فالحقو يا لعزابيه علي خصم الحفلات واخيرا الخرج يتنفس الصعداء انه فيه اكل فخامه وراقي الله يوفقهم