خبر ومسئول مكتب اشتركات موبايلي الخرج وكثرة المراجعين
مكتب اشتركات موبايلي الخرج وكثرة المراجعين
متعب ظافر :
تذمر عدد من مراجعي فرع مكتب اشتراكات موبايلي الخرج الواقع على طريق الملك فهد قلة الموظفين وضيق المكتب وزيادة عدد المراجعين في وقت واحد .
أمس السبت في حدود الساعة الخامسة عصرا كان في المكتب قرابة الخمسين مراجعا ووجود موظفين اثنين فقط لخدمتهم حيث يستغرق المراجع حدود 5 دقايق في المتوسط حتى ينهي طلبه ,وتم اقفال الارقام الى مابعد لمغر ب للذين اتوا من بعد الساعة الخامسة .
المواطن فهد بن علي البندقاني : طالب الشركة بمبنى متكامل اسوة بالشركات الاخرى او فتح وكلاء للشركة لخدمة المراجعين حيث قال انه حضر لمكتب الشركة يريد الحصول على شريحة الموج الازرق التي تخوله للحصول على 100 نقطة من برنامج نقاطي عند فوز فريق الهلال .
kharjhome
تم إضافته يوم
الأحد 28/02/2010 م - الموافق 15-3-1431 هـ الساعة 8:33 صباحاً
بس على صغرفرعهم الا ان خدمتهم افضل من الاتصالات السعودية بالف مرة
انا جربت الشركتين والله موبايلي افضل خدمه من اي شركة اخرى
وتحياتي للجميع.....
[00000] [ 28/02/2010 الساعة 11:29 صباحاً]
نطالب في زيادة الموظفين في فرع موبايلي وتكبير المحل
[عبدالرحمن] [ 28/02/2010 الساعة 12:36 مساءً]
عوافي
الله يعين تحمولهم لحد مايفتح الفرع اللي عند بنك البلاد
عاد متى يفتح الله اعلم ...
تنتظر ساعه عشان تخلص شغل اقل من دقيقه والله قهر
انا لي كم مره جيتهم مافي الا موظف واحد الثاني مدري وينه رايح
زد على ذلك اول ماتدخل مايوزع ارقام لحد مايكون هناك مجموعه وبعدها يبدأ التوزيع
[خرجاوي] [ 28/02/2010 الساعة 12:51 مساءً]
لا تهمك شركة العمال والمراهقين خلك مع شركة الرجال الإتصالات السعوديه
[ابو فهد] [ 28/02/2010 الساعة 1:21 مساءً]
صحيح يسد النفس مكتب اللي على طريق القاعده
لكن روحوا لفرع الحديثي صاااااااااااااد عن العالم وممتاز
بس ياليت يصرفون الموظف
[حمّود] [ 28/02/2010 الساعة 1:27 مساءً]
واللي يقهر ان الموظفين الموجودين فيه قممممممممممممممممممممممممممممممة الإستهتار
واحد يمسك الجوال ويدقها سوالف مع اخوياهـ والثاني نفسه في خشمه تقل جاي شركة ابوه هالموظفين لو عليهم رقابة او مشرف قسم بالله مايسوون كذا ، روحوا فروع الرياض ووشوفوا كيف الخدمة بسسسسسس
وغير كذا مايدبرون شي كل مشكلة والثانية يقولون راجع الفرع الرئيسي بالرياض
[طلال] [ 28/02/2010 الساعة 1:56 مساءً]
كــــــــــلامك صح 000 وبعد الموظفين يرفعون الضغط شايفين انفسهم انا كنت مراجع عند واحد ودق جواله وقام يكلم بنت على الجوال وضحك وكلام بايخ قدامي والله ما يستحي xxxxxxxxxxxxxx
[نور] [ 28/02/2010 الساعة 3:04 مساءً]
فرع الحديثي ؟؟ مممممممممممممتاز
الخدمة اكثر من رائع
[محمد ] [ 28/02/2010 الساعة 6:35 مساءً]
بالفعل مكتب موبايلي في مدينة الخرج والواقع على شارع القاعدة غير كافي لخدمة شريحة كبيرة من مشتركي موبايلي ويجب على الشركة بناء مكتب مثل مكتب الاتصالات السعودية .
[كيف انحااش .؟] [ 28/02/2010 الساعة 8:05 مساءً]
مكتب اشتراكاات موباايلي بوفيه ع المااشي اكبر منه اتوقع بس تعدلت الااموور
بس تعدلت الااموور والمكتب الجديد قريب يفتح
دمتم بخير ..
[فرج الله قريب ] [ 28/02/2010 الساعة 9:08 مساءً]
انا بعد ماراجعت موبايلي
عرفة ان مكتب الstc من جد حياة اسهل ...
انا ماشي معهم ولم اتضرر ابد لاني متابع فواتير واسدد كل شهرين مابين 300 الى 350 ريال مع خدمة موجود اكسترا وخدمة صدى والله شي
احسن خلنا نرتاح عندما نراجع مكتب الstc
[مواطن ] [ 28/02/2010 الساعة 9:38 مساءً]
الفرع الحالي لايغطي حاجة هذه المدينة المترامية الأطراف .
الخرج محافظة كبيرة جداً وهي أكبر محافظات الرياض .
ولا بد من فتح فروع جديدة في شرق الخرج وغرب الخرج وجنوب الخرج وشمال الخرج .
أما الفرع الحالي يترك ليغطي وسط المدينة .
هذا إذا كانت موبايلي تحترم المشتركين .
[منتديات نور الدنيا] [ 28/02/2010 الساعة 10:23 مساءً]
صراحه مكتب قمة في الفشل
خدمات موبايلي معروفه للجميع
فهي افضل بكثير من خدمات الجوال
لكن مراكز خدمات العملاء عندنا فاشله بمعنى الكلمه
سواء من صغرها او من تعامل الموظفين فيها
اوقات اقول الله يعينهم هذا من كثره المشتركين
واوقات اقول حسبي الله عليهم
لاسباب كثيره
وقدمت اكثر من شكوى لشركه موبايلي
ولكن لا حياة لمن تنادي
[القحطاني] [ 28/02/2010 الساعة 10:58 مساءً]
اول شي الموظفين الي فيه جنسيته فلسطيني اتوقع كذا ثاني شي الزحمه هذه كلها من لخبطة فواتير موبايلي واغلب الزحمه الي فيه عندهم مشاكل يعني مثلا تبي ترفع الحد الإئتماني لازم تزور مكتب ماينفع خدمات العملاء وثاني شي يوجود بشرائحهم اعطال فنية كثيره جدا فأقولها بصراحة موبــايلي تصلح للعماله البنقاليه او صغار السن بالله هذا مكتب
[عبدالحميد] [ 01/03/2010 الساعة 12:23 صباحاً]
الاتصالات مثل الخطوط السعوديه ماحد يستغني عنها
[خرجاوية] [ 01/03/2010 الساعة 7:55 صباحاً]
انا حولت من الاتصالات الى موبايلي نفس الخدمات وحتى الصرفية نفسها
بس ايام لخبطة فواتير الاتصالات كنت مرتاحه ولله الحمد
[أبو عبدالملك] [ 01/03/2010 الساعة 3:19 مساءً]
السلام عليكم
مكتب الي على طريق القاعدة ما عمره خدمني بشي كل ما جيته النظام عطلان
ورحت الي في الحديثي بدقيقتين يخلص جميع أمورك
الخلل من الموظف وليس من صغر المكتب
[فتى الخرج] [ 01/03/2010 الساعة 3:39 مساءً]
اصلا موبــــايلي شركة قامت تدعم مناطق اليهود والدليل الأتفاقية الأخيرة وقامت تحسب على سعر الدقيقه والدليل احسب فواتيركم زين ياشعب انا حاليا طالب تحويل الخط من موبـايلي إلى الاتصالات ولي شهر ولم ينفذ الطلب اصلا ايش الي خلاني انعمي بدعياتهم واحول إلى شركة الطفاره حسبي الله عليكم ياشركة
[...موبايلي ] [ 01/03/2010 الساعة 4:36 مساءً]
موبايلي شركة حلوة بالنسبة لكنكت لكن خلهم يضبطون شرايحهم بعدين ماراح تلقا احد بالمكتب ياخي كل يوم وانا رايح الشريحة محترقة حقت الكنكت لماذا هل شرايحهم بها شي ولا ..........
المهم ضبطو الشرايح بعدين افتحو فرووووع
[والله حاله] [ 01/03/2010 الساعة 9:52 مساءً]
السلام عليكم
يناس المكتب كويس و معليه يشل مراجيعن واجد
المشكله في الموظف الاول مكتب مسوي فيها يتمخطر وسلوب زفت ويمشي العمل على كيف ومسوي فيها
واتمنى مدير شركة موبايلي يقلع ذا الموظف من مكانه لانه مشوه سمعة الشركة
[السلووم] [ 01/03/2010 الساعة 10:25 مساءً]
شركة فاشلة للأسف شرائحها عطلانه شبكه مشغوله رسائل تتاخر حتى اسعارها غاليه بس الشعب مايدري شوفو المقارنات كيف
حتى الخدمات ماعندها مثل الاتصالات سلمني على الاتصالات بس إذا انقطع جوالك العام اشحن سواء مهب مثل شركة ابو هنود جيده بس بدوله الإمارات
حتى اخوياي لو قلت ميدهم خطي يبدا 056 يجي في بالهم اني مطفر ومديون
موبـــــــــايلي عالم من احتيـــــــــالي
[ali] [ 02/03/2010 الساعة 8:04 صباحاً]
موبايلي توقع اتفاقية تجوال دولي مع العدو الصهيوني
أثار موضوع توقيع شركة اتحاد اتصالات "موبايلي" اتفاقية تجوال مع العدو الصهيوني حفيظة المسلمين في العالم العربي، حيث أوضحت الشركة بأنها تغطي جميع المدن الاسرائيلية بخدمة الانترنت ابتداءا من العاصمة "تل أبيب" وصولا الي "أشكرون" و المدن الأخرى. وما زاد الطين بلة أم موبايلي لم تبادر بتغطية أي شبر في قطاع غزة أو الضفة الغربية.
شبكة تجوال "الواي فاي" من موبايلي تغطي جميع الأراضي المحتلة في اسرائيل و تشمل جميع المطارات المحلية و الدولية، الفنادق و المنتجعات السياحية، بالاضافة الي عدد من الأسواق المنتشرة في دولة اسرائيل.
وتعتبر هذه المرة الثانية التي تقوم بها شركة موبايلي بتقديم خدمات منافية للتعاليم الاسلامية و العادات الشرقية في تحدي واضح لأنظمة بلاد الحرمين حيث أعلنت مسبقا عن توفير "حجز النوادي الليلية و ملاهي القمار" بالاضافة لشراء "الخمور" لعملاء برنامج "راقي".
[fahad] [ 03/03/2010 الساعة 10:35 صباحاً]
يا جماعه اللي سشوفكم قال ما انتم ساكنيين بالخرج
موبايلي بعد اقل من شهر بتفتح فرع جديد كبير جدا بجوار يو مارك يعني قبل بنك البلاد
واعتقد انه سيفي بالغرض واللي ما شاف يمر ويشوف
[ابو المها] [ 03/03/2010 الساعة 10:21 مساءً]
شركه موبايلي شركه كبيره والمشاكل هذي كل ابوها راح تنحل مع الفرع الجديد
اللي عند بنك البلاد
وبعد والله حرام
الموظفين اللي بفروع الخرج بالذات ماكلين هوا الواحد منهم حوله 20 عميل كيف تبيه يخدمني وكل شوي جايه عميل ابي استفسر بالذات اللي بالمكتب الاول مقضيها استفسارات يخدم عميلين ويستفسرو عشره
ومشكله الارقام لازم يشوفو لها حل وايضا يزودو الدوام على الاقل الى عشره
ورح تشوفو الوضع بتغير 180 درجه
اما الموظف الثاني مو ملحق على العملاء اللي عنده والا اللي بجواله
الظاهر انه موظف مع خدمه العملاء 1100 اشوفه كل شوي ماسك الجوال ويكلم
ههههههههههههههههههه
[511] [ 04/03/2010 الساعة 12:46 صباحاً]
انا عميل في شركه موبايلي وازورهم شهريا تقريبا وكنت مداوم عندهم ايام ما نقلت من الاتصالات وازورهم علشان اشحن الكنكت دائما وعشت جوهم وعرفت مشاكلهم
صراحه اول ما جيتهم بغيت اهون من التحويل بسبت المكتب هذا بس بعدين اكتشفت
ان الوضع ممكن يكون اسوا لو انها شركه غير يعني..............
لو انها شركه ثانيه والموظفين غير الموظفين والمراقبين غير المراقبين كانو الوضع اسو من كذا
وانا اقول ان الخدمه المتوفره في فرع الخرع افضل من الامكانيات المتوفره وانا اتوقع انه بمجهود الموظفين خصوصا المشرف اللي بالمكتب الاول اولا وبجهود الشركه ثانيا
وصراحه مفروض الموضوع هذا ينفتح قبل ما تقرر الشركه انها تفتح فرع ثاني عند
بنك البلاد ولكن هذا انا يا اهل الخرج؟؟؟؟؟؟؟؟؟؟؟
ولكن الوعد قدام اذا فتحو الفرع الثاني بنشوف الوضع كيف؟؟؟
d.o.s.a.r.i_511
[gmrhum] [ 06/03/2010 الساعة 2:31 مساءً]
شركة موبايلي اقووووى من الاتصالات 20 مررره
انا اعرف الشركه وخدماتها من اول ماافتحت بالسعوديه ...واهي 100 %
والمكتب اللي على القاعده زفت دمار موظفين خياس
صراحه انا اشتكيت الموظف بس ماتأدب الظاهر يبيني اقلعه من مكانه (( شايف نفسه ومايدري ان اللي في محفظته اقامه ))
واللي يبي يعرف موبايلي يزور الافرع الرئيسيه ويشوف ...
[علي العتيبي] [ 10/03/2010 الساعة 12:57 مساءً]
كلام ميه الميه.
لو لا ( 000000 ) شركة الاتصالات ، ما كانت هذه الزحمة.
[ابو رتاج] [ 11/03/2010 الساعة 8:44 مساءً]
صحيح الكلام وتتفاجئ بخروج واحد من الموظفين بحجة الذهاب للبنك
المشكلة تبي تسدد عن طريق الشبكة يقول لك مافيه - الظاهر يبون الفكه والطلعه
v2.0.5 
[خرجاوي صريح] [ 28/02/2010 الساعة 11:17 صباحاً] 
" الإلكترونية وأنما تعبر عن رأى كتابها