مشاجرة جماعية تحدث إصابات بالغة في الصحنه - الأخــبـــــــار - صحيفة الخرج اليوم الألكترونية

الأخــبـــــــار

وقائع أمنية

مشاجرة جماعية تحدث إصابات بالغة في الصحنه

مشاجرة جماعية تحدث إصابات بالغة في الصحنه

فهد السلطان :

وقعت ليلة البارحة مشاجرة جماعية في اسواق السعيس بالصحنة وذلك بين صاحب أواني منزلية "هندي" وشاب سعودي ,مما أدى لتطور الأمر وتدخل مجموعة من الطرفين وحدوث إصابات دامية ,تطلبت تحويل الشاب السعودي لمستشفى الملك خالد بالخرج ,فيما تم فتح ملف القضية بالشرطة لمعرفى ملابساتها .

kharjhome

تم إضافته يوم الأربعاء 24/02/2010 م - الموافق 11-3-1431 هـ الساعة 1:58 مساءً

شوهد 3587 مرة - تم إرسالة 0 مرة

التقييم 7.08/10
1
2
3
4
5
6
7
8
9
10

اضف تقييمك

التقييم: 7.08/10 (72 صوت)

[صديق ساامي ابو سااره] [ 24/02/2010 الساعة 2:37 مساءً] اضف ردك على هذا التعليق

والله تعودنا الشباب عاايش كولمبيا

[صديق ساامي ابو سااره] [ 24/02/2010 الساعة 2:38 مساءً] اضف ردك على هذا التعليق

والله تعودنا الشباب عاايش كولمبيا

[احمد المطرد] [ 24/02/2010 الساعة 2:40 مساءً] اضف ردك على هذا التعليق

لاحول ولا قوة الا بالله

[راعي الاولى ] [ 24/02/2010 الساعة 3:50 مساءً] اضف ردك على هذا التعليق

اخو العيااااااااااااااااال هندي يطعن

لا هذي فيهاا قباايل

[شرقاوي] [ 24/02/2010 الساعة 4:32 مساءً] اضف ردك على هذا التعليق

الدلم ماراح يفتك من المشاكل الا اذا صاحب السمو الملكي الاميرعبد الرحمن بن ناصر التفت لشرطتهم الي كلهاواسطات ويوقفون الضحية والمذنب يغمضون كانهم ماشافوه ولاكل يوم مشاجره بسكاكين وصواطير وين حنى فية والله مهزله ....

[hamooodi] [ 24/02/2010 الساعة 5:39 مساءً] اضف ردك على هذا التعليق

الله يعين

بس كل يوم مشاكل
وشرطه الدلم مريضه كلهم لجج

ومضيعين داايمـ

[أبو الفهد] [ 24/02/2010 الساعة 6:32 مساءً] اضف ردك على هذا التعليق

لا حول ولا قوة الا بالله

المشكلة بعض الشباب لا يرى العامل الاجنبي شئ ويحتقره

ولكن لابد من الردع لمن يسيئ للأمن وبشكل فوري

[المطنوخ] [ 24/02/2010 الساعة 6:44 مساءً] اضف ردك على هذا التعليق

والله ان الوافدين صارت عيونهم قوووووووويه

وماعاد يجيبون خبر للسعودي يلعن ام الحاله هذا الهندي بيقوي شوكة العماله بتشتغل الصواطيربتصير مجزره قووووووووووووووووووووووووويه جدآ الله يكفينا شرهم الدلم صاير بومباي

[في السوق .....] [ 24/02/2010 الساعة 6:52 مساءً] اضف ردك على هذا التعليق

لا والي ادهى وامر هندي مطعن لة بدووووو يالله هزلت والله هزلت ......

[الخرج ستي] [ 24/02/2010 الساعة 8:15 مساءً] اضف ردك على هذا التعليق

لماذا تتجاهلون مدينة الدلم ؟؟؟!!!!

حي الصحنة من أحياء مدينة الدلم

[كيف انحااش .؟] [ 24/02/2010 الساعة 10:10 مساءً] اضف ردك على هذا التعليق

لااتعليق ..!

[خرجاوي للموووووت] [ 25/02/2010 الساعة 2:00 صباحاً] اضف ردك على هذا التعليق

يعني الهندي هو اللي فقع وجه السعودي

اكيد كفيله بالشرطة

طيب وش بيصير للهندي اذا هو المخطي

يعني بس بيسفرونه بدون اي عقوبه

واذا كان السعودي هو المخطي ياخذون عليه تعهد بعدم التعرض ؟

وكفاله وبيتهم بصراحه دخنا ودنا نعرف وش الحالات القانونيه عشان يعني مانتوهق مع هالعمال اللي اكلونا عيني عينك اقلها نسوي قدامهم فاهمين ولا يستهبلون علينا

تبون الجد ثلاث ارباع الشعب ماهو فاهم ماله وماعليه ولا قوانيين ولا يحزنون !!!!

اخوي فهد ياليت كلفت نفسك ورحت للمستشفى منها طمنتنا على ( مواطنا ) وبالمره اخذت منه السالفة !!
الا اذا كان عليه حراسات وممنوع عليه الزيارة او حالته حرجه لا قدر الله لان صورة السكين مليان دم

الاجااااااااااااااااااااااااانب اكلونا ونصبوا علينا وغشونا وصاروا يمدون يدينهم وحتى حريمنا ماسلموا منهم ونظام العمل والعمال معطيهم حق كامل مكمل !!!!!!!!!!!!!

خبر عادي وزادنا غبن

[الدوسري] [ 25/02/2010 الساعة 2:23 صباحاً] اضف ردك على هذا التعليق

والله الهنود شاخو ولصارت مشكله قالو الهندي ضعيف
والمخطي دايم السعودي هذا اللي تعودنا عليه من الشرطه

[قيصر الروم] [ 25/02/2010 الساعة 9:48 صباحاً] اضف ردك على هذا التعليق

هذي من علامات الساعه هندي يطق سعودي بالسكين قسم بالله في اليمن اتحدا اي واحد اجنبي يطلع من بيته لغير الدوام يذبحونه على طول ولا هنا بالسعوديه الكل ما خذ حريته الاجانب يعاملون افضل من السعودي بكثير حتى بالمشاكل اذا راحو القسم ع طول انت يالسعودي المخطي

[قيصر الخرج] [ 25/02/2010 الساعة 10:29 صباحاً] اضف ردك على هذا التعليق

والللللله ما عاد بالدنيا خير حتى الهنود صارو يمدون ايديهم علينا ياليتني كنت موجود بس قسم بالله لخليه يسافر للهند بتابوت ؟؟؟ امششششششششش يالهياط صح؟؟؟ بس يمكن هذا طفل ولا ناقص عقل وتبون الصدج والله الحكومة معطية الاجانب حريه اكثر من الازم وحقوق مو من حقوقهم وشكررررا

[يزيدعبيدالعنزي] [ 25/02/2010 الساعة 11:28 صباحاً] اضف ردك على هذا التعليق

حرام

[دلماوي] [ 25/02/2010 الساعة 1:17 مساءً] اضف ردك على هذا التعليق

أتمنى من أمير الخرج أن يزور شرطة xxxxx أقصد شرطة الدلم زيارة مفاجئة

ولا السيارة المتقطعة اللي ورا المركز لها عشر سنوات

[المهاجر] [ 25/02/2010 الساعة 2:06 مساءً] اضف ردك على هذا التعليق

لاحول ولا قوة الابالله

[فتى الخرج] [ 25/02/2010 الساعة 2:19 مساءً] اضف ردك على هذا التعليق

الله يكفينا شر الناس

[ابو محمد] [ 25/02/2010 الساعة 6:02 مساءً] اضف ردك على هذا التعليق

شرطة الدلم تحتاج لتغييير شامل وان يكون من خارج المنطقة الوسطى وخصوصا الافلاج ووادي الدواسر لان الوسطااااااااااااااااااااااات باااارزه

[قحطانيه] [ 25/02/2010 الساعة 9:16 مساءً] اضف ردك على هذا التعليق

لا حول ولا قوة الا بالله

وين العامل؟

[مدرس الإنجليزي] [ 26/02/2010 الساعة 10:30 صباحاً] اضف ردك على هذا التعليق

بصراحة تلقى الخطأ من السعودي
لإن السعودي ماهو شايف الأجانب شيء

وفيهم الأذى زائد عن حده

الأجانب جايين يترزقون الله وماشفنا منهم أذى إذا ما أحد أخطأ عليهم

تقول حرامية أنت السبب تبيعهم فيز وتفكهم بالشارع ومايلقى شغل،،،

تقول أذوا حريمكم ياخوي غطها وخلها تلبس لبس حشمه، ماهي لبس عباية كتف وتغنج وعيونهن كنها عيون ماعز كانت عند جدي بالمزرعة، ودي وانا سعودي أخذهن وأزواجهن بالعقال في السوق لكن صح هن لوحدهن بالسوق، آسف ؟!

والصبر يولد الإنفجار جوع وفقر وفيزة بالدين ويجيكم ويلقى همج ماتفهم ويرمونهم بعلب الماء وعلب العصير؟؟!!

حنا لازم نحترم البشر ونقدرهم
ماترضى أحد يطقطق عليك ويرميك بعلب ماء في وجهك؟!

ياxxx بلاش عنصرية وهبال أركدوا وعقلوا شباب أقاربكم

وياxxx تواضعوا وأتركوا عنصرية وهمز ولمز!

في مجالس xxxx بدال النميمة ومحاربة الناجحين تحدثوا عن الأخطاء من المواطنين (ولكم فيها نصيب كبير ) في الخرج وكيف إصلاحها، بدال التفاخر بالخطأ وشفت فلان ويش (وليس ماذا) فعل؟؟ ويمدحه حتى الطفل وده يسوي جريمة علشان يمدحه لإن مافيه أحد يشجعه، عيب تشجعه إذا مؤدب !

لو مكان أمير الخرج إذا أخطأ بدوي سجنت المخطيء وشيخهم
والحضري مع كبير عائلتهم

وتشوف بعد كم شهر الخرج كيف أدب وإحترام

من خطأ بسيط يشلح بطن مسكين فلسطيني لاجي لنا ويتركه جثة هامدة وين العقل والمنطق،هل نحن في أفريقيا؟!!!

أنت في الغابة ولا في مدينة جميلة ؟!! ياخوي كن قدوة للآخرين بالأفعال الطيبة والكلمات الجميلة

ليتهم يعينوني بالشرطة كان عقلت المجرمين من السعوديين ولكن ياكثرهم !!!!

صح الخرج قل نسبة الاجرام كل سنة أقل وهذه بشارة لكم بسبب العلم ومزاين الإبل !!

وإذا ودك تعرف ذوقهم شف ردودهم على ردي هذا وعلى المقالات التي في الصحيفة تلغى قيمنا وعلمنا وحضارتنا وثقافتنا بأنامل حرش مرش !!!

[الوافي] [ 26/02/2010 الساعة 11:38 صباحاً] اضف ردك على هذا التعليق

الهندي لمعتدي على ابن البلد يملك 5محلات في سوق السعيس ومتستر عليه ولى فكرةلايوجد محلات فعلا ملك لاصحابها ويعملون فيهابانفسهم سوى محلين فقط العود حق ابن موسى والعطور حق ابن ذياب ؟

والبقية تستر في تستر تستر في تستر

والنظام فيه ثغرات كبيرة للتستر
اتمنى من وزارة العمل الحد من هذه الظاهرة الواضحة للعيان وشكرا

[ابراهيم] [ 26/02/2010 الساعة 6:01 مساءً] اضف ردك على هذا التعليق

لاحول ولا قوة الا بالله

[7n0o0on] [ 26/02/2010 الساعة 9:00 مساءً] اضف ردك على هذا التعليق

من جد يااااا مدرس الانجلش جبتهاااااا على الجرح وعين الصووواب كلامك

ياخي من اووول الخرج كانت هاديه وامنه لاكن مع كثرت الوافدين من خارجها وتحديداا اللي ذكرتهم في اخررر تعليقك هولاء الاعراب هم راس الشر في كل مخالفه ابحث عنهم 00ودققوو في كلامي في حياتكم اليوميه000000عندي تنويه لشرطه الخرج يجب التركيز علو الاسواق في محطات البنزين وووااااووو سكاكين خطر بريلين

[بنت البلد] [ 26/02/2010 الساعة 10:35 مساءً] اضف ردك على هذا التعليق

الله يعفينا من الشر

ويكفينا شر الشباب الطايش والهنود الي كل واحد شايف نفسه

حتي في مستشفي خالد العماله سايبه لارقيب ولا حسيب=

[أم الرموش النواعس] [ 27/02/2010 الساعة 8:06 صباحاً] اضف ردك على هذا التعليق

ياعيني عليك يامدرس الإنجليزي

كلام في الصميم

مشروع كاتب ساخر

بأنامل حرش مرش هههههههههههه أكيد تقصد الرجال ,,حنا أناملنا ناعمة
تقصد أهل الردود غير المحترمة في هذ ه الصحيحة، كثيرون

بيع فيز وين فيزة سائقنا؟

يابنات صدق فينا رجالنا ينزلونا بالسوق ونبي نرجع ويروح ينطق بالإستراحة لين ندق عليهم ، مالت عليهم,,

ودي يسجنون الشيوخ وكبار العوائل كلهم،، علشان ننام يوم الخميس والجمعة ههههههههه

[خالد] [ 27/02/2010 الساعة 8:20 صباحاً] اضف ردك على هذا التعليق

يأستاذ الإنجلللللللليزي

عيب تشجع الطفل المؤدب{ صدقت فيهم )

البارحة ردك حديث المجالس بالخرج

كنا معزومين بمناسبة بإستراحة وشف الشد والربط، المدرسين والمعزومين معك في الفيز وتنزيل الحريم بالسوق وتشجيع المجرمين وعدم إحترام العمالة

ماضدك إلا شيخنا خايف يسجنونه |

[ابو عبدالله] [ 27/02/2010 الساعة 11:50 مساءً] اضف ردك على هذا التعليق

اقول الشرطة كلها واسطات وحب خشوم مو بس شرطة الدلم بل كل شرطة المحافظة تحتاج لتغييير لحيث ان الواسطات طغت على امن المواطن الضعيف ,,,

[صقر الشمال ] [ 28/02/2010 الساعة 1:41 صباحاً] اضف ردك على هذا التعليق

امحق راح السعودي غلطه وين النخوه ما ش معد به رجاجيل

[فهدالعصيمي_رد على مدرس انجليزي] [ 28/02/2010 الساعة 10:21 صباحاً] اضف ردك على هذا التعليق

مدرس الإنجليزي

الظاهر والله العالم انكـ امعه معهم معهم عليهم عليهم

تسمع الكلام وتردده

(((((الأجانب جايين يترزقون الله وماشفنا منهم أذى إذا ما أحد أخطأ عليهم))))))

ايه صادق والله انت المسكين ولا انت عايش في البلد تعال قسم المباحث والشرطه وشف

المصائب والقضايا واغتصاب الاطفال وكل هذا من الاجانب يشاطر

((((((وعيونهن كنها عيون ماعز كانت عند جدي بالمزرعة، )))))

استمر وساعد جدك في تربية الماعز اصرف لكـ من الانتقاد مدام هذا اسلوبكـ

(((((((والصبر يولد الإنفجار جوع وفقر وفيزة بالدين ويجيكم ويلقى همج ماتفهم ويرمونهم بعلب الماء وعلب العصير؟؟)))))))))

والله انت الي في جوع وفقر واذا تشوف ان ابناء بلدك همج فهذا يدل على انك انسان

همجي لاتفقه وهذ يل عليه اسلوبكـ

((((( لو مكان أمير الخرج إذا أخطأ بدوي سجنت المخطيء وشيخهم
والحضري مع كبير عائلتهم))))))

ماقول ا الا الله يخلف على الطلاب الي بتدرسهم مادام هذا تفكيركـ

(((من خطأ بسيط يشلح بطن مسكين فلسطيني لاجي لنا ويتركه جثة هامدة وين العقل والمنطق،هل نحن في أفريقيا؟)))

حكمت انه خطاء بسيط يسعادة المحقق عموما يشاطر الجريمه في كل مكان وكل زمان وليست في الخرج فقط ويصعب القضاء عليها وان اخطاء شخص او عدة اشخاص فلا نحكم على مجتمع كامل اومدينه كامله ولكن يبدو انكـ مثقف زياده عن الزووم

(((ليتهم يعينوني بالشرطة كان عقلت المجرمين من السعوديين ولكن ياكثرهم)))

قدم فصلكـ وتعال اخوي اتوسط لكـ عشان تقضي على المجرمين

(((صح الخرج قل نسبة الاجرام كل سنة أقل وهذه بشارة لكم بسبب العلم ومزاين الإبل !!)))

الحمد لله منت محرر او ناقد من الجريمه لمزاين الابل لاتقول بعد بتسجن اهل الابل

الظاهر تبي تزاين بمعزاء جدكـ

((((المقالات التي في الصحيفة تلغى قيمنا وعلمنا وحضارتنا وثقافتنا بأنامل حرش مرش)))

اقول الله يصلحكـ بس خل التعليق عنك والتفت لنفسكـ ولمزرعة ومعزاء جدك

[قريب الشاب] [ 28/02/2010 الساعة 12:30 مساءً] اضف ردك على هذا التعليق

اول شي الصوره مدري من وين جبتها ياصاحب الخبر

السالفه مضاربه ماصار فيها طعن

الباكستاني ضرب السعودي في راسه بعصى والسعودي تقاضا لعمره خذا العصى وضربه على وجهه وانكسر خشمه واثنين من ضروسه

والهنود والباكستانيين يتفازعون مع بعض
والسعوديين قاعدين يتفرجون

وين النخوه وين المرجله وين الحميه

لا وبعد العسكر قاعدين يتفرجون مع الناس وآخر شي انحاشوا العمال و اللي متضاربين معهم يلحقونهم

والشرطه واااااقفين ولا سوو ولا شي

والكلام الزايد والناقص والاشاعات اللي مالها داعي مالها داعي

وانت يامدرس الانقلش

لاتكلم لين تعرف انت وش تقول

ولين تعرف وش السالفه

اما تجيب كلام كذا من راسك

لا كذا مايصير

واللي يقول بشرنا عن السعودي فيه شي والا لا

دخل المستشفى عالجو ا الجرح اللي في راسه وطلع في وقتها

مافيه الا العافيه ولله الحمد

[الدلخ الفاهم] [ 02/03/2010 الساعة 9:53 صباحاً] اضف ردك على هذا التعليق

والله ما شفت كلام ازين من كلام المدرس لابجد شكله مدرس

يستاهل ابو الشباب ( اكيد حب ياخد من الهندى شى غصب )
راعو الله فى خلق الله

[مدرس الإنجليزي] [ 03/03/2010 الساعة 4:05 مساءً] اضف ردك على هذا التعليق

يالعصميمي

ترا مدرس الإنجليزي نقاطه حقيقة صحيحة ولكن الحقيقة مرة وحنا شعب يبي نطبل لبعض ونتعنصر

ليه نزعل ونتشنج وتردد عبارات وتحاول تفند حججه وأنت ليس عندك لباقه واحترام في الرد
( مغير تردد عبارات خادشه للحياء)
أحسن لك تقرأ كتاب كل أسبوع لإن عندك فقر في الكلام
وفي التعامل، وعنصرية عمياء

والله أقرأ رده مدرس الإنجليزي وانا أضحك ومعجب بهجومه بالصح لو إنه يحشنا ولكن هذه الحقيقة ودقق في كلامه

ليت مثله يكثرون

[بسيوني] [ 04/03/2010 الساعة 10:31 صباحاً] اضف ردك على هذا التعليق

كثروا مدرسين الإنجليزي، أنتم ليه تنهون عن العنصريه
وانتم مع بعض كده
بس متنورين