grooob911@hotmail.com



طمـــــــــــوووحهـ :


السلام عليكم ورحمه الله وبركاته

سبحان الله الناس في التامل نفسيات..لكن احب اقولكم بجد فيه ناس ماعندها اسلوب في التامل حتى لو عامله باحترام فان دل ذلك يدل على تربيته واخلاقه ..

من نزل موضوع اعلان الدورة الخاصه بالذكاء الاجتماعي وانا احاول الاتصال للتسجيل وللاسف كعاده كل الدوائر الحكوميه تضع رقم للاتصال والاستفسار والتسجيل وبس تتصل اما يكون مشغول او مفصول او محول او فاكس دايم يصرفون باي اسلوب..
وللاسف ماحد يرد وامس حاولت الاتصال للتسجيل فلدي الرغبه بحضور هالدورة وقد كتب في الاعلان انو يوم الاحد اخر يوم للتسجيل وربي صحيت من الصباح ابي اسجل وقلت بنفسي ماراح اتصل بدري عشان ما يكون الموظف نفسه خايسه على الصبح ومزاجه متعكر على بال مايفطر ويروق ويقهوى شوي وتجي الساعه 9 وقلت بس باتصل ومن هالوقت لحد اذن الظهر اتصل وماحد يرد وضاق صدري رحت صليت ورجعت واحاول اتصل وتعطل شغلي وانا مرابطه عند التلفون وتجي الساعه وحده ونصف يعني ماعاد بقى على الدوام غير نصف ساعه واتفاجا برد الموظف وانبسطت قلت بس فرجت ..
سلمت وطلبت اسجل قالي حياك احضري بدون تسجيل ..
قلت كيف يعني مافيه شهادات حضور دوره قالي بصوت عالي لا سجلت 200 طالبه من اسبوعين وقالت له بادب انا صار لي فترة من نزل الاعلان احاول الاتصال بكم وماحد يرد رفع صوته وجلس يهاوش يعني انا اكذب يعني انا متبلي عليهم مسجلهم من راسي ومن هالكلام وبكل ادب قلت انا بس اتصل وماحد يرد قال انا بالمكتب من الصباح بس قلت خمس دقايق اصلي وتوني راجع وماحد اتصل حسبي الله ونعم الوكيل وانا طول النهار اتصل وجلس يتكلم ويصارخ وشوي الا بيضربني واسلوبه قليل ادب تقول جالسه اطر منه فلوس وربي ويتفلسف ويقول اعوذ بالله منك ...وانا احاول اسال واستفسر وشوي انت شنو قلت بكل ادب انا لي الحق اسال مافيها شيء ومارفعت صوت ولا شيء بس والله ناس ماتخاف الله في تعاملها مع الناس يكفي انو انا محترمته ومع ذلك والله مايستحق الاحترام ..
حسبي الله ونعم الوكيل على مثل هالموظفين اللي نفسياتهم خايسه وماعندهم اسلوب بالتعامل مع انو المفروض يحمد ربه باسلوبه يكسب الناس مو ينفرهم مثل هذا مايبي احد يسجل احد ويقول انا وش دخلني ...

لكن الشرهه مو عليك الشرهه على اللي وظفك ياخي اذا ماتبي تقوم بشغلك وتحلل راتبك وتطلع حرتك بناس مالهم ذنب اجلس ببيتكم احسن لك انت ونفسك الخايسه ..فيه غيرك يبي الوظيفه ..

الله يشفيكم..