كامري 2001 سرقت من أمام عيني صاحبها والخرج اليوم تكرم من يجدها - الأخــبـــــــار - صحيفة الخرج اليوم الألكترونية

الأخــبـــــــار

محليات الخرج

كامري 2001 سرقت من أمام عيني صاحبها والخرج اليوم تكرم من يجدها

كامري 2001 سرقت من أمام عيني صاحبها والخرج اليوم تكرم من يجدها

علي عسيري :

تعرضت سيارة كامري م 2001 للسرقة مساء هذا اليوم الأربعاء ,وذلك في محطة العايد عند دوار اليمامه .
ودعى صاحب السيارة ممن يجد السيارة أو لديه اي معلومة يرجى تبليغ اقرب مركز شرطة او
الاتصال على 0555557288
أو 0505269983
ومواصفاتها هي :

كامري أبيض 2001
جنوط كروم نجمة
رقم اللوحة ح ك س 943

والخرج اليوم سوف تكرم من يسعى في الحصول على السيارة المسروقة أو يدلي بمعلومة تفيد في الحصول عليها .

(السيارة كما هي موضحة أمامكم في الصورة)

kharjhome

تم إضافته يوم الخميس 31/12/2009 م - الموافق 15-1-1431 هـ الساعة 2:49 صباحاً

شوهد 1786 مرة - تم إرسالة 1 مرة

التقييم 8.00/10
1
2
3
4
5
6
7
8
9
10

اضف تقييمك

التقييم: 8.00/10 (1 صوت)

[$$ nawaf$$] [ 31/12/2009 الساعة 10:01 صباحاً] اضف ردك على هذا التعليق

طيب اللي يلقاها وش له ؟

[محمد عبدربه] [ 31/12/2009 الساعة 10:09 صباحاً] اضف ردك على هذا التعليق

رد الله ضالتك سليمة كما هي

عاجلا غير آجل

تعانوا يا جماعة الخير

فالمسلم أخو المسلم

[لاحول ولاقوة الا بالله] [ 31/12/2009 الساعة 10:22 صباحاً] اضف ردك على هذا التعليق

حسبي الله ونعم الوكيل هذولي بقايا شرذمه الله لايوفقهم

وبعدين يا اخوان يعني انت نازل ومخلي السياره تشتغل وش بيضرك لو طفيتها

تبي تلقاها ان شاء الله باقرب وقت

((((( قدر الله وما شاء فعل)))))

[الزهراني] [ 31/12/2009 الساعة 10:25 صباحاً] اضف ردك على هذا التعليق

هذي جزاء كل من يترك سيارته بوضع التشغيل وينزل لقضاء حاجه يعني الواحد خسران يطفي الموتر .... صدقوني صاروا يسرقون السياره بما فيهاااا من نساء واطفال ...

تمنياتي أن ترجع السياره لصاحبهااااااااا بأقرب وقت

[الخرجاوي] [ 31/12/2009 الساعة 10:43 صباحاً] اضف ردك على هذا التعليق

الله يعوض عليك بخير بأذن الله ستجدها ولاكن عليك باالأستغفار

[بندر] [ 31/12/2009 الساعة 2:16 مساءً] اضف ردك على هذا التعليق

السلام عليكم ورحمة الله وبركاته
الله يرد عليك سيارتك عاجلا
بصراحة ظاهرة السرقة في محافظة الخرج كثرت والمشلة قائمة فلا بد من الحل وترك الكلام الذي لا يقدم ولا يؤخر فعلنا نجد بعض الحلول:
1- الحذر دائما فكن صعب لا تسرق بسهوله.
2- المواطن هو رجل الأمن الحقيقي حينما ترا ريبة في شخص فتصل على الشرطة مباشرة.
3-اقامت الحد واذا لم يكن كذالك فتشهير بصورته واسمه لعل غيرة يرتدع.

[فيتو] [ 31/12/2009 الساعة 3:17 مساءً] اضف ردك على هذا التعليق

امس كان فيه تفحيط في طريق الحوطه عند محطه الحيدان تاكد يمكن تكون نفس السياره الي انسرقت

ويدور في المخططات الي صاده

يمكن يلقاها

اللع يعوضه

[عبد الله ناصر] [ 31/12/2009 الساعة 3:45 مساءً] اضف ردك على هذا التعليق

يا جماعة أنا صاحب السيارة وأوعد اللي بيجدها أو بيدل عليها
إن له جائزة نقدية
والله على ما أقول شهيد

[عبد الله ناصر] [ 31/12/2009 الساعة 3:47 مساءً] اضف ردك على هذا التعليق

هناك جائزة نقدية لمن يجد السيارة

[ماجدالكبراء] [ 01/01/2010 الساعة 1:00 صباحاً] اضف ردك على هذا التعليق

مدير الشرطة هو المسئول الاول عن المسروقات

لايوجد دوريات امن كافية في الخرج

لايوجد اي اهتمام بل امن

يوجد اهتمام بل مكتب واثاثة

يوجد اهتمام بواجة المقرالرئيسي

[نجر بن محماس ال فنجال] [ 01/01/2010 الساعة 2:27 صباحاً] اضف ردك على هذا التعليق

عبد الله ناصر

يا جماعة أنا صاحب السيارة وأوعد اللي بيجدها أو بيدل عليها
إن له جائزة نقدية
والله على ما أقول شهيد????

بالاول ربي يفك أزمك ويرد حلالك سليم بأمر ربك

وبعدين يحس في خاطري كثر الدفع من اجل أن نحصل السيارة

ياعزيزي ترانا مسلمين نبحث عن الدعوة الطيبة قبل المادة

نحس في معناتك ونبي نخدمك بلي نقدر علية بدون بحث عن المكافات

دعوة طيبة تسو عن الف مكافة

وبعدين يالغلا يمكني دافع شر عنك ولله أعلم

لاتخذك افكار الشيطان بخذ فكرك كلة بسيارة خلاها علي ربك يديرها

ربي مايخذل عبدها دام معتصم به

لله يوفقك

[ابوفهد ] [ 01/01/2010 الساعة 4:26 صباحاً] اضف ردك على هذا التعليق

ياعزيزي دور سيارتك بنفسك ترى الشرطه ما عندك احد انا انسرقت سيارتي بالرياض شفت الرياض على كبرها وشرطه ومباحث وعاصمه مثلك عارف وبلغت على طول وقلت للظابط والله إني داري مهوب لاقيها أنا وتخبر اخوك راس ماله سيارته المهم اربع ايام وانا افر فالرياض شارع شارع حاره حاره ما خليت مكان ولقيتها بعد العنا لا نوم ولا حياة زي الناس لقيتها طال عمرك في العزيزة بالرياض

وقالي الظابط اللي فالمباحث بنوظفك عندنا قلت لا فكنا خلنيو اروح ارتاح ما نمت زين من اربع ايام

وبعدها على طول انسرقت سيارة اخوي فالخرج وبلغنا طبعاً ودورتها ولقيتها في السهباء عند ثانوية البنات وموقفها غلط ويوم وقفت عندها جاني واحد يركض من جيران المدرسه سلمت عليه وقال السياره لك قلت لخوي ومسروقه قال من يوم الإربعاء وهي واقفه عند المدرسة وبلغت الشرطه على طول طبعاً حنا الجمعه ذاك اليوم والشرطه ما جو الين دقيت عليهم وبلغتهم غني لقيتها فدور سيارتك بنفسك الله يعقلها عليك

[Cـدgالـoـلـgك] [ 01/01/2010 الساعة 4:29 صباحاً] اضف ردك على هذا التعليق

دورها في الخالدية في المخطط الي ورى المستشفى وان شاء الله بتلقاها

[المشكله صارقه عشان يهجول ؟] [ 01/01/2010 الساعة 5:28 صباحاً] اضف ردك على هذا التعليق

اليوم سمعة ان فيه هجوله على شارع الاخوين لكن اتوقع مو هو بس متحمس اظاهر نصراوي صارقه ههههههه مقول الى تشديد المرور الله لايهينكم

[محب الخرج ] [ 01/01/2010 الساعة 7:47 مساءً] اضف ردك على هذا التعليق

الله يعينك أخوي على مصيبتك

أما موضوع المكافئه

فأنا أقول زي ما قال أخوي

نجر بن محماس ال فنجال

أما طريقة البحث فكل واحد مننا يتأكد من الحي الي هو ساكن فيه

وان شاء الله بتلقاها

[كـــج كـــج ] [ 02/01/2010 الساعة 10:17 صباحاً] اضف ردك على هذا التعليق

يا الحبيب دور موترك واترك عنك البشاره والفخفخه ونطل الدراهم رح اشتر كرتون ماء بنص وهرول فالخرج لين تلقاء موترك انا سيارتي 2008 لها سنه ما لقيتها والله يعوضك ويعوضني وبعدين موترك تلقاه مفحط عليه لين عض الارض يعني ببلاش من قالك تخلي الموتر بدون وكيل ولا رقيب خلك تحس شوي وانا اذا لقيتها ماراااح اتصل تبيني يحطوني فالحجز يقولون انت الي سارقها قديمه حركات الشرطه ..............................ريح يا الحبيب

[والله ماقلت الاالصدق] [ 02/01/2010 الساعة 2:54 مساءً] اضف ردك على هذا التعليق

دور سيارتك بنفسك ماعندك شرطه في الخرج لو عندهم سالفه كانو ماوقفو في شارع الفين يتفرجون على التفحيط

[ناصر] [ 02/01/2010 الساعة 11:37 مساءً] اضف ردك على هذا التعليق

صحيفة الخرج تكرم من يجدها هههههههههههههههههههههههههههههههههه اعجبتني هذه الكلمه الناس تبي الاجر خلاص اجمعو القطه الله والقطه كل واحد خمسين واخر شي ماتجي 300ريال ولاي بيوصل المكافئه بياخذ 50ريال

[قايل حق] [ 03/01/2010 الساعة 12:23 صباحاً] اضف ردك على هذا التعليق

انا اقول لو يوضفون شرطي ويوقفونه عند كل سياره عشان ماتسرق كان افضل
يجماعه خفوا علي الحكومه والدوريات

يعني واحد تارك سيارته مشغله ونازل من تلوم الحكومه والا صاحبها والا الحرامي
اكيد صاحبها
والحكومه مهيب عين علي كل الشوارع

الله يعوض عليك باحسن منها وتكون تدرس لك ولغيرك الوضع تغير ماعاد هو مثل اول
يعني عسا السيارة تسلم وهي وسط حوشكم

[رد على كج كج] [ 04/01/2010 الساعة 2:28 مساءً] اضف ردك على هذا التعليق

يا اخووي كج كج ترى صاحب السياره مامسك مع اذنك وقال لك دورها غصب

كل ما في الامر اللي يبي الاجر يدورها اذا انت ماتبي الاجر ياخي فيه اكثر من موضوع

وثاني شيء علق على الموضوع بأحترام واذا انت مافيك خير ترى الناس للحين فيها خير

,,, تحيآتي ,,,

مجربع كج كج

[الحنيش] [ 04/01/2010 الساعة 2:30 مساءً] اضف ردك على هذا التعليق

يا اخوي كج كج ياليتك رديت رد محترم

ياخي ترى راعي الموضوع ما مسك مع اذنك وقال لك غصب تدور السياره

اذا ماتبي تفعل خير رح شف لك موضوع غيره

تحيآتي ,,

مجربع كج كج في العزيزيه

[العقل] [ 08/01/2010 الساعة 1:37 صباحاً] اضف ردك على هذا التعليق

كج كج

حركات الطفوله ذي خلها في البيت الله يصلحك

[سعود ] [ 10/01/2010 الساعة 9:33 مساءً] اضف ردك على هذا التعليق