البنك الاهلي فرع الخرج بمدخل واحد للرجال والنساء - الأخــبـــــــار - صحيفة الخرج اليوم الألكترونية

الأخــبـــــــار

خبر ومسئول

البنك الاهلي فرع الخرج بمدخل واحد للرجال والنساء

البنك الاهلي فرع الخرج بمدخل واحد للرجال والنساء

عبدالله الحمدان :

أبدى عدد من المواطنين إستيأهم وتذمرهم الشديد من البنك الأهلى التجاري فرع الخرج الواقع على طريق الملك فهد بمدينة السيح , حيث لا يوجد سوا مدخل واحد للرجال والنساء , مما يسبب الكثير من الحرج للسيدات الراغبات بالدخول للبنك أو الخروج منه , وهو ما ضطر أكثر النساء للاستعانة بأولياء أمورهن لمرافقتهن عند الدخول والخروج من البنك .

وأعتبر عدد من المواطنين مايحدث الآن في البنك الأهلى هو مخالفة صريحة للأنظمة المعمول بها محلياً وفق الضوابط الشرعية والتي تدعوا إلى إستقلالية المرأة عن الرجل وكذلك إستقلالية الاقسام النسائية بمدخل مستقل عن الرجال .كما دعوا إلى أن يقوم البنك الأهلى بفصل مدخل الرجال عن النساء .

يذكر أن البنك الأهلى بمدينة السيح قام في الفترة السابقة بإجراء تعديلات على نفس المبنى كان يحتوي على مدخل مستقل للرجال واخر للنساء , إلأ أنه بعد التعديلات الجديدة تم الأكتفاء بمدخل واحد للجنسين .

المدخل الوحيد للبنك للرجال والنساء

مدخل السيدات داخل الصالة

kharjhome

تم إضافته يوم السبت 13/06/2009 م - الموافق 20-6-1430 هـ الساعة 4:46 مساءً

شوهد 3619 مرة - تم إرسالة 0 مرة

التقييم 4.97/10
1
2
3
4
5
6
7
8
9
10

اضف تقييمك

التقييم: 4.97/10 (303 صوت)

[نجداوي] [ 13/06/2009 الساعة 5:06 مساءً] اضف ردك على هذا التعليق

ملحوظة في الصميم يابعد قلبي يالخرج اليوم ، حتى المساجد مداخلها مستقلة معقولة فاتــت عـليـهـم !!! ننتظر تعديل الوضع من البنك .

[راع الرزقاء] [ 13/06/2009 الساعة 5:21 مساءً] اضف ردك على هذا التعليق

وين الغيرة.....وين الخوف من الله......إن شاء الله أسود الهيئة مو ساكتين

[الموح] [ 13/06/2009 الساعة 5:35 مساءً] اضف ردك على هذا التعليق

الله من زين الترقيع كل يوم قاااضين ومعدلين الله لا يربحه في دنيا واخرة

ياخوفي بكرة تصير كل الدعوة فري في فري

[الدبلوماسي9] [ 13/06/2009 الساعة 5:56 مساءً] اضف ردك على هذا التعليق

الدعوه في حادور
هذه بدايه الاختلاط بين الجنسين نسئل الله السلامه
أعطي نفسك اقل من خمس سنوات بتشوف البنات ماسكين سرا في دله يقصون رخص سير

[خرجاوي صغير] [ 13/06/2009 الساعة 6:01 مساءً] اضف ردك على هذا التعليق

حسبنا الله ونعم الوكيل

[ابو ساااااااااالم] [ 13/06/2009 الساعة 6:14 مساءً] اضف ردك على هذا التعليق

ايش هذ الخبر وش المشكلة فيه وش الحرج فيه

لو الصلاح بمدخل للنساء ومدخل للرجال ضعنا لوحطينا ستين مدخل للنساء

ابش التخلف هذا

بعد قولوا حتى الاسواق نحط مداخل خاصة لهم

واللي يقول المساجد لها مدخل خاص بالنساء طيب شف الحرم المكي مافيه شي

مستقل

[صادق امين] [ 13/06/2009 الساعة 6:16 مساءً] اضف ردك على هذا التعليق

ياناس وش هالمبالغات في الردود
هذا بداية الاختلاط
والثاني مدري وش يقول
منكر ويحتاج الى تغيير
لا تكبرون السالفة

وحقيقة كنت اتمنى عدم اظهار رجل الامن المدخن مهما كان الامر
لانه خطأ بشري لا يقارن بخطأ مجموعة كاملة مثل بناء البنك وخطأ المدخل

ارجو حذف صورة هذا الرجل والاكتفاء بمناصحته والرفع لمرجعه

[السراب] [ 13/06/2009 الساعة 6:27 مساءً] اضف ردك على هذا التعليق

يا أخوان ليش هذا التهجم على البنك هل في واحد منكم ذهب لمدير البنك الأخ مفلح السبيعي وشرح له الوضع ؟؟؟؟؟؟؟؟؟؟؟؟
الاخ مفلح رجل فاهم ومتقبل.

ولا أضنه سيعارض في هذا الامر.

بس المشكلة فينا نحن ما وصلنا له الفكرة.أو لأحد المسؤلين عن هذا الأمر

لذلك ننتظر التغير بعد المناصحة بالتي هي أحسن.
وأنا متأكد بإذن الله أن هناك تغيير حسب مارأيت من صلاح الاخوة في البنك الاهلي والله حسيبهم.

شكر خاص للخرج اليوم على مثل هذه المواضيع
تحياتي للجميع

[سواح] [ 13/06/2009 الساعة 6:59 مساءً] اضف ردك على هذا التعليق

السراااب !!!

كلامك غريب ومايدخل المخ!
وشلون يوصلون للمسئول الفكره!!
المسئول كل يوم يداوم بالبنك يعني بالعقل مايدخل الا مع الباب اللي تشوفه
فهل معقول لهالدرجه المسئول ماعنده عيون تشوف وحس يفهم ان مدخل البنك فيه مشكله والحريم والرجال طريقهم واحد!!!!!!!

ان كان يدري فتلك مصيبه وان كان لا يدري فالمصيبة اعظم

اتمنى ان تخاطب الناس بما يعقل اايه السراب

[الرزق على الله] [ 13/06/2009 الساعة 7:33 مساءً] اضف ردك على هذا التعليق

انا ارى انه مثله مثل اي محل اخر ....... لا واهون من كثير من المحلات على الاقل هذا مدخل فقط وتروح الحرمة لقسم الحريم وتقدم لها الخدمة حرمة زيها
لكن السوق تروح له العامل هندي والمشرف فلبيني والمحاسب يماني والحمال بنقالي ولا فكرنا الا في في مدخل البنك
ليش السوق ما يحطون قسم للنساء ويكون المدخل واحد

[السراب] [ 13/06/2009 الساعة 8:01 مساءً] اضف ردك على هذا التعليق

حبيب قلبي (سواح)

الفكرة التي أردت ان تصل إلى مدير البنك هي أن تجعل للبنك مدخل واحد خطاء
ولابد ان تجعل مدخل خاص للنساء ومدخل خاص للرجال

وعلى قولتك ((المسئول كل يوم يداوم بالبنك يعني بالعقل مايدخل الا مع الباب اللي تشوفه فهل معقول لهالدرجه المسئول ماعنده عيون تشوف وحس يفهم ان مدخل البنك فيه مشكله والحريم والرجال طريقهم واحد!!!!!!!))
أولأً: مدخل الموظفين مستقل لوحده. ولايعني ذلك عدم علم المسؤل بالباب.

ثانياً: يوصلون الفكرة عن طريق الخرج اليوم مثلاً والطرق في ذلك كثير وهذا أمر عادي.
وليس لدي مانع في توصيل الفكرة لدى المسؤل

تحياتي للجميع

ولك أخي سواخ أو سواح

ياعالق اسف ياعاقل

[الرزق على الله] [ 13/06/2009 الساعة 8:04 مساءً] اضف ردك على هذا التعليق

ليش يا صحيفة الخرج تشيلون جزء وتحطون جزء

والا الصحيح ما يعجبكم ولا له مكان عندكم

[برنس الخرج] [ 13/06/2009 الساعة 9:12 مساءً] اضف ردك على هذا التعليق

سبحان الله

اغرب شعب شاهدته في عمري

واذا صار مدخل واحد ايش المشكله وليش السيدات يشعرن بالحرج

ممكن سؤال للجميع

عندنا مستوصفات الخرج كثبره لادعي لذكر اسمها لماذا لايشعرن السيدات بالحرج عند الدخول مع الرجال ؟؟؟؟؟؟؟؟؟؟؟؟

الاسواق
المكتبات

ابو ريالين

المطاعم

حبكت على البنوووووووووووووووووووك

عجبي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[alkahrj] [ 13/06/2009 الساعة 9:59 مساءً] اضف ردك على هذا التعليق

رد الاخ برنس الخرج هوالصحيح وبعدين هذا تصميم فروع البنك الاهلي الجديدة في المملكة وفرع السيدات معزول عن فرع الرجال ويوجد رجال امن وكميرات والانسان المحترم في اي مكان ماحد يقدر يقرب منه بس شكلك متحامل على البنك الاهلي

[بياع الورد] [ 13/06/2009 الساعة 10:13 مساءً] اضف ردك على هذا التعليق

وش فيها بعدين مو قسم للنساء عشان مايدخل إلا حريم
الى متى التخلف؟؟؟؟؟؟

[إلى متى !!!] [ 13/06/2009 الساعة 10:17 مساءً] اضف ردك على هذا التعليق

طيب حطو مدخل واااحد وش صار ؟؟؟

عدوها داخله سوق مو يدخلون من مدخل وااحد دام المره محتشمه وش فيه ...

لا تقولون لي اختلاااط ؟؟ الي يسمعكم يقول انها داخله مع الرجاجيل في نفس قسمهم ..

طيب البنوك الي مافيها فروع نساائيه الحريم يدخلون مع الرجال في نفس القسم

ويكون لهم جزء محدد والي يخلص شغلهم رجال ولا هذي ساكتين عليها وعلى باب

سويتوا سالفه ..

وانا اتوقع ان السالفه سالفة وقت إلين ينتهي البنك من عملية الترميم ..

بس اسمحولي تبون تتطورون وتفكيركم كذا صدقوني ماراح تطورون ابد ابد ..

[الوافي] [ 13/06/2009 الساعة 10:37 مساءً] اضف ردك على هذا التعليق

انا صراحه لا اراء في المدخل اي ملاحظة بل بالعكس من الناحية الامنية ان يكون

المدخل واحد وامام الناس

ولوا تسئلوا الجهات ذات العلاقة لتأكدتم ان المدخل الواحد هو الامن بعد امر الله سبحانة

[جلباخ] [ 13/06/2009 الساعة 11:14 مساءً] اضف ردك على هذا التعليق

أنا بسأل محرر الخبر

وشدخل حارس الامن بالموضوع

بعدين

حرس الامن يدخن دخل البنك

ماتعرف أملاء /

[خرجاويه] [ 14/06/2009 الساعة 12:08 صباحاً] اضف ردك على هذا التعليق

انا اشوف ان الفرع بكبره يفشل وصغير مرره

واذا ع المدخل خطا والف خطا بعد

انا دخلت لقسم النساء وكان وراي 3 رجال صحيح انهم انتظروني الين ادخل بس انواع

قله الحيا وكذا والله مايرضي احد ابد

وبعدين اكبر واحسن البنوك ماسوت مثلهم

وليش تقارنون بالاسواق مافيه مجال للمقارنه ابد

والافضل يجاوبون البنات ولا الشباب ماراح يرفضون ابد

ولو تراجع عندهم الحرمه بيفرحون اكثر

ان شاء الله يوصل كلامنا لمدير الفرع ويشوف لنا حل ولالغينا الحساب هههههههه

[iحبي الخرج واهله] [ 14/06/2009 الساعة 1:13 صباحاً] اضف ردك على هذا التعليق

كل اللي يتكلمون على البنك تراه مسلفهم قروض منقهرين

ههههههههههههههههههههههههههههههههه

حطوا من الحبة قبة ياسلاااااااااااااااااااااااااااااااااااااااااااام على التفكير

[ابوبسام] [ 14/06/2009 الساعة 4:53 صباحاً] اضف ردك على هذا التعليق

والله شعب عجييييييييييييب جدا

هذا مدخل بنك مو مدخل غابة

ليه الخوف من بعض حنا في بلد مسلم ولازالت النخوة موجودة

صراحة ثقافة الخوف سوء الظن وثقافة التشكيك من اللي جلبها لنا

استغفر الله العظيم على بعض العقليات

تحياتي

[واثق باذن الله] [ 14/06/2009 الساعة 9:51 صباحاً] اضف ردك على هذا التعليق

الشي الاكيد
ان رجآل الخرج والسعوديه عامه
اهل خير ودين
وصدقوني اكيد مافكروآ انهم يخلون مدخل
وآحد ولاكن اكيد طافت عليه عليهم
وبما انهم انتبهوا بيعدلون الوضع اكييد

[لا تعليق ] [ 14/06/2009 الساعة 10:44 صباحاً] اضف ردك على هذا التعليق

طيب اذا هالمدخل مسوي ازمه !!

عندي سؤال وابي الكل يجاوبه وش رايكم بصراف الرااجحي الي عند الحديثي

ياما شفت رجاجيل وحريم جواته مع بعض يالله تعالو علقوو على هذا وش راايكم ؟؟؟

المفروض اذا قصدكم اختلااط هذا الإختلاااط بعينه وعلمه مو مدخل وبعدين الرجاجيل

اول ما يدخلون على يدهم اليسار الدرج وبسرعه يرقون والحريم على اليمين ويبيلهم مشوار على بال ما يوصلون الباب ..

والمسافه ترى بعيده مره والباب ترى كبر قريح ؟؟

اتركو عنكم هالمهااترات وتفرغو لموااضيع اكبر من كذا لو سمحتوااا ؟؟

وياليت تردون على التساائل الي فوق ..

[hs] [ 14/06/2009 الساعة 11:02 صباحاً] اضف ردك على هذا التعليق

الله وكبر خاف ربك يا ابوسالم

ولازم الصمت 0000000000 لاتتكلم عن غيرك000000000 تكلم عن نفسك ومحرمك فقط000000000

شكلك موظف في البنك 0000000000

او تبي قرض000000000

[بنت ابوها] [ 14/06/2009 الساعة 11:11 صباحاً] اضف ردك على هذا التعليق

الى ابو سالم (( غ ))

لاتشبه البنك00000000000000000000 بحرم المكي

هذا والله قل تعليمك0000000

والرجو من الجميع ان يعرفو الفرق بين البنك 00000 والحرم المكي

وشكراُ الى صحيفة الخرج اليوم على هذا الخبر ونرجو من صاحب الملكي الأمير عبدالرحمن بن ناصر ال سعود و هيئة الخرج حل الهذي المشكله 00000

وشكراً الى الجميع

واسفه جداُ الى ابوسالم

[ابو فهد] [ 14/06/2009 الساعة 11:34 صباحاً] اضف ردك على هذا التعليق

اقووول اذا حضر الماء بطل التيمم
ومافيه ادرى من الحريم بمعاناتهم والحمدلله شهد شاهد من اهلها

بعدين احنا بلد اسلامي وهذا شرعنا ونظام دولتنا ماسمح بالفعله اللي سوها البنك الاهلى
فبي حق تتفلسفوا وتفسرو الامور على مزاجكم
لكن والله انها القلوب المريضه اللي نظرتها للامور قاصره فما راينا السفور منتشر الا بعد ماصارت المراه تختلط بالرجل .

سؤال منطقي

النافذ الجانبي للبنك من الجهة الشرقية وهي جهة سلم النساء للدور العلوي لماذا لايفتح مدخل من الجهة الشرقيه وتنحل المشكله !
ماني فاهم يعني عجزوا الخبراء يدبرون للحريم مدخل مستقل!!
اترك التعليق لكم

[اق] [ 14/06/2009 الساعة 1:25 مساءً] اضف ردك على هذا التعليق

بيض الله وجهك يا ابو فهد

[ابو فرحان الحنيني] [ 14/06/2009 الساعة 1:28 مساءً] اضف ردك على هذا التعليق

وش المشكلة لو يحطون باب واحد ويش التخلف هذا

ليش

انا اشوف ما بها شي

نننننننننناس متخلفين

[ابو ساااااااااالم] [ 14/06/2009 الساعة 1:29 مساءً] اضف ردك على هذا التعليق

بنت أبوها ((( د )))

شكراً بس ماشبه الحرم المكي بشي

بس اقري الردود من الاول حتى ردي واعرفي وش كنت اقصد وعلى مين

بس هاذي ناس مالقت خبر وحطوا سالفة على البنك بس عشان البلبة الفاضية

مدخل واحد وقسمان مستقلان بالداخل بالله فكروا ياناس وين راح تلاقى النساء حرج

من الدخول والخروج من البنك مادام المدخل هذا على الشارع العام وكل العالم يدخلون

منه من الفاضي اللي يقل ادبه هنااااااااااا

[خطير] [ 14/06/2009 الساعة 1:32 مساءً] اضف ردك على هذا التعليق

شعار البنك الاهلي الجديد

عائلة واحدة

بنك واحد

طريقة آمنة واحدة

مدخل للرجل وللنساء وحد

شكراً لتعاملكم مع البنك الأهلي التجاري جميع البوبات للدقيق والتحقيق

مع تحيات

ألأتحاد

[ابو ساااااااااالم] [ 14/06/2009 الساعة 1:46 مساءً] اضف ردك على هذا التعليق

بنت ابوها خلي التعليم على جنب

هذا رأي عام يعني حتى الي مايعرف يكتب اسمه له حق يقول اللي يبي

قد اكون أخطأت برائي وقد أكون اصبت بس انا اعرف البنك وشفت كيف التنظيم اللي فيه

[العيون الكحيلة ] [ 14/06/2009 الساعة 2:35 مساءً] اضف ردك على هذا التعليق

وين راحت فلوسنا وفلوس هالضعوف المساكين
بنك وفي الاخير كانك داخل محلات الحضارمة ابو عشرة ريال

[ام عمر] [ 14/06/2009 الساعة 3:13 مساءً] اضف ردك على هذا التعليق

ياليت على المدخل بس الا خداع وغش واستخفاف بطيبة الناس وخصوصا اذا بغيت تاخذ قرض يقولك الموظف النسبة 5% وبعد ما تورط وتوقع العقود تلقى المصيبة انهم كاتبين بالعقد عبارة تموتك وتقضي عليك ( الربح الافتراضي 5% ) ( الربح الفعلي 8% ) حسبي اللة ونعم الوكيل ؟؟؟!!!

[برنس الخرج] [ 14/06/2009 الساعة 4:21 مساءً] اضف ردك على هذا التعليق

الأخت : خرجاوية

أظن المجال مفتوح للجميع والكل له الحق في إبداء الرأي . والتعليق مو حكر لكن فقط .

الشي الثاني أعنقد أن مسؤلي البنك ما عندهم مانع في إلغاء حسابك لإن البنك وكل البنوك حريصة على أصحاب الأرصدة فقط.

وأخيرا من قال لك لو راجعت الحرمة أو السيدة عندنا بنفرح بالعكس بنقلق ونطفش من تعاملها واسلوبها بس أنت تفكير وتصورك محدود و على قدك .

وبعدين ياخرجاوية الله يعينك شكلك بتقاطعين المستوصفات الخاصة عندنا بالخرج إذا ما لقوا حل لمشكلتك وهي فتح بابين مستقلين ؟؟؟

وايضا الله يعينك على محلات أبو ريالين شكلك بتقاطعينهم إذا ما لقوا حل لمشكلتك وهي وضع مدخلين مستقليين.

ومجمع الحديثي الله يهديهم المداخل والبوابات كلها مختلطه والله مشكلة الخرجاوية بتقاطعهم يالها من كارثة.

(( على فكرة نحن شعب عاطفي نحكم مباشرة ما نفكر بعقل وتروي.
يصدر الحكم مباشرة . كان الله في عوننا .................

تحياتي

[وليد - موظف في البنك الاهلي] [ 14/06/2009 الساعة 11:31 مساءً] اضف ردك على هذا التعليق

السلام عليكم ورحمه الله وبركاته

هههههههههههههه شر البليه مايضحك

والله عشان ماتقولون ادافع عن البنك الاهلي

التصميم والديزاين الخاص بشبكه فروع الخرج كله واحد .. وعلى هذا النظام

لكن ان ارى الفوضى اجتاحت هذا المدخل واصبح قضيه الشرق الاوسط

رغم ان هذا ابداء راي وانا احترمه من قبل الجميع

لكن الاختلاط والدعوه الى السفور وخاصه في الخرج معروف اين توجد

واين تتصنع الله يستر على الجميع

لكن دائما نطلع على السلبيات في كل شيء ونترك الايجابيات مهما كانت

انا بكل امانه اعاتب فقط رجل الامن .. بانه يدخن في الفرع في حاله وجود عملاء

وهذا الشيء لا تسمح به اداره البنك بتاتا البته لكل الموظفين

ولكل شخص رايه وانا ا حترمه

لكن يجب دائما اذا اردنا الاحتجاج على خطأ يجب المقارنه به باكثر من جهه لتقضي على الاكبر واشد خطوره

ثم تسعى ورى اخفاء فتافيت الامور ..

شكرا لكم من كل قلبي

اخوكم / وليد

[النادر الحوطة] [ 14/06/2009 الساعة 11:36 مساءً] اضف ردك على هذا التعليق

ياابو سالم

اي نظام !!!!!!!!!!!!!!!!!!!!!!!!!!!!!!!!!!!!!

اقوال

حسبي الله ونعم الوكيل

[برج الخرج] [ 14/06/2009 الساعة 11:41 مساءً] اضف ردك على هذا التعليق

الى ابوسالم (غ)

ياخي انت تبي الناس تمشي على هواك .
تبي الناس تشوف الخطاء ..... وتسكت
روح دور اي مسئول فاتح مكتبه للمراجعين وقبل ما تدخل عليه تمر عشرالاف موظف الى يسمحولك بالدخول
كلامك هذا كانك جاي من كوكب اخر مو عاش معنا
ياخي لا تسيئ لصحيفة لمجرد مصالح شخصية اومعرفة لشخص معين

[برج الخرج] [ 14/06/2009 الساعة 11:49 مساءً] اضف ردك على هذا التعليق

اقواااااال الى الخي وليد الموضف في البنك

بيض الله جهك 0000000000000000 وجزاك الله الف خير

اخوك برج الخرج

[خطيره] [ 15/06/2009 الساعة 10:42 مساءً] اضف ردك على هذا التعليق

[توضيح] [ 15/06/2009 الساعة 10:56 مساءً] اضف ردك على هذا التعليق

سمعنا خبر ان صاحب السمو الملكي الأمير عبدالرحمن بن ناصر بن عبدالعزيز ال سعود حفظة الله

سوفا ينهي المشكلة في هذا البنك

والله وعلم

[برنس الخرج] [ 16/06/2009 الساعة 1:41 صباحاً] اضف ردك على هذا التعليق

الأخ توضيح

وإن شاء الله يشوفون حل لكل مرفق في الخرج مختلط

وخصوصا

مكتبة العبيكان مقابل مسجد حماد الدوسري لان المدخل واحد ليت يشوفون حل له

وايضا مركز الهرم

وسربال

ومركز عبدالعزيز

يؤؤؤؤؤؤ ونسينا شي مهم العليان اللي في السوق الداخلي المدخل واحد و وضيق بعد

كلالالالالالالالالالالالالالالام فاضي شعب مريض كان الله في عونكم

فكروا في شي ينفع مو هالقضية التافهة

[حقوق الرجل] [ 16/06/2009 الساعة 6:35 صباحاً] اضف ردك على هذا التعليق

مبروك الف مبروك

سمعت أن الامم المتحده يقولون أنه تجاوبا مع صحيفة الخرج اليوم . سيقومون بأنشاء بنك ناطح للسحاب مختص بالنساء فقط ويوجد فيه ملاهي وأكسسوارات للنساء ويسمح بدخول الرجال اللي قلوبهم قلوب نساء المتعاطفين مع النساء .

ياحيف ياصحيفة الخرج اليوم ياحيف

وترى الشجاعه في قول الحق زينة تاج المسلم ياصحيفة الخرج اليوم .

[عبدالعزيز العسكر] [ 16/06/2009 الساعة 10:18 صباحاً] اضف ردك على هذا التعليق

لا تلوموا السيدات بالذات على أعتراضهم على إدارة الفرع
فنحن أعتادنا وجود مداخل مستقلة لفروع وأقسام النساء في البنوك والمصارف رغم ان كثير من المنشآت التجارية التي يرتادها كلا الجنسين من أسواق وسوبر ماركات ومكتبات وغيرها لا يوجد لها سوى مدخل واحد ومع ذلك لم نسمع من ينادي بتخصيص مداخل مستقلة للنساء .

لكن الامر المهم والذي اتمنى ان يسود بين الاخوة والاخوات ان نتقبل الاراء ووجهات النظر دون تشنج ودون تسخيف الاراء أو التقليل من شأنها .

[خطير] [ 16/06/2009 الساعة 12:11 مساءً] اضف ردك على هذا التعليق

ابشركم البنك بدا في تنفيذ باب مستقل عن الرجل من الجه الشرقية من البنك

وشكراً الى البنك

[وليد - موظف في البنك الاهلي] [ 16/06/2009 الساعة 3:53 مساءً] اضف ردك على هذا التعليق

فرع السليمانيه وفرع الوادي وفروع شمال الرياض وشرقها وايضا جنوبها
لم يكتب اي اعتراض على مدخل البنك الا الخرج

لاكن ايضا يجب ان يتخذ قرار بما ان قضيه الشرق الاوسط ازدادت توسعا
بان كل المصارف تنشأ فروع نسائيه لان اغلب الفروع لا يوجد بها قسم نسائي من الاساس وبالتالي يصبح دخول النساء في فرع الرجال مباحا وليس به اي عيب او اعتراض

انا كنت اعمل قبل فرع الخرج بفرع الصناعيه بالرياض
وكان لا يوجد به فرع سيدات

وبالتالي النساء يدخلون في اي وقت بما انهم عملاء .. رغم ان يوجد فروع قريبه جدا نسائيه

من حق النساء طلب مدخل مستقل لهم .. لكن ليس بهذه الطريقه التي تسيء للبنك

وانا ارى ويجب على اداره البنك الاهلي اتخاذ الاجراء المناسب تجاه هذه الفوضى التي اصبحت على كل لسان

ليس مستغربا بكل امانه ان يعمل من الحبه قبه في الخرج خاصه من بعد موضوع الاعب المشهور الذي انتشر في غضون ثواني

فهذا ليس مستغربا

واتمنى قضيه فلسطين والعراق وفايروس انفلونزا الطيور والخنازير تنتهي

بدل من هذا الهراء ..

شكرا على رحابه صدركم

[زمن العجائب ] [ 16/06/2009 الساعة 4:59 مساءً] اضف ردك على هذا التعليق

وش عنده وليد مفتي الديار !!!
يعني انت الحين اللي ماورا راسك راس وانت اللي تعرف العدل والحق وتعرف وش الصح من الغلط وغيرك من الناس مايفقه شي !! سبحان الله

طيب انت الحين وش محرق رزك !!!
الحريم وهذي رغبتهم وهم ادرى بحالهم منك ولا انت موكل بالنيابه عنهم وتعرف وش حقوقهم ووش يلزمهم !!!

بس اكيد منت سعيد عشان بتنحرم عيونك من شوفت الغنادير كل يوم مارين من قدامك وقامت قيامتك وقعدت تهذي .

ماقول غير الله يخلي لها البلد الرجال المخلصين اللي يعرفون الحق والاصول ولا انت ماينشره عليك

اخيرا بس عشان تعرف انكم يالبنك الاهلي متخلفين ونواياكم الله واعلم فيها فانت تقول كل البنوك صارت تسوي اقسام نسائيه خاصه طبعا من باب تلبية رغبة النساء اكيد لكن اللي اشوفه ان فرع الخرج قبل التطوير كان احسن وقسم الحريم مستقل والغريب ان التطور اللي سويتوه خالف البنوك اللي تقول صارت تسوي اقسام مستقله وبعد ماكان مدخلين رجعتوا حطيتوه باب واحد!!!!!
وش معنى هالكلام؟

[وليد - موظف في البنك الاهلي] [ 16/06/2009 الساعة 5:25 مساءً] اضف ردك على هذا التعليق

عزيزي / زمن العجائب

انا ليس بمفتي الديار .. انا مواطن سعودي ولي حق .. الرد

بما ان هذه المنشأه اعمل بها

لدي هدف وكيان ادافع عنه .. عكس الذي يكثر ولا يفقه

وبخصوص .. النقطه الي تبي تتوصل اليها

لان تشوف الناس بعين طبعك .. وتصرفاتك

قال ايش النظر للغنادير

عشان انفي هذه التهمه الجديد ه عن موظفي البنك الاهلي عملائنا هم من يشيدو لنا باخلاقنا وتصرفاتنا

مدخل خاص بالموظفين من خلف البنك خاص بدخولنا وخروجنا منه ..

ليس لدينا حاجه للنزول من واجه البنك

والنظر كما اسلفت ياسيدي الكريم ...

وابداء رايك باننا متخلفون .. هذا يرجع لاخلاقك عزيزي ..

ف ساكون افضل منك ..

وساقول .. جزاك الله خيرا

وكلن يرى الناس بعين طبعه

اخوك / وليد

[اضف تعليق] [ 16/06/2009 الساعة 6:03 مساءً] اضف ردك على هذا التعليق

الى وليد _ موظف في البنك الأهلي __ حسبي الله عليك ونعم الوكيل___

ياخي انت تبي الناس تمشي على هواك .
تبي الناس تشوف الخطاء ..... وتسكت
كلامك هذا كانك جاي من كوكب اخر مو عاش معنا
ياخي لا تسيئ لصحيفة لمجرد مصالح شخصية اومعرفة لشخص معين

والى زمن العجيب -- الله يبيض وجهك ويجزاك الجنة 000

ابشر ك البنك الى الهاوية الناس الاخيار يطالبون بإن يستقل مدخل النساء عن الرجال
وسوف تسمع اخبار تسر الجميع عن هذا البنك المتسيب 000

حتى موظفات البنك غير رغبات بذلك

[ابو اسامه] [ 16/06/2009 الساعة 8:26 مساءً] اضف ردك على هذا التعليق

اللي الموضوع مو عاجبه ، وحاس ان اللي يغير على عرضه ، متخلف.

البنك لا يشبه اي من اللأسواق او المستوصفات، لأن البنك فيه قسم للرجال وقسم للنساء

يعني مثل قصور الأفراح ، تخيل كاشخ انت وزوجتك او اختك ، ومدخل النساء والرجال واحد

اكيد انت اول واحد بتدخل اهلك بتترزز قدام الباب.

[برنس الخرج] [ 16/06/2009 الساعة 9:33 مساءً] اضف ردك على هذا التعليق

لا فضك فوك اخي وليد

الأخ وليد / تبي نصيحتي خلهم يتكلمون ونت ما قصرت والضرب في الميت حرام هؤلاء متحجرين ومستحيل يقتنعون وتفكيرهم محدود وأتوقع أنهم فاضين ويريدون يعلقون وبس
ولا القضية لاتستاهل كل هذا الضجيج

[عميله وسام الاهلي] [ 16/06/2009 الساعة 9:52 مساءً] اضف ردك على هذا التعليق

مساء الخير

شو كل الهجوم على البنك الاهلي

وربي انكم ناس فاضيه

وموظفات البنك وموظفينه بجد مالقيت زي اخلاقهم العاليه

عكس البنوك الثانيه وانا كنت عميله سابقا ببنك اخر وشفت البلاوي فيها

انا مرتاحه في بنكي الاهلي

ولايهمونك العذال

[وليد - موظف في البنك الاهلي] [ 16/06/2009 الساعة 9:57 مساءً] اضف ردك على هذا التعليق

والى زمن العجيب -- الله يبيض وجهك ويجزاك الجنة 000

ابشر ك البنك الى الهاوية الناس الاخيار يطالبون بإن يستقل مدخل النساء عن الرجال
وسوف تسمع اخبار تسر الجميع عن هذا البنك المتسيب 000

حتى موظفات البنك غير رغبات بذلك

--------------------------------

ماشاء الله استمعت الى اراء موظفات البنك ..
الموظفات عندهم شيء اسمه اداره بامكانهم الاعتراض على اي شيء عن طريقه

مو عن طريق اي شخص اخر
البنك الى الهاويه هههههههههههههههههههههههههههههههههههههههههههههههههههههههههههههه

شر البليه مايضحك

لا تعليق

[حبيب] [ 16/06/2009 الساعة 10:26 مساءً] اضف ردك على هذا التعليق

يفظل ان يكون هناك مدخل للنساء مثل مصرف الراجحي

يظمن الاستقلالية للمرة والهدو وهذاء ممتاز اتمنى من أدارة البنك الموقرة

أن تجد حل بشكل عاجل لهذا النقطة البنك الأهلي أقدم بنك ومن أحسن البنوك في نظري والله أعلم

[عبدالله العنزي] [ 16/06/2009 الساعة 10:55 مساءً] اضف ردك على هذا التعليق

لو أخذنا بمبدأ الأخ الكريم

لجعلنا لكل شيء مدخل خاص
@@@@@@@@@@

كبروا عقولكم

الإختلاط بين الرجال والنساء من سنن الحياة حتى في أفضل العصور والأزمان

لكن بعض الناس يفهم معنى الأختلاط بأنه أمر سيء

@@@@@@@@@@

ومن يرى هذا

الأفضل له ان يغلق عى نسائها الأبواب ولا يدعهن يخرجن أبداً
لأنهن سوف يتعرضن للأختلاط مع الرجال -والعياذ بالله -

أو يسكن في قرية نائية او في الصحراء ... حتى لا يحصل الاختلاط

لحظة
الصحراء فيها اختلاط عند البير

يعني ما فيه فكه

[صرح رحة] [ 16/06/2009 الساعة 11:30 مساءً] اضف ردك على هذا التعليق

موظفين البنك والله ونعم وستين نعم وجزاهم الله خير كبير وصغير

بس الكلم على نظام البنك والمدخل يجب فصل الباب انساء عن الرجال فقط و مدير البنك حفظة الله قدر على ذالك0000000

وشكراً الى الجميع

مع تحيات
ولى امر فتحه حساب في البنك

صرح رحة

[صريح] [ 17/06/2009 الساعة 12:42 صباحاً] اضف ردك على هذا التعليق

ياخي لويجي اكتتاب اسهم بالبنك
وش بيصير؟؟؟

تلقنا النااااااس فوق بعض
لازم تصحح المساله عااجلا
ابوسالم لاتشبه البنك بالحرم

[ابراهيم] [ 17/06/2009 الساعة 1:21 صباحاً] اضف ردك على هذا التعليق

الله يرجكم يالخرجاويين ...

قاعدين تتطاقون علشان باب ..؟؟؟

ما اقول الا الله يخلف عليكم بس ....

[برنس الخرج] [ 17/06/2009 الساعة 12:40 مساءً] اضف ردك على هذا التعليق

الأخ عبدالله العنزي أعجبني تعليقك وأقنعني ما شاء الله عليك

الأخ صريح تقول لو يجي إكتتاب ماذا سيحدث من الإختلاط

طيب أين أنت عندما يبدأالعام الدراسي من المكتبات والإختلاط وقلة الحياء اللتي نراهاا من إختلاط و احتكاك بين الجنسين ليش ما انكرتوا وهو اختلاط صريح مو نظرات بس

أين أنتم اذا جاء العيد ونظرتوا بأنفسكم كيف يكون الاختلاط

فهمت تصورت ولا افهمك أنت وغيرك .....

يعني كل هذا عادي وما يحدث في البنك الاهلي حرام

تحياتي لكم

[ابوعبدالعزيز] [ 17/06/2009 الساعة 3:38 مساءً] اضف ردك على هذا التعليق

ياساتر على العالم وعلى المبالغة في الأمور ..............تفكير منغلق لمسئلة يمكن حلها

مع ادارة البنك بكل سهولة........................هونوها وتهون

[ النفس المطمئنه] [ 17/06/2009 الساعة 4:10 مساءً] اضف ردك على هذا التعليق

السللام عليكم
يابشر وش ملاحضين انتم على تعاليق كما تلاحضون انها حسد في حسد يعني اووضح شي

لاحول ولا قوه الا بلله لازم تعرفون نحن اخوان ومن ادم وحواء يجب ان لا
نحسد انساء على الرجال

واالي مسويها البنك شي عادي مو عيب فيه الاختلاط بلسواق كما في البنك ليش ماقلتو عيب ان كان الاختلاط في السوق بدون محرم

هذا انتم مشاء الله عارفين ينساء تختلطون مع الرجال المحلات وتتكلمونهم وتختلطون

مع الرجال الاسواق المركزيه وفي السووق

يعني صار الرجال كائن غريب عن ادنيا ؟؟؟
لا حول ولا قوه الا بلله
بدون ثررثره ولا تصادم في الحكي الي خايف على مرته ينزل معاها مو عيب ايضا ان ينزل معاها

والحمد لله على نعمه الله

[عميله وسام ذهبي] [ 17/06/2009 الساعة 6:02 مساءً] اضف ردك على هذا التعليق

فديتك ياوليد

ماعليك منهم وربي ناس ماتفهم مخها زي الحجر

[الفاضي القاضي] [ 18/06/2009 الساعة 12:48 مساءً] اضف ردك على هذا التعليق

هههههههههههههه مستحقرينكم إدارة البنك الأهلي

مايشوفون اهل الخرج شيء وقوفوا بوجيه هالبنك الربوي

[وليد - موظف في البنك الاهلي] [ 18/06/2009 الساعة 11:37 مساءً] اضف ردك على هذا التعليق

عساها بذمتك ان شاء الله يافاضي

بنك ربوي لاحول ولاقوة الا بالله

[شهد] [ 19/06/2009 الساعة 9:59 صباحاً] اضف ردك على هذا التعليق

ا رجو من عميلات البنك

بس 50 عميلة تسحب حسابها من البنك والله بتشوفون ان البنك يفتح بوابة من الجهة الشرقية

والله 0000 يا وليد صرحة رحة

البنك الربوي 00000000000الربوي00000000000الربوي 100 في 100

شوف تعاملكم في القروض وانت تحكم

يافارس البنك بلا جواد

[برنس الخرج] [ 20/06/2009 الساعة 10:52 صباحاً] اضف ردك على هذا التعليق

الأخت شهد

شكلك مع الخيل ياشقراء

وشمزعلك على البنك وإذا صار باب موحد إيش المشكلة في نظرك

[رهف] [ 04/01/2010 الساعة 3:59 صباحاً] اضف ردك على هذا التعليق

أقول what haping ولا يكثر بس أبي أتوظف فيه تراني حاسب وانجلش وأعجبكم

[فرفوش ] [ 31/08/2010 الساعة 12:29 مساءً] اضف ردك على هذا التعليق

استغفر الله العضيم واتوب اليةولاا حول ولاا قوة الاا بالله

كبرتو السالفة وولعتوها وكل واحد يعرف نفسة انا الي قاهرني الي قايل اسود الهيئة يالله الله يسامحة

[عبدالمجيد] [ 07/02/2011 الساعة 8:21 مساءً] اضف ردك على هذا التعليق

السلام عليكم
كيفكم ان شالله بخير
ايه والله مفروض تخلون باب لنساء لحاله والرجال لحاله
وطللللللللللللللللللب صغيروون
الله يخليكم انا مخلص ثانوي
وودي اشتغل في بنك بس ماحصلت ارجوكم اذا فيه وضايف ترسلون ع البريد الالكتروني طفشت من جلست البيت والوالد طفش مني وهو يصرف علي

[عبدالمجيد] [ 07/02/2011 الساعة 8:30 مساءً] اضف ردك على هذا التعليق

العطاله سبب في انحراف الشباب
وين اللي يقولون بنحل مشكلة الشباب
كلام فااضي ماشفنا شي
القهر يتشرطون نبي دبلوم ونبي نسبه فوق 90 الخ الخ الخ ورب الكوووون
ربكم مايسكت عن الحق
الخرج الحين اكثرهم xxxxxxxxxxxxx ومدري ايش ادري كلامي ماله دخل في اللي تقولونه عن البنك بس اني مقهووووور
الانحراف في الخرج صاااااار اكثر من الرياض وغيرها