الله يبآرك بهآلآمطآر ويجعلهآ سقيآ خير وبركه يآرب ..

سؤآلي لمدير الجآمعه وش استفدت يوم خليت الطلاب يدرسون ؟!!

محاظرات الصبح نص الطلاب ما جوآ وحتى الدكاتره ..

محاظرآت بعد الظهر زين الدكتور الغآهآ والآ مدري كيف بنوصل للكليه ..

اذا انا طالع لمشوآر بعد الظهر وتوهقت وربي حتى وصلت له لآن كل الشوآرع مسكره ..

عند المشتل غرقآن .. عند آشآره بنده غرقآن .. عند الشعله غرقآن .. الصنآعيه .. طريق الشعبه اللي عند الجآمعه ..

بآلله كيف بندآوم ؟!!

اذا احنا اهل الخرج متوهقين .. كيف بطلآب الريآض ؟!

كيف بيرجعون لآهلهم ؟!!

كل الشوآرع غرقآنه وخطر الطريق بعد ..

لهآلدرجه مافيه خوف على سلآمة الطلآب ..؟!

والآ مسوين مهتمين بآلعلم ؟! وهم آبعد مايكون عن هالشئ ..


نشوف بكره وش بيسوون ..

الغرق في الأحياء العشوائية فقط نعم أحياء عشوائية أول مره تسمعونها سمعناها قبل سنتين ....
ارجعوا لربكم يا أهل الخرج اتقوا الله وكفاية ذنوب

تدرون ضاق خلقي

كنا نأمل ان تنتهي تحويلة عبارة طريق الرياض خلال الثلاث سنوات القادمه

اما الان بعد ان غمرتها السيول بتستمر الى خمسة عشر سنه قادمه

اقترح ان يتم عمل كوبري الى حين الانتهاء من العبارة ثم بعد ذلك تتم ازالة الكوبري
بعد الانتهاءمن العبارة

الخرج وياقلب لاتحزن

شكرا لكم

مدير البلدية كيف آلحآل...,؟

يآ آهل آلخرج مدير البلدية مقدم آجآزة شهر تبدآ آلسبت 8/1/1433

توهق وبيسحب عليكم


آذ جاءمن الاجازة الا مشكلتكم نآسينها...

بكرره فيه اجازه ولالا؟!
الرجاء الرد بسررعه

فيه اجازه بكراا؟لاربعاء

اقول جازه مو جازه سيفون سيفون والله لسحب عليهم ماني بايعها تو طلعت سيارات طافيه وبعضها غرقانه وتبيني ادرس

اقول كيف الحال يا ابو راس سوال يسدح نفسة وش رأيك بل الخرج اليوم عقب المطر ممكن ترد على بس شكلى اكلام نفسى اتمنا تاخذ جولة على شوارع الخرج وتشوف بعينك مهوب كلام الناس وقول يابلادي واصلى واللة أنى مقهور من اللى يصير با الخرج ياناس وش الحل اه بس حسبي اللة ونعم الوكيل  

الحل ياخوي عليك بحليب زنجبيل ينسيك هموم محافظتك

وكل عام وانت بخير

تبارك الله جعلهاالله امطارخير وبركه يارب؟
مدير البلدية صباح الخير........؟

آه آه آه

الخرج غرقت يا ناس

فهناك مسجد قد دخلته المياه فلا صلاة ولا آذان.

وهناك شيخ يستغيث بأمة فلا حياة ولا جواب
ــــــــــــــــــــ

أنا أقولها وبصراحة:::أتحدى معالي مدير الجامعة مداوم

والله ليأتي بك دعائناً في هذا المطر والله لأدعي عليك وانا متيقن بلإجابة

:::::::::::::::::

للأمانة انا لست طالب جامعي ولكن حرقتني التعليقات وابشروا فالنصر قادم


اما عن المهم فأنا اتمنا من صحيفة الخرج تعطينا خبر بكره نداوم (التعليم العام)

ولا لا؟ وكذالك الجامعات؟


وياليت نسمع تصريح لصاحب السمو الملكي الأمير عبد الرحمن بن ناصر آل سعود محافظ الخرج

والله انك صادق يامحمد وربي ان المطر اليوم غزير مره الله يبارك فيه ويصلحك يامدير البلديه

يا حرام والله

اللهم صيبا نفعا

ولايحيق المكر السيئ إلا بأهله

طيب وبكره...هل بتعلق ؟ واللى بعلقونا؟

في مثل هذه الأجواء

المفروض ما يأخذ أي مسئول

إجازة .

لأن المسئولية تقع عليه وعلى من سمح له

وهذا الهروب بعينه

ابو احمد
اجل تقول الغرق في الاحياء العشوائيه وتطالبنا بمخافة الله

طيب يالغالي ابطعيك سيارتي كابريس 2008 هديه لك

اذا جبت لي شارع من شوارع الخرج الرئيسيه مو غرقان يعني شارع القاعده
شارع الصناعيه القديمه اللي تو مضبطينه والا اقولك الشارع الرئيسي اللي يودي للرياض عرفته اللي عند العباره .. والا اقولك طريق الساقي دور على راحتك
وتعرف منو اللي يخاف الله ومنو اللي مايخافه... السيارات غرقت والبلاوي طلعت
بالامس مدير البلديه يصرح يقول جيت للخرج وهو غرقان واللحين مافيه قطرة ماء
ايه صدقت يابو راس ولاقطرة ماء ... اتمنى كل من غرقت سيارته وتظررت يرفع دعوى للديوان المظالم ويشتشهد بتصريح مدير البلديه لانه ادانه له .. ارفعو واخذو حقكم منه
.....

بكره فيه دواااام لكلية الدلم ولا لا لان عندنا اختبااار  

حقيقة الدفاع المدني يستحق الشكر والتقدير منا جميعا فقد ابدع في تحذيراته من يوم امس ثم في اعمال الانقاذ التي قام ومازال يقوم بها للمحتجزين في كل مكان فله الشكر والتقدير

اقووووووول بووكرآآ في اججازه والا اخلصصوو ععلينا

اللي يقول احياء عشوائيه ..

حي بن تركي عشوآئي ؟!!

والا شارع القآعده عند اشارة بنده خاصه ؟!!

والا قدام هآيبر اللي صآير مسبح ؟!!

مدير البلديه هين مامنه رجآء خآين للأمآنه وكلنآ نطآلب بآزآلته ..

الآمطآر كثيره وآذآ جآء السيل وش بيسوون بآلعبآره ؟! الطريق كله بيتسكر يعني اللي جآي والا رآيح للريآض بيتعطل ..

المرور وينهم ؟!!

ليه مايسكرون الطرق اللي فيهآ مويه كثير . مثل اللي عند الصنآعيه القديمه من جهة المشتل وعند هآيبر وعند الشعله ؟!! بعض هالناس يدخل بسيارته واخر شئ يبلش ..

واما بالنسبه لطلاب وطآلبآت الجآمعه فـ اذا ما عطتنآ الجآمعه اجازه غيبوآ ولآيهمكم شئ ..

ماتسوى وقسم بآلله قلق آهلنآ علينآ وحنآ طآلعين ..

احنا اهل الخرج العيال اهلنآ قلقين علينآ مع انهم عارفين الخرج زين .. فـ كيف بآهل الريآض والحوطه .. فـ كيف بآلبنآت ؟!!

اتحدا اي احد يقدر يوصل للجامعه او مبآني الكليآت اللي برآ الجآمعه بسهوله ..

الى متى يستمر بلديه الخرج تلاعب ومكذوب
عفوا جاني الخبر من منسوبي بلديه ان رئيس ابوراس تقاضي راتب خارج دوام 7500 ريال والله العظيم
الصحيفه الخرج وصولك الحقيقه

الهم اجعلها امطار خير وبركه

الأمطار هذه الأيام ولله الحمد على المملكة, والذي نسأل الله عز وجل أن يزيدنا خيراً على خير
أحببت أقول لكم أنه وكما كان رسول الله صلى الله عليه وسلم يقوله :
(عند نزول المطر يقول)
" اللهم‏‎ ‎صيباً نافعاً "
(وبعد نزوله)
" مُطرنا بفضل الله ورحمته "
(وعند شدة الأمطار والخوف منها)
« اللهم حوالينا ولا علينا، اللهم على الآكام والظراب وبطون الأودية، ومنابت الشجر »
(وعند هبوب الريح)
« اللهم إني أسألك خيرها وخير ما فيها ، وخير ما أرسلت به ، ‏وأعوذ‎‎بك من شرها ،
وشر ما فيها ، وشر ما أرسلت به »
(وعند سماع الرعد)
« سبحان الذي يسبح الرعد بحمده والملائكة من خيفته »
لأن عبدالله بن الزبير رضي الله عنه
‏ كان ‏ ‏إذا سمع الرعد ترك الحديث وقال (سبحان الذي يسبح الرعد بحمده والملائكة من خيفته) ثم يقول إن هذا لوعيد لأهل الأرض شديد.
(وللتذكير أقــول)
أنه حين نزول المطر لا تنسوا الدعاء لأنه مجاب عند نزول المطر، ففي حديث سهل بن سعد قال
قال رسول الله عليه وسلم ثنتان ما تردان الدعاء عند النداء وتحت المطر,, - صحيح الجامع –
(البعض)
عند قوة المطر وخاف الضرر قد يدعي بأن يوقفه الله وهذا لا يصح، بل عليه أن يدعى بأن يكون في الأودية ومنابت الشجر فكما في حديث أنس رضي الله عنه أن رجلاً دخل المسجد فقال:
يا رسول الله هلكت الأموال وانقطعت السبل فادع الله يمسكها عنا، قال: فرفع رسول
الله يديه ثم قال اللهم حوالينا ولا علينا، اللهم على الآكام والضراب وبطون الأودية
ومنابت الشجر فانقطعت وخرجنا نمشي في الشمس - رواه مسلم –
(فـــائــدة)
*يستحب أن يصيب المطر شيئاً من البدن والمتاع ففي حديث أنس رضي الله عنه قال:
أصابنا ونحن مع رسول الله صلى الله عليه وسلم مطر فحسر رسول الله صلى الله عليه وسلم ثوبه حتى أصابه المطر فقلنا يا رسول الله لم صنعت هذا؟ قال: لأنه حديث عهد بربه تعالى - رواه مسلم - .
(وفي الختام)
نسأل الله أن يسقينا غيثاً ‏ ‏مغيثاً ‏مريئاً ‏ ‏مريعاً ‏ ‏نافعاً غير ضار عاجلاً غير آجل
اللهم وفقنا لإتباع سنّة نبيك محمد صلى الله عليه وسلم
اللهم آمين ،، اللهم آمين ،، اللهم آمين
اللهم قر عيني بمن أحب قلبي واجعل بيننا مودة ورحمة

وش ذا القهههههههههههههرررر وين البلديه وينههها حرااام بس ياخذون رواتب وهم مادرو عن الخرج ولا عن السيوول الي جت ماقول الا حسبي الله ونعم الوكيل

ياخي حسوو فينا لو مره

اغرقتها يا ابو راس



حسبي الله عليك
حسبي الله عليك
حسبي الله عليك
حسبي الله عليك

حسبي الله على كل ضالم خائن للامانة في بلدية الخرج
حسبي الله على كل من يسرق بغير حساب ولا رقيب ولايخاف الله



نحن في اعناقكم ياصحيفة الخرج ان تنشرو همومنا ومعاناتنا كما نكتبها فنحن مسئولون ومحاسبون امام الله عمانكتب

الماط خيروبركة

بصراحه كنت بقول كل الي عندي بس الاخوااااااااااان ماقصروو عبرو وكفووو وزادووو

بس المشكله ان الاذااان لاتسمع مشاكلنا ومصايبنا عند مايجينا المطر


ولا يتم تعووويض المتضررين.


الي قاهرني في الموضوع طلاب الجامعات والكليات بالله وش يبي يستفيد الطالب ولا الطالبه علشان

يجي يحضر كم محاضره لاتسمن ولا تغنيه من شي وهو كل تفكيره شلون راح يطلع من المحاضره

وقت الامطاااار .

يعني بالله لو اخوك او اختك يامدير الجامعه ولا عميدة الكليه موجوده بالكليه راح تخلينها تدرس ومدينتنا

غرقانه وانتي عارف/ــه ان مديتنا لاصار فيه امطار راح تغرق.

يعني بالله ماوصلك تحذير ولا سمعت من الاخبار تحذير الدفاع المدني واالارصاد حماية البيئه من

الامطار الي راح تجي علينا

اتمنى تراعون الطلاب والطالبات ويكفي غبااااااااااااااااااااء ترى النظام الي سواه بشر مو منزل علينا

من الكتاااب يعني راعوووووووو الطلاب والطالبات.


من جد الخرج غرقاااااااااااااااانه يكفي مصيبتنا برئيس بلديتنا

ناقصين مدير الجامعه ولا عميدة الكليااات .

وبس..................

اليوم داومنا في جامعة سلمان ولا كلف نفسه مدير الجامعه يعلق الدراسه طيب اذاالتعليم العام علق الدراسه ليش حنا مو مثلهم لييييييييييييييييييييييه؟؟؟؟؟؟؟؟؟؟؟؟؟؟؟؟؟

امطار خير وبركه ان شاء الله تعالى

يارب صبرنآآ بسس الححين كل الي نبغآآه هل فيهه أجآآزه أو لــآآ ممكن أعرف ؟؟؟
يعني متى ناوين ينزلون خخخبر ان ششاء الله
شئ يرفع الضغطططط

نبغى اجااازه بكره تعووووويض لليوم

حسبي الله عليكم من جامعة الخرج اسسسسم جامعه والا هي بيت خراااب وكهربا فااااشله
وغير كذا مجبورين نداوم عندنا اختبارات والدكتورات مايداومون

ي رب انك ترحمنااا ي بنآآآت جامعة الامير سلمان

مالت على مدير جامعة سلمان بن عبد العزيز

اتكلم خلف اسمي الحقيق وليسى مستعاركلكم تكلمون عن مصالحكم الشخصية ولم ارى أي حل للمشاكل
العامه في المجتمع
الخطأ سلوك بشري لا بد أن نقع فيه حكماء كنا أو جهلاء ..و ليس من المعقول أن يكون الخطأ صغيراً فنكبره ..و نضخمه.. ولابد من معالجة الخطأ بحكمة
اللوم للمخطيء لا يأتي بخير غالباً
تذكر أن اللوم لا يأتي بنتائج إيجابية في الغالب فحاولو أن تتجنبونه
المخطئ أحيانا لا يشعر أنه مخطئ فكيف نوجه له لوم مباشر و عتاب قاس وهو يرى أنه مصيب ..
استخدمو العبارات اللطيفه في إصلاح الاخطأ
إنا كلنا ندرك أن من البيان سحراً فلماذا لا نستخدم هذا السحر الحلال في معالجة الأخطاء .. فمثلاً حينما نقول للمخطئ (لو فعلت كذا لكان أفضل..) (ما رأيك لو تفعل كذا..) (أنا اقترح أن تفعل كذا.. ما وجهة نظرك.
أليست أفضل من قولكم.....
-----------------------------------
- وتعرض العديد من المواطنين إلى تعطل سياراتهم بسبب سوء السفلته والإهمال من البلدية .؟؟؟؟؟؟؟؟؟؟؟
- السبب الرئيسي في هذه الأضرار سواء من سوء السفلته أو تأخر مشاريع العبّارات وتعثرها والإهمال الواضح في أغلب شوارع مدينة السيح؟؟؟؟؟؟؟؟؟؟؟؟
- صورة مع التحية للمجلس البلدي الجديد؟؟؟؟؟؟

يا جماعه اليوم اخوي صدم بسبت عدم تصريف السيول

وبكره اجااااااااازه انا متاكد غيبو وما عليكم

اين ابو راسسسسسسسسس اين الحلول يوم واحد مطر صار تلخرج وادي وثيلان حسبي الله عليه 00

طال عمرك ودنا نتعبك شوي ممكن تاخذ كم فرة بشوارع الخرج


ولا عليك امر ترا تعبنا

الشايب كيف الاملاء معك

تصدق مافهمت انت وش قاعد تقول

هههههههههه يا جماعه انا بالنسبه لي كلمتين ابي اقولها بس .. {{ لا تعليق }}

ههههههههههههه .. يا جماعه انا اي اقول كلمتين بس ... {{ لا تعلق }}

شباب ابشركم بكره فية دوام
الله يعينا على ابو راس
والدلم مافية شفتوا كيف العدل ياشعب تحرك

لاتعليق ----- يوجد تعليق حسبي الله علي خونت الدين والوطن حسبي الله -- حسبي الله -- حسبي الله

اصلا إذا كان رب البيت ظاربا للدف !!!!!!!!!!!

فشيمت أهل البيت الرقص؟؟؟؟؟؟؟؟؟؟؟


فهذه حال بعض الدوائر الحكومية في محافظة الخرج و من أولها ( البلدية ).


فالقصه اللي طلعت على الكبري المقابل للبرج على مدخل المحافظه بين البلدية و المقاول ......
أتحسس بأنها مدروسه بين البلديه و المقاول للتغطيه و التمويه .

الدليل حدوث زوبعه مؤقته لها و إنطفائها.

نشوف اللي يسمونها مكافحة الفساد وش تسوي

بكره في مدرسه

يانااااااس ياعااااالم صرفوا هالماء اللي حجزنا مانعرف نطلع من بيوتنا نخاااف نعلق بهالمووويه وما نرجع لبيوتنا الناس تستنى المطر تستانس فيه وحنى عاايشين بخوووف من هالمويه اللي مو عارفين كيف تصرفوونها .........
ما اقول غير حسبي الله ونعم الوكيل على كل مسوول اهمل عمله ومسؤوليته ............
ولا ننسى ان نشكر الدفاع المدني على جهوده المبذووله ما قصر وجزاهم الله عنا الف خير......

نصيحتي كلكم بكررره تغيبوا مااراح تنفعكم الدراسه لآصااار شئ فيكم لاسمح الله مومنحرق الإقلووب أهلكم تسحبوا على ابو المدارس والجامعات

مير هالسنة التصريف سييييء للغااااية
أول مره أشوف شارع 17 يمتلي بالعادة اللي نشوفه يمتلي طريق راكان

بصرااااااااحة نسبة نجاح مشاريع تصريف السيول -1000000%( ركزا ع السالب) بصراحة

حسبي الله عليك يارئيس البلدية
اتمنى من محافظ الخرج أن يأخذ جولة ع المحافظة أثناء هطول الأمطار

مطرنا بفضل الله ورحمة

والله ماقهرني غير طريق الساقي والله من جد
خافو الله في الناس يابليدية الخرج


قال ايش طريق الملك عبدالله

الله يرحم ذاك الطريق اللي بالرياض

ااااااااااااااااااااااااااااااااااااااااااه بس
مشكوووووووووووووووووووووووووووووووووور ع التغطيه اتمنى لك التوفيق وننتظر المزيد من التغطيه

ولاتنسى التغطيه في جامعة سلمان من الداخل المبناء وخارجه

وطريق الخرج الدلم

احلا شي ان امي معلقه ادراسه




ماوادكم تعلقونها زي امي

ذي الخرج او جده ؟؟ معقوله الخرج بالشكل هذا .

اولا بسم الله الرحمن الرحيم
ثانيا الف مبروك الخير والحياوالله يجلعها سقيا رحمه لاعذاب ولاهدم ولاغرق

ثالثا بالنسبه لطلاب جامعة سلمان حسبي على معاليها

لاتداومون بكره انا عندي محاظره اليوم الي هو الثلاثاء الساعه 2 الظهر وجيت وفيه مطر قوي ولا فيييييييه احدددددددددددد طبعا طلعت 2 ونص والمطر باقي ولله الحمد واستمر الا العشا فكيف بيكون حال الجامعه

وربي اني جالس بالقاعه استنى الدكتور ماجا وكان معي طالب واحد والجامعه فااااضضضضيه لاسيارات لاحد والاسياب وربي انها غرقاانه ويمين بالله ان الدور الثاني يرتتخخ مااااااااااء غراااااااااق من وين وصل للدور الثاني مدري عن جامعتنا الجديده والجدران متصدعه والمكيفات طبعا على خبركم بارده زود على البرد

انا اقووووول لاحد يدااوم الاربعااء اذا كان مافيه اجازه واذا جا مطر بالويك اند السبت لاحد يداوم


تحياتي وتقديري للعاصمي الي خلانا نداوم وافقعو وجهي بمكيف صحراوي اذا هو داوم اليوم ولاراح يداوم بكره

الخبل والي هاينه عليه ادموع امه وابوه عليه يداااوم لابوهم لابو كلب الجامعه ليه البنات حلال والعيال حرام لا وعادهم يجون بعد لحد يدااااوم حرمان وغيره يتعوض روحك ماتتعوض يالخبل لاحد يداااوم

ما شا ءالله

وش هذا التنظيم والصور الزينة

والله عقب هذي الصور اللي يسكت انه ؟؟؟؟


مهزله ما بعدها
وين تصريف الامطار والسيول ولا لازم نموت علشان تبنونها

نسخة ل؟؟؟؟؟

تكلموا يا ناس

ليش ساكتين

اللهم انزل علينا رحماتك وبركاتك وأمنك وهدايتك ورزق واجعل كل ما أنزلته علينا من مطر عونا لنا على طاعتك
اللهم بارك في الصحيفة وفي القائمين عليها - ( جهد مشكور )

ليه زعلتوا من كلمة أحياء عشوائية قالوها بجدة وبتسمعونها بالخرج ....
أبي اعرف إللي يناشد أبو راس لا أمير الخرج من جد يتكلم ....خلونا ساكتين أحسن

طبعآ الامير سلمان بن عبداالعزيز جاي الخرج

آنظرو من آين سيآتي؟ لن يمر عبارة الرياض

والخط الي بيجي معه يسون شفط الموية الان ووالبارحه

لكي لا يرى شيءوالخط كله ورود

الله لا يوفق من كان السبب

نطالب بآستقالة مدير البلدية

انا اقول هل فيه للناس المتضررين من الأمطار سواءا كانت اضرارهم في منازلهم او مزارعهم او سياراته وأين تعويض العام الماضي التي وقفت عليها اللجنه ولم يأتي للمتضررين اية شيء ياناس شوفو التلاعب وين يالمسؤولين الله يرحمنا برحمته بس

انا اقول هل فيه للناس المتضررين من الأمطار سواءا كانت اضرارهم في منازلهم او مزارعهم او سياراته وأين تعويض العام الماضي التي وقفت عليها اللجنه ولم يأتي للمتضررين اية شيء ياناس شوفو التلاعب وين يالمسؤولين الله يرحمنا برحمته بس

تتذكرون تصريح مدير البلدية


((( جيت الخرج غرقانه !!!! واليوم ولا نقطه ماء !!!!!))))

هذا يا هو مهبول يا هو مهبول



البلاء والله في رجال الخرج والا البلديه مالهم ذنب الذنب على من يسكت على مهازل ابو راسين
الله يعافيه ولا يبلانا

انكشف المستور وبان المستخبي....؟! الي متى السكوت

حسبنا الله ونعم الوكيل حي المنتزه دخلت علينا المياه بسب المشاريع الفاشله واخرها تصريف السيول وضعوها فدخلت منازلنا المياه اين تصرحيك ياريس البلديه بانك نجحت في التصريف فعلا نجحت بتصريفنا ببهرجتك الاعلاميه الهلاميه البعيده عم كل مصداقيه
وينبغي محاسبتك علي كل مايحدث للخرج حسبنا الله علي كل متهاون معك

ما اقول الا حسبنا الله ونعم الوكيل

الله يعيننا على ابو راس

XXXXXXXXX



امس الشوارع غرقانه
واليوم سولها شفط
عشان الامير سلمان

العبارة الي على طريق الرياض مو مخلصينهاالا بعد 3 سنوات ويمكن زود

لا حول ولا قوة الا بالله

لا ينفع المطالبه ادعو عليهم بس ترانا مظلمويين ودعوتنا بعون الله مستجابه يجلع من تسبب بهالمصايب عندنا باقي الدعاء بقلبي بس قووووولو امين يا مسلمين بس قولو امين من قلوبكم

الله يعطيكم العافيه علي التغطيه الممتازه

يا ترى ماذا ستفعل البلدية غداً .. ؟!!

الجواب سهل مرة لن تفعل شيئاً أبداً كالعادة أصلاً هي ماذا فعلت في السابق ولا شي

تنتظرون إنها تسوي شي في المستقبل وما بلدية جدة عن بلدية الخرج ببعيدة

أوه صح آسفه نسيت الظليمه شينه هي كل الي سوته إنها ما سوت شي ما يكفي هذا

يا أهل الخرج

بالله تحية تحية لبلدية الخرج

انا مجانى زيكم بس الله يشفيكم

سوف تنام بلديه لم تفعل شي سوف يكبر مخده مدير بلديه وينام

السلام عليكم كل ما جاء خير من ربي يطلع الفضايح يا ناس يا هووووووواء كبور العبارات الشكوى الله بس

اللهـــــــــم اســــــــقنا غيــــــــــثا مغــــــــــــــيثا ،

هنــــــيئا مريعا ، غدقا مجــــــــــللا ، طبــــــــقا ســــحا دائـــــــــما ،

اللـــــــــهم اســـــقنا الغيث ،

ولا تجعــــــــــــــلنا من الـــــــــــــقانطين ، اللــــــــــــهم إن بالعبــــــاد والبــــــــلاد

من الـــــــلأواء والضــــــــنك والجــــــــــــهد ما لا نشكــــــــوه إلا إلــــــــيك ،

اللــــــهم أنبت لـــــــــنا الزرع ،

وأدر لــــنا الضــــــــــرع ، واســــــــقنا من بركـــــــات الســـــماء ،

وأنزل عليـــــــــــــــنا من بركــــــــــاتك ،

اللــــــــــهم ارفع عــــــــــــــــنا الجهــــــــــد والجـــــوع والعــــري ،

واكشــــــــــف عــــنا من البــــــلاء ما لا يكشفــــــــــــــــه غيـــــــــــــــرك ،

اللهـــــــــــــــم إنا نستغــــــــفرك إنك كنــــت غـــــــــفارا ، فأرســــــــــــل الــــــسماء علـــــينا مــــــــــــدرارا




آمـــــــــــــــــــــــــــــــييييين يآرب

بسم الله الرحمن الرحيم

يآمير الخرج كلنا في رقبتك انت ولي هذه المحافظه بعد الله ,,

اطالبك بآقاله مدير البلدية وفتح تحقيق معه في كل مشروع تعطل او ماآنجز على الوجه المطلوب ..


سوف اسآ لكـ امام الله يوم القيامه عن مافعله مدير البلدية ..


كلنالانريد ابو راس مدير للبلدية ولا البياهي مساعدآ ولا مدير ..


هذي يومين لو المطر مواصل يوم ثالث بعد وش بنسوي ..



اطالب بآقاله ابو راس ولن ادع جحر الا وسوف اشتكيه فيه .

وحتى بعد اقالته لابد من فتح التحقيق معه ..

من جيت يا أبو راس ... والخرج مناحس

خسسسسسسسسسسسسسسساره
ماشفت هالمطر والحركات

جالسه بالبيت وبس

بس نحمد الله شفت السيل داخل الكليه

هذا الخرج منذو مبطي وهو كذا .
الله يصبر أهل الخرج

اول شي نشكر المصور على جهوده وتعبه ونشكركم ياصحيفه الخرج تسلم على موضوعك الرائع الذى يناقش اهم المواضيع بخصوص محافظة الخرج اما تعليقي على الصور الشباب ماقصرو وحسبي الله ونعم الوكيل

صورة مع التحية لسعادة المهندس الجهبذ ابو راس رئيس بلدية الخر
ماذا بقي بعد كلماتك الشهيرة عندما قلت (حاسبوني بعد عام اذا رأيتم شبر ماء في الخرج لم نرى شبر بل رأينا وايتات مياه واكثر )

لاحيااااة لمن تنادي البلديه هي السبب البلديه هي السبب البلديه هي السبب البلديه هي السبب البلديه هي السبب البلديه هي السبب البلديه هي السبب البلديه هي السبب

اشكركم من التميمي الى البعيجان الى البويكير على هذه المناظر . مارأي المجلس البلدي الجديد ؟ هل سيغير شي عن ما كان عليه المجلس البلدي الفاشل الاول ؟ ام سيستمر على نفس الوضع ؟ الان نخاطب المجلس البلدي هو الامل بعد الله . لم نعد نخاطب رئيس البلديه الفاشل عديم الامانه والاخلاص . المجلس البلدي هو الامل الان بعد الله فلاتخيبون امالنا ............. اشكر صحيفة الخرج . واشكركم اتنم ايضا

قد سبق وان طالبنا رئيس البلدية والمجلس البلدي السابق عمل مجاري وقنوات لتصريف مياه الأمطار من مكان تجمع مياه الأمطار على الطرق إلى أقرب وادي لتصريف السيول خاصة أحياء الخزامى والخالدية والعزيزية والسعودية وحي أبن تركي وحي المنتزة وعلى طريق الملك عبدالله وعند بنده إلى جمعية البر وجميع أماكن تجمع الأمطار.
ونسأل الله ان لايرينا ماكنت متوقعه من غرق مدينةالخرج ((السيح)) عندما تجتمع سيول نعجان والدلم والهياثم هل هذه العبارات الثلاث ( المراعي والجامعه والبرج ) والصغيره والتي لن تستطيع اخراج السيل وسوف تهدد الجامعه ومدينه السيح.
واسأل الله ان لايرينا هذا الموقف ولكن نأمل من سمو المحافظ عدم السكوت على هذا التلاعب بمشاعر الناس وحمايتهم ومراقبةومحاسبة رئيس البلديه والذي يقول لمقاول عبارة البرج ((لاتعتذر من اهالي الخرج ولا يهمونك)) ولو كان حاس ان احد سوف يقوم بمحاسبة ولو 1% كان ماتجرى على هذا القول وجعل يتلاعب بمناقصات الخرج و المناقصات الوهميه والمناقصات المتعثره
ونامل من المحافظ وهو المسؤل الاول عدم الاكتفاء بتقارير الاستاذ حسن .

السلام عليكم ورحمة الله وبركاته .....
والله مادري هل المسئولين بالمحافضة مايدرون عن الي يصير في الخرج ولا وش السالفة كل ماجانا امطار ، نفس المواقع الي عرضت الصور اعلاه تكون مليانه مويه مثل:
1. اشارة نادي الشعلة

2.اشارة الدفاع المدني (شارع الشبك).

3.الصناعية الجديدة

4.اشارة هايبر بندة

وغيرها مواقع كثيرة

وعبارة الخرج ........... وشارع الشبك ......... كم لها من سنة ماخلص المشروع

والله صور مؤلمة و أظن لو أن المطر استمر لساعات كثيرة لصار حالنا مثل الحال في جدة والله المستعان ..
يجب تدارك الوضع قبل أن يتحول الوضع من مشكلة إلى كارثة .

وشكرا لكم يا صحيفة الخرج لأمانتكم في النقل .

الله يستر

حبيت أسال لو سمحتوا متى تاريخ الاختبارات النهائيه للمرحله الثانويه نظام المقررات بالخرج

اولا السلام عليكم
ثانيا المفروض تتعودون ع هالاشياء الخرج من زماااااااااااااان وهو كذا لاحياة لمن تنادي ومشاريعه ماتنتهي أبدا جو احفاد احفادي والمشاريع زي مااااهي بالله هذي حاله
حسبنا الله

مع نفسق ياحبيبي اكتب من اليوم لبكره ولله محد سامعك غيري

لاحول ولاقوة الا بالله

والله يالربع مافيه فرق بين الصور اللي اشوفها الحين

والصور اللي شفناها في سيل جده العام الماضي

اللهم اننا لم نسمع وفيات ولله الحمد بينما في جده حصل وفيات

يعني

لازم نموت عشان تتحاسب البلدية !!!!

ياسبحان الله

الله يستر على جميع المسلمين

يااخي العزيز المواطن لاتفتح فمك لان موضوعك مغلوب عليه وماجبت شي جديد هذي الخرج روعه بحفرياتها واهي كلها وديان وشعبان لماذا تجعلون كل الملامه على صاحب البلديه قد نقول انه مقصر ومهمل والجيب والحساب ساري ولاكن مانقول انه مخطي لان الطالب يتبع مدرسه ويتعلم منه يكفيكم الوادي الثليما انتشر انتشار فضيع على المباني ولاحياء القريبه منه واصبحت كلها مياه ملوثه نسئل الله اللسلامه والا العباد غاسلين ايدينا منهم من زمان ماهو الحين بس فتكفون ياجريده الخرج الكريمه انشري ردي ولاتحذفين شي منه والله يجزينا وياكم الجنه

اخوكم / الدوسري من قحطان عيال سبيع من ال عتبان المطيري ال سعود

حسبــــــــــــــــــــــــــــــــــــــــــــــــــــــــــي الله عليك
حسبــــــــــــــــــــــــــــــــــــــــــــــــــــــــــي الله عليك
حسبــــــــــــــــــــــــــــــــــــــــــــــــــــــــــي الله عليك حسبــــــــــــــــــــــــــــــــــــــــــــــــــــــــــي الله عليك
حسبــــــــــــــــــــــــــــــــــــــــــــــــــــــــــي الله عليك حسبــــــــــــــــــــــــــــــــــــــــــــــــــــــــــي الله عليك حسبــــــــــــــــــــــــــــــــــــــــــــــــــــــــــي الله عليك حسبــــــــــــــــــــــــــــــــــــــــــــــــــــــــــي الله عليك



يامدير البلدية

الى الاستاذ ورجل الاعمال سلمان العثمان
رئيس المجلس البلدي الحالي وعضو المجلس البلدي السابق

كل الناس تقول غرقنا في شوارع الخرج حسب التعليقات في هذا الموضوع
وانت لم نرى لك صوره او نسمع لك تصريح عن هالمشكله هل الى هالدرجه الموضوع بسيط ؟؟؟متى تخرج للناس وتبين لهم الوضع لاسيما انك عضو سابق في المجلس وتعرف المشاريع التي تم ترسيتها لتصريف السيول
ام انك اخذت المطلوب بعد نجاح مخطط غرناطه!!!!!!!!!!!!!
وعدت كعادتك في سبات عميق.
الله يذكر ايام الدمخ بالخير عندما كان رئيسا للمجلس البلدي
ولا يذكرها بالخير عندما كان الفصلاء(شوارع ذكيه) رئيسا للمجلس ( دحدربه)
ولا يذكرها بالخير عندما كان الرفدي( ان اريد الا الاصلاح) رئيسا للمجلس(قتله ودفنه)

المجلس ياخوان مات وصلى علية الرفدي والفصلاء وباقي الاعضاء
والاخ سلمان العثمان فيه الخير والبركه جاء يأخذ العزاء فيه وبروح

شكرا يارمز الشفافيه والحريه صحيفة الخرج اليوم

واااصل يابو رااااااس

احسسسسسسسسن شئ انكم تحطوووووووووووون اجازه واهمممم شئ

سمو الوزير حفظه الله نحن اهالي الخرج نعاني اشدا المعانه من بلديه الخرج وذلك بتعثر المشاريع وعدم الانجاز المشاريع التي سخرتها لنا حكومة خادم الحرمين الشريفين حفظه الله ورعاه وسمو ولي عهده هل تعلم يا سمو الوزير ان مشاريعنا متوقفه تماماً وان البلديه لم تنجز من مشاريع هذه السنه سوا 31% وهذه النسبه تضع ميئة التساؤلات على ريئس البلديه الذي قد قام بأختلاق المشاكل لتك المشاريع والتعنت لها ونحن اهالي الخرج نعاني اشد المعاناه من هذه البلديه ويعلم الله انه لايحترم حق المواطن فيها ولايقدر كبيراً سناً ولا يرحم صغيراً فيها وقد حصل لنا امطاراً يوم الثلاثاء 4/1/1433 هجري والذي غمرت السيول المحافظه وقد اتلفت ممتلكاتنا وسياراتنا وبيوتنا بالامطار حيث ان اثبتت الامطار لايوجد تصريف السيول في هذه المحافظه رغم المشاريع الموجوده التي بذلتها الدوله ونرجوا من سموكم الكريم تلمس معاناة اهل الخرج من هذه البلدية وفتح التحقيق في تدني نسب انجازها واسباب اختلاق المشاكل لتلك المشاريع واسباب تعثيرها نسألك بالله ياسمو الوزير ثم نسألك بالله ثم نسألك ان تنظر في معاناة اهل الخرج وتعطيل مشاريعها وان تحاسب المقصرين والفاسدين والمتهاونين شكوانا لله ثم لك انظر فينا وفيما اصابنا من خسائر تسببت البلدية فيها والله يحفظ ويرعاك وحسبنا الله ونعم والكيل على خاينين الامانه والفاسدين ونفوض امرننا لله انه بصير بالعباد

قال ايش قال جيت والخرج غرقاء
والله يا ابو راس مع نفسك
الله يرحم حالك والله

سمو الوزير حفظه الله نحن اهالي الخرج نعاني اشدا المعانه من بلديه الخرج وذلك بتعثر المشاريع وعدم الانجاز المشاريع التي سخرتها لنا حكومة خادم الحرمين الشريفين حفظه الله ورعاه وسمو ولي عهده هل تعلم يا سمو الوزير ان مشاريعنا متوقفه تماماً وان البلديه لم تنجز من مشاريع هذه السنه سوا 31% وهذه النسبه تضع ميئة التساؤلات على ريئس البلديه الذي قد قام بأختلاق المشاكل لتك المشاريع والتعنت لها ونحن اهالي الخرج نعاني اشد المعاناه من هذه البلديه ويعلم الله انه لايحترم حق المواطن فيها ولايقدر كبيراً سناً ولا يرحم صغيراً فيها وقد حصل لنا امطاراً يوم الثلاثاء 4/1/1433 هجري والذي غمرت السيول المحافظه وقد اتلفت ممتلكاتنا وسياراتنا وبيوتنا بالامطار حيث ان اثبتت الامطار لايوجد تصريف السيول في هذه المحافظه رغم المشاريع الموجوده التي بذلتها الدوله ونرجوا من سموكم الكريم تلمس معاناة اهل الخرج من هذه البلدية وفتح التحقيق في تدني نسب انجازها واسباب اختلاق المشاكل لتلك المشاريع واسباب تعثيرها نسألك بالله ياسمو الوزير ثم نسألك بالله ثم نسألك ان تنظر في معاناة اهل الخرج وتعطيل مشاريعها وان تحاسب المقصرين والفاسدين والمتهاونين شكوانا لله ثم لك انظر فينا وفيما اصابنا من خسائر تسببت البلدية فيها والله يحفظ ويرعاك وحسبنا الله ونعم والكيل على خاينين الامانه والفاسدين ونفوض امرننا لله انه بصير بالعباد

شكرا لكم يا صحيفة الخرج اليوم
وشكرا للتميمي وزملائه

الى متى يا المسوليين وانتم تتفرجون كل سنه ولا تحترون اللي جاء جدة علشان تحاكمكم الدوله خافوا الله ميزانيات بالملايين ولا قدرتوا تسوون تصريف للمياة بتقوم القيامه ماسويتو اي شي لاكن الشرهه مهب عليكم على اللي مخليكم تمسكون مناصب وادارات من غير ما تطورون المدينه وتصلحون الاخطاء لاكن كل شخص راعي حق ماراح يضيع حقه حتى ولو في يوم الحساب.

منذ اكثر من عشرين سنة وهذا حال الخرج..والبلدية في موقف المتفرج

انا موظف بلدية ومستعد للرد على الاستفسارات.....المشكلة في الموسسات والشركات المتعاقد معها